يوم صال عل الكفر كالها..اختي زينب وانه جيت حماها؟لسان حال الامام العباس ع اقول

يوم صـــال عل الكفــــر كالاها
اختي زينب وانه جيت احماها

يوم صال عل الكفر ابن الفحل
ابن خير الناس بل خير العمل
مثل ابو الحسنين يوم اللي حمل
مثل فر السبحه من فراها

لاذت الفرسان بس تسمع صهليل
من لميع السيف والخيل وصليل
تصيح ياستار من طب الكفيل
شافت انجوم الظهر راواها

اهتزت الفرسان من جاها الخبر
ابو فاضل فات عالماي وعبر
ماجت الفرسان حست بالخطر
من خبط ماي النهر صفاها

وكفت احشود العده صوب النهر
والسهام اعليه تنزل جالمطر
ضهضهب وعبس عليهم بالكدر
والخيول من الظهر جراها

من نوه العباس صوب المشرعه
شافت العدوان يوم القارعه
والجثث والروس كله مكطعه
واحد بواحد خبط خلاها

من برز عباس عاين عالحشود
مثل حيدر من خطب يوم الوفود
انه من حطيت كل هاي الشهود
خل تدري الاوله وتلاها

اليوم للكــرار اوفيــــله الوعد
من عرفت الصوت وانه بالمهد
ارضعتني امي حليبي عالعهد
واعدت زينب اشيل الواها

الوعد مرهون يختي بذمتي
اسمعي يازينب انتي وصيتي
لو كرب يوم المنيه ودفنتي
جفوفي والرايه اريد وياها

خادم اهل البيت
ابو علي السعيدي