هوسات للامام علي ؟ واهل البيت ع.....(اقول

لاولاد الصمــيده بيهم اتغنه
واكتب شعر بيدي وانه الحننه
ربك ذكر بالـــقراءن كالنه
انت اخوان لاشـيعه ولا سنه
راية حـــيدر الكرار تحلنه

والرايه ويانه مرفوعه..بسم الله وحيدر مشفوعه

رددنه القــــسم وياك تجمعنه
دمرنه اليهــــود الكبل دمرنه
احنه اهل الكلافه الـيوم سايلنـه
وطن حيدر علي الكرار بيه محنه
خل يسمـــع العالم كل سوالفنه

والغايه صارت معروفه..بينه يريد ايخلي الخوفه

مو كصـــده الوطن ياناس يامرنه
غايه جانت بنفسه ذاك اليوم سايسنه
دمرو هالبــــلد واخذ شما عدنه
ذوله اهل البلايه اللفو وبـــسدنه
وينك ياعلي الكرار تنجـــــدنه
تزيل اهموم هذا اليوم تـــضهدنه

وتزيحه الطاغي الدمرنه..ولامجرم كونه اليامرنه


تذل العايل علينه ومنه تكطع الانفاس
وترجع هل الامان الراح من الناس
اجيتك واعتنيك كوم الـيوم للارجاس
نبايعكم علي الكرار تاج ويظل فوك الراس
وينك ياابو الكلفــــــات موطنه اشكثر ينداس
تحي الامل ببلادي عليك بداعت العباس

وبالزهره اولدك تحضرنه..عل المحنه كون تساعدنه

هذا الحاقد من زمــــــان هذا اليوم هددنه
يهدم بالبلد كلــشي وخراب يريه بنيتنه
وصلت للعظم مولاي هاي الناس فجرتنه
لا واحـــــد فزع وياي حتى الاخوه نكرتنه
بس اللي بقـــــت وياي خان وباع خوتنه
يامر بالســــــلب والموت والتفجير ملتنه

وكل همه يريد يفجرنه..وينهب كل موجود العدنه

خادم اهل البيت
ابو علي السعيدي