.::||[ آخر المشاركات ]||::.
حرمة دخول النار على السادة [ الكاتب : شجون الزهراء - آخر الردود : خادمة الشفيع - عدد الردود : 1 - عدد المشاهدات : 146 ]       »     اصدِّق حماراً يطير.. ولا أُصدّ... [ الكاتب : شجون الزهراء - آخر الردود : خادمة الشفيع - عدد الردود : 1 - عدد المشاهدات : 133 ]       »     قصة لليقظة. [ الكاتب : شجون الزهراء - آخر الردود : خادمة الشفيع - عدد الردود : 1 - عدد المشاهدات : 95 ]       »     التدين المغشوش [ الكاتب : شجون الزهراء - آخر الردود : خادمة الشفيع - عدد الردود : 1 - عدد المشاهدات : 121 ]       »     هاجس الموت والتوبة من المعاصي [ الكاتب : شجون الزهراء - آخر الردود : خادمة الشفيع - عدد الردود : 1 - عدد المشاهدات : 110 ]       »     احب صلاتي.. صلاتي..هيه نجاتي .... [ الكاتب : ابو علي السعيدي - آخر الردود : سيد عدنان الحمامي - عدد الردود : 1 - عدد المشاهدات : 366 ]       »     إذا كان لكل شيء علة فما هي علة... [ الكاتب : شجون الزهراء - آخر الردود : سيد عدنان الحمامي - عدد الردود : 1 - عدد المشاهدات : 339 ]       »     خطر اليأس من رحمة الله الواسعة... [ الكاتب : شجون الزهراء - آخر الردود : سيد عدنان الحمامي - عدد الردود : 1 - عدد المشاهدات : 340 ]       »     الظلم ... ذلك الوجه البشع ..! [ الكاتب : شجون الزهراء - آخر الردود : سيد عدنان الحمامي - عدد الردود : 1 - عدد المشاهدات : 340 ]       »     علي عليه السلام عنده علم الكتا... [ الكاتب : شجون الزهراء - آخر الردود : سيد عدنان الحمامي - عدد الردود : 1 - عدد المشاهدات : 369 ]       »    



 
 عدد الضغطات  : 6079
 
 عدد الضغطات  : 1649  
 عدد الضغطات  : 13324  
 عدد الضغطات  : 754
 
 عدد الضغطات  : 7613  
 عدد الضغطات  : 1241  
 عدد الضغطات  : 937


الإهداءات



إضافة رد
#1  
قديم 10-18-2011, 09:36 PM
نـــائب المدير
المعارف غير متواجد حالياً
    Male
اوسمتي
وسام الاداري المميز Default Medal المشرف المميز العضو المميز 
لوني المفضل Cadetblue
 رقم العضوية : 118
 تاريخ التسجيل : May 2011
 فترة الأقامة : 1062 يوم
 أخر زيارة : 10-30-2012 (10:36 PM)
 المشاركات : 1,850 [ + ]
 التقييم : 10
بيانات اضافيه [ + ]
افتراضي يوم الخامس من محرم ---- في حق مسلم بن عقيل ع



