|
#1
11-29-2012, 02:38 PM
|
||||||||
|
||||||||
مجروحين
مجروحين مجروحين وجرح البينه يدوم سنين مشتاقين مشتاقين بنور المهدي نكحل العين نتمنى الغايب ويانه لو هل عاشور بأحزانه مجروحين ……………………………. ياشهر المآسي شكد عليك عتاب من ليل الهجوم وحركة الاطناب وجم طفلة وطفل حدر الحوافر غاب وجم لوعة قلب من سطوة السلاب وقلب ام الحزن تدري انشعب وانصاب محتارة وقلبها من المصايب ذايب محتارين محتارين بيا عين تهل محتارين ومنتظرين منتظرين الغايب يظهر منتظرين يتوشح بأسود ويانه لو هل عاشور بأحزانه ……………………….. يعاشور الحزن يلفانه بهلالك يالوعه ومصاب نرسمت ابالك لو مهدينا باجر يوكف كبالك ويسألك ماترد تتراجف شمالك جم نحر انطعن ماغيرت حالك وجم بدر الغفه وغطيته بضلالك هاي بدور هاي بدور انته مغيبها هاي بدور وذيج نحور ذيج نحور انته تشاهدها ذيج نحور كل عام تردلك عطشانه لو هل عاشور بأحزانه ................................ ياشهر المحرم ياجرح يشفه بدليل الغايب ويانار الك تطفه نيران المخيم مو خبر يخفه لو نار الجبود التنطر بلهفه يسألك عالكفيل البالوفه تعرفه وعن جوده ومصابه ورايته وجفه وين الجود وين الجود الغايب يسأل وين الجود يالموعود يالموعود الرايه تخبرك يالموعود عالشاطي تخبرك تلكانه لو هل عاشور بأحزانه ................................. الله اليعينك جم مصاب البيك لو يمك ولينه ويكعد يحاجيك جرح حسين ابو اليمه الذي يبجيك لو حال العقيله الاكثر اثر بيك ماتسمع عقيلة هاشم تناديك يهلال الكدر عد ربي ادعي عليك لا هليت لا هليت ولينه ترد لا هليت بهذا البيت بهذا البيت شعندك ذكرى بهذا البيت نيرانك تسعر بحشانه لو هل عاشور بأحزانه .................................................. .................. خادم الحسين الشاعر سيد مالك الياسري 
|
|
11-29-2012, 06:00 PM
|
#2 | |
|
المراقبين
|
عطر الله انفاسك
سيدنا الجليل وعظم الله لكم الاجر |
|
اللهم صلِّ على محمد وعلى آله الطيبين الطاهرين
|
|
11-30-2012, 06:45 AM
|
#3 | |
 مديــر عام
|
ربي ايبارك في جهودكم احسنتم كثيرا اسئل الله ان يجعلنا واياكم من الحافظين لكتابه ان شاء الله عظم الله اجوركم واجورنا بمصاب ابي عبد الله الحسين ع     لكم منا دعاء بالعافيه والتوفيق ان شاء الله تحياتي ودعائي |
|
|
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض العادي
|
|
|
|