عليمن خايب شمالك تعاديني؟الى كل من يعادي مذهب اهل البيت ع اقول

عليمن خايب شمالك تعاديني.
وباسم الرافضه انت التسمني

سميني رافضي انه افتخر بيهه..واظل للموت هالجلمات اطريهه
لون تعرف الشيعه شنهو يحيهه..حب حسين هوه النفس يحيني

حب حسين اليه اصبح العنوان..ونادي باأسمه بكل ساحه وميدان
خل تسمع الكون وتسمع العربان.. لن حسين صاير مبدئي وديني

لن حسين ثوره عالظلم والجور..شما دارت الدنيه وبينه هم ادور
يبقى حسين النه الحصن هوه السور..شريان الكلب هوه اليغذيني

شريان لكلب مطبوع بالعباس..وخل تعرف بحبنه اشباه هاي الناس
مايهمنه اليضده وتفعل الارجاس..حب حسين نور ويضوي بعيني

حب حسين باقي وي بقاء الكون..وكلنه خدم لليعتني ويجون
كلبي هايم وبيهم صبح مجنون..مثل عابس بحبهم انه تدريني

مثل عابس بحبه لا لاتلوموني..اظل خادم اله واتمنه بعيوني
واريدن خادم وباسمه ينادوني ..وكل همي بذكره لن يغذيني

كل همي اريدن رايتي وياه..واصيرن للولايه انه عد عيناه
واحمل رايته يوم الفزع والواه..واشيلن رايتي بااثنين جفيني

اشيلن رايته وراية ابو الاحرار..واحنه الننتظر للثوره الانصار
وي حجتنه احنه نحارب الكفار..عهد منطيه من زمان بينه وبيني

خادم اهل البيت
ابو علي السعيدي

وفقكم الله واعطاكم من افسحها منزلا ان

شاء الله

ورزقنا واياكم العافيه

الاخ الفاضل
الشاعر الكبير
السيد عدنان الحمامي المحترم
مروركم الكريم والاطراء الجميل
وفقكم الله لكل خير
تحيات
اخوكم
ابو علي السعيدي