ولادة الحجه -- شكوى الك يبن الحسن ع

شكوه الك يبن الحسن بينه انگطع حبل الصبر

المسلم اخو المسلم فرض عدنه حرام الدم هدر

منكم تعلمنه الوفه والكم نرد بكل امر

مابينه يطعن بالظهر غفله يغايبنه ويفر

يلغايب اصبرنه دهر حفاي نمشي اعله الجمر

بليل ينشاف النجم مو احنه شفناه بالظهر

چم روح بينه اتسلبت وانسلب بينه اشچم عمر

دم العراقي ابلا ثمن ينباع اي يبن الطهر

دم العراقي الي نزف ينزف يثار الله شكثر

دم الاخو دم الابو يتلطخ ابچف الغدر

شتگول يبن العسكري بينه يسلطان العصر

بسمك وطنه ينتخي يالغايب وماكو عذر

وما غيرك الهل الموزمه وماغيرك اليجبر كسر

انته بقيت الله شبعد مذخور واليمته الذخر

السلام عليكم ورحمة الله وبركاته
سيدنا الفاضل

بارك الله فيك لروعة ما نشرت ...!!
جزاك الله الجنة بحق محمد وآل محمد ..
دمت دائماً وأبداً بأذنهِ تعالى لترفدنا بما هو جديد ومفيد وصادق ...
في ميزان حسناتك
تحياتي

قصيدة رائعة بحق مولانا الامام المهدي عج

سيدنا الجليل