يانجمه حبيته بشغف..والكمر من نوره انخسف؟للامام العباس ع اقول

يانجمه حبيته بشغف..والكمر من نوره انخسف
اعشكته انه من الزغر..وحبيت اكثر بالكبر
واليحمل اسمه ياشرف

امي احملتني من الشهر تسعه ايامه اصحاح
كل يوم بيه من يمر بالمسه تشوفه ومصباح
صورته بداري معلكه وتحميه كثره الارواح
وشهور مرت وانتهت وانتفض زرعه الفلاح
امي فدتني للكمر اتكول ريته ولاطاح
وريت راسك عالرمح يبني ولاراسه الراح

وافديله يايمه العمر..من الزغر انذرتك نذر
يمكن محبوبي انعرف

حبيته يايمه وعلي حب الجنين لاامه
كلساع الزم صورته ولصدري حيل انضمه
والزم بيدي صارمه ولجفه لهفه تشمه
لازم توفيلي الوعد مامبري مني الذمه
يوليدي تعرف مهجتي ودمي لونه بدمه
جا؟نلت يبني العاليه واصعدت فوك القمه

ومتمسني نيران الجمر..وانتهل من عنده الصبر
بالصبر بس هوه انعرف

ظليت عمري خادمه واخدمته يبني سنيني
تمنيت طولت هالعمر واخدمي ووفي بديني
ويرتبط ياحبل الوصل مابينه ومابيني
راع الشيم والمرجله وانطيه جفي وعيني
بمجان عينه اللنطفت ولجفوفه انطي ايديني
بلكت يقبل هالنذر مني وعلي يواسيني

يواسيني يحضر بالكبر..اول ايام العسر
يوما اعتنيله للنجف

ظلت منيه يولدي وهاي وصيتي اوصيكم
خوان صيرو وبالعزم شدو بعزم واليكم
واذكرو خوته من احب خير وحنان عليكم
من تذكر اسمه وكبته تدخل فرح تغطيكم
يازاير ارضه بكربله لاتظن تره ناسيكم
يفكد احبابه ومن يجي ويسجله وينطيكم

وتلاكه صاحب هالامر..يسجل باسمك وي بشر
لصاحب الشاره اللي انعرف

خادم اهل البيت
ابو علي السعيدي

احسنتم

واحسن الله اليكم

ووفقكم

يارب

الاخ الفاضل
الشاعر الكبير
السيد عدنان الحمامي المحترم
مروركم الكريم والاطراء الجميل
وفقكم الله لكل خير
تحيات
اخوكم
ابو علي السعيدي