كبرج وينه..كبرج وينه..من اسنين احنه مظيعينه؟الى سيدتي ومولاتي الزهراء ع اقول

كَبرج وينه. كَبرج وينـه..من اسنين احنه امظيعينه
مانرهـم احنـه يلبـاج..يالزهره ردي وحاجينـه
كبرج وينه

كبرج وينه اسنين انكول..يالزهره مخفيـه اثـاره
مجهول ومعلومه ارسومه..لن الباري هـو اختـاره
رايد نتشـرف ونـزوره..والرحمه هي من اسراره
يا كَبرج هـو اليحمينـه..لوشنو بيه اكبـر غـاره

غارة كفار وفجـــار... ايهود ولو طبو لدار
ماتعرَك كَصته ولا جبينه

يم احسين ورايد طلبـه..بجـاه الكـرار واولاده
نتصافح كل احنه اخوان..ونرجع خوان وكالعاده
لاسني وشيعي لهجتنه..اهل البيت وبينه القاده
وبلاد العتـره موطنـه..يله انَكوم انعيد امجاده

نتكاتف على الزينه وشينه.... واللي طايح كون انعينه
وبهاي انريد اتبارينه

يم احسين واشكي الحاله..وارويلج جزء من اعماله
الكافـر ماخلـه ابـلادي..نهبو نفطه وكـل اموالـه
وايهود اللي تامـر بينـه..وياشبعي الاصبح بطالـه
واللي جاي وتحكم بينـه..اصبحنه احنه اعليهم عاله

بايكني وبايك اموالي...... وجماله مكسف احوالي
وهو الصاير شيخ اعلينه

يالزهره لو اشكي اهوايه..لجمات ونكبـات البينـه
ضربو كبه هادي الامـه..وردو تالي يـم والينـه
صار الشيعي اكبر مجرم..جيفنه رايـح لحسينـه
والادهى من هـذا كلـه..الشعـي كـام يعادينـه

الشيعه صارت اقوام.....نوع المله الشرع القام
ودربج يالزهره ناسينه

ولو اشرح يالزهره اشجونيماظـن يالحـره ايـسـرج
كلـه اجتمعـت ولغايـتـه..تسكن ارض الطهر وارضج
الاف ودخـلـت محتـلـه..واتمسكنه احنـه بصبـرج
النـاس التنهـب ببـلادي..نفس الناس الكسرو ظلعـج

الخانو مسلم خانونه......امريكي صاير قانونه
ولانسمع صوت ينادينه

وارويلج حادث وبعينـي..شفته ولا واحد كَالالـي
من صارت هوسه ببلادي..شفت النازل صاعد عالي
والمايملك صايـر تاجـر..يتأمريلعـب باحـوالـي
والتحكم بينـه معروفـهلا سلطه وجاه ولا والـي

رايد يخدم بس اسياده...... ومحسوب وينعد بالساده
وهذا صاير شرعه ودينه

خادم اهل البيت
ابو علي السعيدي