اجيت من اليسر وادموعي بالعين؟لسان حال الحوراء ع اقول

اجيت من اليسر وادموعي بالعين.. اهمن بالدرب ارد اوصل حسين
اريد اوصل ضريحه..وبأسمه وصيحه
اجيتك واذكرت لمتنه السنين

اجيتك والظهر محني من الفراك
وتلوع هالكلب ياخويه واشتاك
مهموم الكلب والصدر هالضاك
واجيت اردود ياخويه للعراك

اجيت انه جريحه..ابد مامستريحه
طكاني الدهر بااثنين الادين

طكاني الدهر شوفني الويل
وهد مني دليلي وركد الحيل
عفى حالي عليه لو اجه الليل
أذكر اخوتي وهجمت الخيل

وبيوم الصبيحه..صرت انه الذبيحه
وحرت بعدك ياخويه اروح لاوين

جرعني الحزن خويه المصايب
ومن بعدك شفت انه العجايب
وحملت انواع من ظيم النوايب
صبح بالجمر اكليبي ذايب

سري وماابيحه..قدملي النصيحه
واظل طول العمر ابجي عل الاثنين

اظل طول العمر ابجي وانوحن
لحد ماتخلص ادموعي ويجفن
أكظي فركتك ياخويه بالون
لحد ماتذبل اعيوني ويكفن

وبصوتي اصيحه..ياخويه النصحيه
يوم الشفت طاحت الجفين من

جيتك يالكمر ساطع لكيتك
عرفت بغيرتك خويه وحميتك
حزنت عليك ياخويه وبجيتك
تجيب الماي كل ظني ارتجيتك

بالجنه الفسيحه..النومه المريحه
وتشرب يخويه الاجو ماشين

خادم اهل البيت
ابو علي السعيدي