رثاء السيد الصدر قدس لسان حال الطالب والفلاح والمهندس والطبيب؟اقول

بِسْمِ اللهِ الْرَّحْمَنِ الرَّحِيِمِ
الْسَّلامٌ عَلَيٌكٌمْ وَرَحْمَةٌ الله وَبَرَكَاتٌهٌ
الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ
رثاء ونعي لسان حال الناس ( الطالب والفلاح والمهندس والطبيب والشيخ)؟؟اقول

من طبه الخبر انفجــعت الطلاب
بجفوف الغدر السـيد من انصاب
ركضت هايمه وماضل بديه اكتاب
وصلت يم علمه وشافته مخضب

سمع صوت الرصاص اتفاجئا الفلاح
وركض يسال الطالب من لفاه صياح
اخبرك ياخبر شفت الصدر من طاح
ولطم على الراس بيده وكام يتنحب

يانهج الفكر والجمــــعه ياأيه
وياموطن علمنه وهندســة رايه
ولن صوت المهندس بجه الولايه
من شافه انغدر الصدر كدامه

ذب اعمامته واتالم على الصار
ورفع ايده لربه ينخه على الكفار
ماننسه الغدرنه ناخذ احنه الثار
والحوزه يسيد تون حزنانه

كشف جرحه الطبيب وصفك راح براح
وفر عينه لعلي ياعلي شبــلك طاح
كعد يم النعش مهظوم حيــل وناح
يادكتورنه البيك الجرح يضمد

مفجوعه المواكب تلطـم على الراس
طاح ابن الصميده الثبت النه الساس
حزنانه لصدره وتون كل النــاس
من شافت السيد على اثرى مطروح

يشيال النعش خليـني اودعنه
وريض بالنعش خليني اشوفنه
مانحمل افراكه افراكـه عذبنه
طحنه بطيحته من طاح خيمتنه

مانسينه شلون من تلبس جفن
ومانسينه شلون لاويت المحن
انت قربان الاله لهـل الوطن
وانت دستور القيم واركانه


الفاتحه للسيد الشهيد
محمد صادق الصدر(قدس)

خادم اهل البيت
ابو علي السعيدي

ابو علي السعيدي

اسئل الله لكم النجاح والتوفيق في خدمة محمد وال محمد ص


ربي ايزيد

في عطائك ان شاء الله

شعر رائع
تسلم اخي الكريم

ابو علي السعيدي

اسئل الله لكم النجاح والتوفيق في خدمة محمد وال محمد ص

جمييله جدا جدا جدا هذه الأبيات يابوعلي

الاخ الفاضل
الشاعر الحسيني الكبير
السيد عدنان الحمامي المحترم
قلمكم الموالي المتابعه لمن يسر في ركب الحسين ع
جزام الله اجر فعاله من المحسنين وتقبل الله منكم الاعمال في ميزان الحسنات
وادعو من الله ان يجعلكم من المطالبين بثار الامام الحسين ع
جعلنا الله وياكم من الحافظين والذائبين والمطالبين في دم سيد الشهداء ع
مع تحيات
اخوكم
ابو علي السعيدي