يوم الخامس من محرم ---- في حق مسلم بن عقيل ع
بسمه تعالى

سلام عليكم

--

--

--

يطوعه هذا مسلم مو وگف بالباب

ماي ايريد چبده امن العطش لهاب

--

يطوعه الماي جيبي الماي لتأخريه

مسلم هالعطش أثر يطوعه اعليه

راد الماي بلچي أمن الظمه ترويه

وأجرچ لو روه من عمه داحي الباب

--

اجرچ اي يطوعه من علي اجرچ

وأم حسين هيه باچر اتحظرچ

بالجنه الزهيه العاليه اتبشرچ

اتخدمچ حور وتقطفين الذ ماطاب

--

مسلم كلهم اتخلوا بعد عنّه

وسيوف أم المنيايا اليوم يردنه

منهم يسلم وهالامل مامنه

شلون اهلال مسلم عن هله لو غاب

--

وسط عينچ يطوعه المسلم اتخليه

وفرشيله الجفون وبيهن اتغطيه

عزيز حسين هذا ابروحچ اتظميه

گبل ماعسكر الظلام ليه ينساب

--

صدگ لن ينغدر بسيوف اهل كوفان

او هاي اول مصيبه الهاشم وعدنان

وحسين النصبله مأتم الاحزان

بعده ابكربله ويصير عنده امصاب

--
سيد عدنان الحمامي




 توقيع : المعارف



رد مع اقتباس
قديم 10-18-2011, 09:37 PM   #2
نـــائب المدير


الصورة الرمزية المعارف
المعارف غير متواجد حالياً

بيانات اضافيه [ + ]
 رقم العضوية : 118
 تاريخ التسجيل :  May 2011
 أخر زيارة : 10-30-2012 (10:36 PM)
 المشاركات : 1,850 [ + ]
 التقييم :  10
 الجنس ~
Male
لوني المفضل : Cadetblue
افتراضي



بسمه تعالى

سلام عليكم

--
--

--

مسلم للكوفه بكل هِمه

--

فروع الدين اللي يردنه

وحسين اللي يطلب منه

شد عزمه وللكوفه اتعنه

ناذر روحه وناذر دمه

--

ايجاهد حانت هاي الساعه

قدم اروع صورة طاعه

صاحب غيره ونشمي اطباعه

أقسم عمره الدينه ايقدمّه

--

حسين ايمثله اهناك ايريده

راح وراية ثوري أبايده

لهله الحق ايريد ايعيده

والموت اعله الحق ميهمه

--

مسلم عالم زاهد عابد

ينصر دينه ايريد ايجاهد

للحق غير الحق مارايد

شمل الامه ايريد ايلمه

--

ناهض ويه حسين ابثوره

ايقدم روحه ايقدم عمره

الدين الهادي ابدمه اينصره

اتنكرت ليش اعليه هالأمه

--

المسلم تالي الكوفه اتنكرت

لادين العدها اوبيه غدرت

والعدوان ابذبحه انسرّت

لاغيره العدها ولاذمه

--
سيد عدنان الحمامي



 
 توقيع : المعارف




رد مع اقتباس
قديم 10-18-2011, 09:37 PM   #3
نـــائب المدير


الصورة الرمزية المعارف
المعارف غير متواجد حالياً

بيانات اضافيه [ + ]
 رقم العضوية : 118
 تاريخ التسجيل :  May 2011
 أخر زيارة : 10-30-2012 (10:36 PM)
 المشاركات : 1,850 [ + ]
 التقييم :  10
 الجنس ~
Male
لوني المفضل : Cadetblue
افتراضي



