ابوذيات لمحرم مأسات اهل البيت ع اقول

عكب عباس عيشه رغد مارد
اصيح بصوت خويه حسين مارد
حملت الصبر مثل الجبل مارد
على كلبي صبح ذيج المسيه

ايام الجانت وين حسين راحات
وبكيت اصفك على الراحات راحات
عكبك ماشفت ياخوي راحات
ولفاني الحزن والهم والاذيه

عفى روحي لمصايبه شبيه
وناري اسعرت وبكلبي شبيه
يوم اللي برز الهم شبيه
جده المصطفى سيد البريه

عرفت زينب يخويه..من سباها
وضربه الشمر سوطه..من سباها
عرفه بت علي حيدر..من سباها
وعرف جده النبي وامه الزجيه

عرف جده النبي وامه ..وباها
وبيه ربك تباها..وباها
تلوذ الناس ببوها..وباها
لاأن هيه الشفيعه عل البريه

لاان هيه الشفيعه وياي ..وياك
واحذرك من غدر دنياك ..وياك
بناره حرمله لو راد..وياك
بس حسين يبقى الطب اليه

شفاعه وطيب للكاصد..وعاني
وصوت حسين هزاني..وعاني
بهموم الدنيه وهمومي..وعاني
ربح كلمن كصد لاابن الزجيه

ربح كلمن كصد زارج ..وزاره
وصار من الملك عنده..وزاره
لاابو اليمه الحزم شدة..وزاره
مشي وحفاي لاارض الغاضريه

مشي وحفاي والدمعات ..تنهل
وعليه اهموم ياابو هموم..تنهل
تريد من البطل عباس..تنهل
مثل جوده يفيض الكرم ليه

مثل جوده تريد الجود..والجود
بغالي النفس والمالات..والجود
لاجفه البقه عالمتن..والجود
تبده الماي صار عالوطيه


خادم اهل البيت
ابو علي السعيدي