|
#1
07-09-2013, 10:43 PM
|
|||||||||
|
|||||||||
محبوبك يهادي ( قصيدة كعده لأستشهاد أبي الحسنيين عليه السلام )
بسم الله الرحمن الرحيم
اللهم صل على محمد وآل محمد وعجل فرجهم محبوبـــــــك يهـــــــادي ( گعده في إستشهاد الكرار عليه السلام ) ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ صوت الله بالسجده إنطبر وأعلن غيابه === وإنهدمت أركان الهـُدى تبچـي المصابه محبوبك يهادي === طبروه الأعادي وإنهدمت أركان الهـُدى تبچـي المصابه ــــــــــــــــــــــــــــــــــــــــــــــــــ ـــــــ مسجد الكوفه إبفجر تاسع عشر رمضان يشهد ينتظر صوت الأذان إو من حنينه إيريد ينهد شاف ليله مو طبيعيه الحزن يمليه يصعد شاف دمعات الگمـــــــر == من مشه وكت السحر أيقن اليوم القدر == محــّد اليثنيه محــّد لازم يصيب المرتضه سيف الجهالـه === والكـــــــــون ينعه إبدمعته تاج العداله جبريل الينادي === طبروه الأعادي وإنهدمت أركان الهـُدى تبچـي المصابه ـــــ من طلع حسرات زينب تمشي ويــّاه إو تسايل وين رايح يابعد روحي يبويه الموت ماثل من سمع گلبي حنينك ما صبر ويـّاك راحل ويـّاك لازم يعتنـــــــــــي == للمسجد إو بي ينحني عن مگصده ما ينثني == من يشوف السيف نازل ويــّاك لازم ينحني گلبي يحيــــدر === ينصاب ويــّاك إو تظل نيرانه تسعر يظل يصرخ فؤادي === طبروه الأعــــادي وإنهدمت أركان الهـُدى تبچـي المصابــــــه ــــ ياعلي نفس المرادي عاد والسيف إو ظلامه يطبر إبهامات كل مؤمن اليترك كلامه هذا إبن ملجم يكفـــّر كل موالي إلكـــُم سلامه ما يقبل إنــّادي علـــي == وإحنه إعلى حبــّك ياولي ما ننتهي إو ما ننولـي == والگـلب يبگـــه إبهيامـــــــــه ما نترك الحب والولايه إو معتقدنه === أرواح نفديهـــــــا إو نذل هيهات إحنه نهتف بالبوادي === طبروه الأعادي وإنهدمت أركان الهـُدى تبچـي المصابه ـــــ حارت الأيتام ما تدري أبوها الغاب نوره إنگطع حبل الوصل محــّد يجيها إيعيش دوره راح عنها المرتضه حامي الحميه إو راح سوره أيتام تنتظره إبحــــــــزن == جوعانه ما تصبر تون فگدت علي الدومه يحــن == فگــدت الحامي إو حضوره كلنه تـــِيـَتــّمـْنـَه إبعلي مو بس الأيتام === غــــاب الصبر بعد الولي وإنهد الأسلام ما ننساه فادي === طبروه الأعادي وإنهدمت أركان الهـُدى تبچـي المصابه ــــ ليلة التوديع ليله بالحزن ماكو مثلها راح يمشي حيدره وإيضيع زينب كل أملها تكبر الطبرات عدها إو محـّد إيلمها إو يشلها حسرات زينب من تشب == عبـــــــــــاس غيره إو تلتهب وصــّاه أبوه إو ما يحب == زينــــــــــــــــب الدمعه تهلها عباس لازَم زينب إو يمشي إويه ظلها === هـــاي الوصيه إو من علي الكافل حملها وإبسيف المرادي === طبروه الأعادي وإنهدمت أركان الهـُدى تبچـي المصابه ـــ المـُصيبــــــــــه ــــــــــــــــــــــــــــــــــــــــــــــــــ ــــــــــــــــــــ ودّع الكرار إولاده إو بناته إو غاب عنهم وإختفه الأيمان كــُلــّه ما بعد يلگـــوه يمهم فگدوا المختار والكرار والزهراء أمهم فگدوا علي حامي الحمــه راسه تخضـّــب بالدمـــه نادى المنــادي بالسمـــه راح الــذي يسگي الظمه دين الهدايه إنــْرِمـَــــــه ريت إبمصابه إنسالمـــه وإنعزي أمنه فاطمـــــــه راح اليحـــــــل الموزمه والسجده صارت خاتمــه فاز إو لگاها الغانمـــــــه من بعد عينه العدل ضاع إو حكمنه الباع دينه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ مع تحيات شاعر اهل البيت / جابر النجفي إسمعوا القصيده على هذا الرابط http://www.wlidk.net/dlduhx91691.mp3.html 
|
|
07-10-2013, 07:10 AM
|
#2 | |
 مديــر عام
|
احسنتم كثيرا ووفقتم ان شاء الله ورمضان كريم عليكم اسئل الله الثبات واياكم على ولاية امير المؤمنين علي بن ابي طالب ع  وفقكم الله واعطاكم من افسحها منزلا ان شاء الله ورزقنا واياكم العافيه |
|
|
|
07-10-2013, 10:52 PM
|
#3 | |||
|
عضو نشيط
|
ــــــــــــــــــــــــــــــــــــــــــــــــــ بسم الله الرحمن الرحيم
اللهم صل على محمد وآل محمد وعجل فرجهم الاخ الطيب السيد الجليل عدنان الحمامي اشكرك كثيرا وفقك الله ورعاك |
|||
|
|
|
07-15-2013, 08:46 AM
|
#4 | |
|
المراقبين
ya hussien
|
موفق لكل خير على
كلامك المميز والله يتقبل منا ومنك لك مني فائق الاحترام والتقدير اخوكم علي |
|
|
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض العادي
|
|
|
|