شلت ايده الطبر هامك ياعلي؟لجرح الاما علي ع اقول

شلت ايده الطبر هامك ياعلي..صاحت اركان السمه طاح الولي
طاح بالمحراب والراس انفطر..اليوم حل علينه يايوم الكدر
ضجت اركان المدينه وكل هلي

ضجت اركان المدينه بطيحتك..ونادي جبريل الامين بطبرتك
نزلت املاك السمه ومن شالتك..عليك حزنان العرش لمصيبتك

طاح بالمحراب مولاي انغدر..طاح يامولاي وبهذا الشهر
غيرك شخصك مااحب واحد الي

يشهد المحراب بالصار وجره..من ابن مجلم بيده يطبره
ايا يسيف الغدر طاح بحيدره..اهتزت اركان السمه يوم الدره

حزنت اركان المدينه والبشر..وياه املاك السمه ومي وشجر
روحي صاحت صوت لعيوني اهملي

خلي نهمل هالدمع بشهر الصيام..ونروي ذكرى طبر هامات الامام
ندري هذا الشهر بيه خير وسلام..لكن افعال الرذيله واللئام

الدنيه بيه ادورس للعالم عبر..يصير اعمه الكلب العنده نظر
وفعلت الاشرار تصبح هم جلي

اليوم جرحك صار للعالم درس..هوه عنوان الفضليه بكل نفس
فرق يامولاي يومي من الامس..نفس ارذلال الكفر نفس الرجس

ذوله اصحاب الظم مر الدهر..منهم يخلصنه ندري المنتظر
هاي مرويه نقله الوائلي

ليله بيه ربك اختار اليصير..هيه ليله قدر وي جرح الامير
ربك انطاك الدليل ولا ؟تحير..بيه كفر ذنبك وخلي المصير

يوم رن اعليك اجراس الخطر..يريدك بدنياك تاخذه العبر
درس تاخذ من نهج حيدر علي

خادم اهل البيت
ابو علي السعيدي