خلي يسمعني المله..اي وحك دم كربله؟نداء الى شيعة الامام علي ع اقول

بعد ما ينفع سكوت.. احنه منريد الحياة
ابدا منعيش عل ذله..خل تسمعني الطغاة
خلي يسمعني المله..اي وحك دم كربله
خلي تسمعني الولاة



أشكثر ضمت وجهه..وسدت الاذن السمع
يوم عرفت هالرزيه..دارت الوجهه الربع
زينب وحيده وتنادي..تصيح وين اهل الشرع
وصلت الارجاس كبري.. يدري هوه بالوضع
هاي بت عقد الوله..دمه منهو حلله
يلا كومو عالجناة

ليش محتير بفكرك..وتنظر لحال الدنيه
تجمع الاموال رايد..ومايهم الصار بيه
ولايهمك لون باغي..يهدم اكبور الزجيه
ولاسمعت الصار بيهه..زينب الحره الابيه
تحيط بيه الجاهله..منهو كلي يقاتله
لازم نلم الشتاة

عيشت الذله مهانه..يوم توصل للخدر
السمع صوت ويجهله..هذا انطيه العذر
لازم تبان الحقيقه..ولابد يطر الفجر
ويطلع الغايب علينه..ينعرف منه الامر
ينعرف منهو الاله..يوم وجهه ايقابله
الكال انه من الدعاة

ينكشف امر الحقيقه..والامر واضح صريح
تعمل ليوم العرفته..كبل ماحملك يطيح
تفزع تناصر ولينه..تشوف بالحضره المسيح
يصلي بكبتة الحره .. يقبل اعتاب الضريح
يسلم عل الكافله..يبجي ظلم العايله
ويدعي ربه عالثباة

استمع هاي الرساله..بحكمه مكتوبه وقلم
واملي كلبك بالهموم..وخلي أيعصره الالم
واذكر الكصو جبدته..وعاين بعين السهم
خل اذكرك يالموالي..والذكر عندي الاهم
عقلك انت سايله..عن مسير القافله
البيه مرسه للنجاة

اسنين عمرك يالتحبه..وهايم بحب الحسين
وكل سنه وعام التجيكم..تروح تكصدله بحنين
لازم اتوفي العليكم..والولايه عليك دين
لازم تزور العقيله..كبل يوم الاربعين
علمك انت شايله..تدخل وي الداخله
تصيح حي عالصلاة

خادم اهل البيت
ابو علي السعيدي

ابو علي السعيدي

احسنت كثيرا

ربي ايبارك في جهودكم

احسنتم كثيرا

لكم منا دعاء بالعافيه

بارك الله بكم وجزاكم الله الف خير


على المشاركه المميزة

والموفقه

تقبلوا مني المرور والتحيه

اخوكم علي

الاخ الرائع
والشاعر الحسني
والقلم الموالي
السيد الشاعر عدنان الحمامي المحترم
قلمك لاينضب اتمنى لك الاستمرار والتقدم بحق من كان الحق
مروركم الكريم وتواجدكم في صفحتي شرف كبير
اعتز به وفقكم الله لكل خير




تحيات
اخوكم
ابو علي السعيدي