#1
|
||||||||
|
||||||||
بين الرمح والسيف
جسمك صار يحسين..بين الرمح والسيف
لاناصر ينصرك..والخيل اعله صدرك بين الرمح والسيف ............ عطش ومصاب وانت مخضب بدمك تزحف والجروح اتلاوذ بهدمك لاناصر بكالك لا اخو يمك واذا ذرعان ياذرعانها اتضمك نهار وصار الك ليل...عليك وهجمت الخيل بين الرمح والسيف ................... زحف جيش ال اميه وفوج يردم فوج مثل طوفان نوح وروجه يبلع روج وصل ليك ولكاك من الجروح تلوج فايض بالدمه ومابيك فوج تفوج بس زينب تناديك...يخويه وتنحب اعليك بين الرمح والسيف ................ عشره اتقدمولك وانت بمجانك عطشان وتلوج الموت بلسانك الصلاة اتصيح امهلو وكبر اوذانك وتوضيت بدماك وتشخب اردانك ردت تنهظ يمظلوم اجاك السهم مسموم بين الرمح والسيف ................ طحت واتحيرت يبن النبي ابامرك يجي ليك الشمر ويرفسك بصدرك عجيبه اشها الصبر منهو الحمل صبرك عينك علخيم والباشك ابنحرك اوصالك بيده طاحت...وراسك شمس لاحت بين الرمح والسيف .................... يانور الحقيقه الماعرفلك ظل انعمت عين النكر فضلك واديه تنشل لون مو دمك اعله الكاع ما سل سل لليوم العرب جاجاهليه اتظل تصير ابينها احروب...وتظل متحيره النوب بين الرمح والسيف ................ جسمك دم يصب وتعالج اسهامك وعيونك تصد للنار بخيامك شلت روحك جبل وتهيج الالامك وجفوف الارض تتوجه بجدامك عجيبه اشها الثكل بيك تصد واختك تباريك بين الرمح والسيف |
05-15-2011, 08:19 AM | #2 |
مديــر عام |
....................
يانور الحقيقه الماعرفلك ظل انعمت عين النكر فضلك واديه تنشل لون مو دمك اعله الكاع ما سل سل لليوم العرب جاجاهليه اتظل تصير ابينها احروب...وتظل متحيره النوب بين الرمح والسيف احسنت كثيرا شاعرنا المبدع كاظم جابر السماوي مفردات فيها من الروحيه الكثير والنظم اجمل رغم عدم الالتزام في قافية التسليم احسنت كثيرا تحياتي ودعائي وربي يرعاك ويخليك |
|
05-19-2011, 09:54 PM | #3 |
عضو مميز
|
الشاعر الفذ اباقائم
احسنت على هذه الملحمة الشعرية ومن قلب وقلم حسيني عرفته وكأن كربلاء هي ضميره ووجدانه ولسان الطفوف دمت ودام قلمك المعطاء |
|
05-20-2011, 01:36 AM | #4 |
المراقبين
ya hussien
|
بارك الله بكم وجزاكم الله الف خير
على االمشاركة القيمة تقبلوا مني المرور و لكم مني اطيب وارق التحية اخوكم علي |
|
05-25-2011, 06:25 PM | #5 |
عضو مميز
|
السلام عليكم الشاعر الغالي كاظم السماوي اين ماتكون يكون الابداع والله يوفقك لكل خير وبركه ودمت بكل سرور الخاطر تقبل مروري خادمك رياض الرسل |
|
|
|
|