بسم الله الرحمن الرحيم قصيدة تجليبه بحق العباس (ع)

انه العباس اخو زينب تعرفوني
سبع الكنطره مجرب يهابوني
----
اذا طبيت للعسكر امرمرهم
وموت احمر اريد اليوم اجرعهم
بالحومه بعد ياهو اليصبرهم
ومثل حيدر علي بحربي يشوفوني
----
اذا طبيت صاحو هذا ابن حيدر
علي الكرار هذا وقالع الخيبر
والخيل بجثثهم كون تتعثر
وجتال ابن ود كاموا ينادوني
---
تناديني العيال وآنه كافلهم
واجيب امن النهر هاليوم ماي الهم
وكل هاي العساكر صارمي ايذلهم
ومن ازعل غضب تتجادح اعيوني
-----
اعيوني اعلى الكفر هاليوم تجادح
واخلي الخيل راس براس تتباطح
انه المثل ابويه حيدره ماصح
مثل زلزال يتفجر يسمعوني
---
يسمعوني ورجف من هيبتي العسكر
وعله اركاب العده سيفي غده يفتر
يطوك روسهم ماسلم غير الفر
الاف العده وخابوا يلاووني
---
يلاوني الالوف وماسلم منهم
وفاضت كربله واواديها من دمهم
اطشرهم بسيفي وسيفي اليلمهم
وجيل بجيل اخليهم يذكروني
----------------
بقلمي
خادم الحسين
الشاعر احمد الموسوي