من بعد عينك يبويه شلون بيه؟لسان حال الحوراء ع تخاطب الامام علي ع اقول

انه زينب ياعلي وين امشي وين ........هم ترد ليه بعد يا كرة العين
من بعد عينك يبويه شلون بيه ......توصي ابو فاضل كمر هاشم عليه
يا علي وين يا علي وين
****************
من عفتني بويه وحدي ياعلي..المن انطيت الوصيه من هلي
وياهو بيه انه يتكفل محملي..اصرخ واندبه واصيحن يالولي
ياعلي حان الوداع بهالمسيه..بويه منهو اللي نطيته هالوصيه
كلبي حزين..ياعلي وين
*********************
حملي يابويه عليه اصبح ثجيل..كوم حاجيني يحمامي الدخيل
انته يابويه ياماي السلسبيل..خلافك الاحزان والكلب العليل
سوده يابويه بعيوني الدنيه..انه زينب ياعلي وبت الزجيه
بس انين..ياعلي وين
**********************
علمتني القوه والغيره وثبات..من عشت وياك من دون البنات
شتسوه يابويه بلاياك الحياة..اليوم يابويه يفاركنه الممات
شفت يابويه الحزن يوم الاذيه..انت ياسوري واماني وحصن ليه
يامعين..ياعلي وين
**************************
بالدمع عيني تسليني وانين..وانظر لحال الحسن مره الحسين
وابو فاضل ينتحب شفت الجبين..وانه يابويه بعد ماليه عين
وانت بلغت التريده ياوليه..شلون عني تروح يابويه الشفيه
انسه السنين...ياعلي وين
*************************
لوشفت ساعة وداعك من رحت..بدون ماادري يبويه من طحت
مثل امي اعليك بويه من نحت..ياكلب ياروح من عندي اجرحت
جروحي يابويه اكثرن انه عليه..ردت كون وياك تجمعني المنيه
ياحنين..ياعلي وين
**************************
حالت اخواني عليه من مشيت..يمي كعدو من صحت بويه وبجيت
حيل مهظومه بغايبك واتألميت..انته ياشمعت حياتي وضوه البيت
انت ياروحي وحياتي عاش اليه..الدار حزنانه ومظلمه بهل المسيه
حزني دفين..ياعلي وين
*****************
خادم اهل البيت
ابو علي السعيدي