بسمه تعالى

سلام عليكم

--

--

--

سفير حسين سفير حسين -- للكوفه سفير حسين

يصلح رايد الامه -- راح ابهمّته وعزمه

--

بعد ماطلبته الكوفه --لحسين او عزم أمره

تعنه بكل اهل بيته -- وأخوته ابنهظته اتنصره

وأقسم يم گبر جده -- يفدي المنهجه عمره

وگبل مابلضعن يحدي -- لمّه ودّع الزهره

بچت عينه بچت عينه -- على الزهره بچت عينه

ودع فاطمه أمه -- راح ابهمّته وعزمه

---

الكوفه اتريده ينصرها -- ومسلم بالمهمه اوياه

سفير ايمثله بيها -- والهاي المهمه انطاه

وراح ابعزمه والايمان -- وبدرب النصر ممشاه

صوت الحگ سمع مسلم -- للحگ من سمع لباه

رخص عمره رخص عمره -- لجل دينه رخص عمره

الموت الموت ميهمه -- راح ابهمّته وعزمه

---

طلعت كل عشايرها -- الكوفه من وصل ليها

وبمسلم تمرحب بيه -- ومشرّعه مواضيها

يقيم ابمسجد الكوفه -- صلاته واجتمع بيها

راد الها ابكرامه اتعيش -- وثوب الشرف چاسيها

يلبسّهم يلبسّهم -- ثوب العز يلبسّهم

وبعنان السمه نجمه -- راح ابهمته وعزمه

--

هصه الكوفه من بعثت -- لحسين المرام اشچان

مو وقعت رسايلها -- وگالت اقدم بايمان

ماحفظت عهدها ليش -- -- ابمسلم هالجمع من خان

خانت بيه مثل حيدر -- ونكروا فضله والاحسان

غدرعدها غدر -- هالكوفه غدر عدها

تغدر هيه متعلمه -- راح ابهمتّه وعزمه

--

غدرت نكرت المسلم -- وحده تركته هيه

وهوه ابغربه بالكوفه -- لاناصر بقه عنده

اتذكر طبرة الكرار -- تعبه نكروا وجهده

اشلون اعليه صوارمها -- سلت لا من ايسنده

بقه وحده بقه وحده -- لاناصر بقه وحده

بس الموت ظل يمه -- راح ابهمتّه وعزمه

---

جيوش الكفر كلها اتريد -- راسه اتحزبت كلها

وهو ابصارمه وحده -- الارواح الكفر سلها

ماخذ شمرة الكرار -- اجيوش اللي اجت حلها

لاخياله گدرت ليه -- خيب كل مراجلها

لچن ياحيف لچن ياحيف -- غدرت بيه لچن ياحيف

مثل حيدر علي عمه -- راح ابهمتّه وعزمه

--
سيد عدنان الحمامي


 
 توقيع : المعارف




رد مع اقتباس
قديم 10-18-2011, 09:38 PM   #4
نـــائب المدير


الصورة الرمزية المعارف
المعارف غير متواجد حالياً

بيانات اضافيه [ + ]
 رقم العضوية : 118
 تاريخ التسجيل :  May 2011
 أخر زيارة : 10-30-2012 (10:36 PM)
 المشاركات : 1,850 [ + ]
 التقييم :  10
 الجنس ~
Male
لوني المفضل : Cadetblue
افتراضي



بسمه تعالى

سلام عليكم

---

--

المستهل

--

عمي حسين -- مسلم وين -- هم يرجع بعد لينه

---

على حسين الحزن خيّم -- أول نايبه اتمر بيه

وأجت يمّه حميده اتريد -- من عمها تشوفه اشبيه

لن حسين ظم دمعه -- عنها بالجفن يخفيه

خاف اتشوفه بت مسلم -- من عينه الدمع يجريه

بچت يمه -- كثر همه -- اتگله والدي وينه

----

حسين ايگلها مسلم راح -- حميده منچ ومني

ومايرجع بعد هيهات -- ابمسلم ينگطع ظني

وشوفي دمعة اعيوني -- الفگده وبالگلب وني

وهم اللي عليّه صار -- مايبرح بعد عني

عدنه امصاب -- مسلم غاب -- ياهو البيه يواسينه

----

ظلت تبچي يم حسين -- دمعتها تهل جمره

يعمي حسين حاچيني -- بيش الخاطري اتجبره

وگلبي عگب ابويه الراح -- بعد ياعمي شيصبره

هم عينك بعد يحسين -- وعيني المسلم اتنظره

هم ايعود -- ليّه اردود -- وعيني تنظر العينه

----

ابگلب مفجوع تحچي اوياه -- حميده والفكر محتار

يعمي الكوفه غداره -- وجمره للفتن من نار

غدرت من گبل بينه -- وفجعتنه بعلي الكرار

واليوم انته ليها اتريد -- تمشي والدرب اخطار

لا لتروح -- بينه اجروح -- منها عمي مشفينه

---

گاللها ابعزم معروف -- اصلح رايد الامه

واليسعي يريد الخير -- الموت الموت ميهمه

وعمچ ياحميده اليوم -- يضحي مثل ابن عمه

ودمي لونزف للدين -- دمي ايعانگ الدمه

مسلم راح -- للاصلاح -- ضحه من اجل دينه

----

سيد عدنان الحمامي


 
 توقيع : المعارف




رد مع اقتباس
قديم 10-18-2011, 09:38 PM   #5
نـــائب المدير


الصورة الرمزية المعارف
المعارف غير متواجد حالياً

بيانات اضافيه [ + ]
 رقم العضوية : 118
 تاريخ التسجيل :  May 2011
 أخر زيارة : 10-30-2012 (10:36 PM)
 المشاركات : 1,850 [ + ]
 التقييم :  10
 الجنس ~
Male
لوني المفضل : Cadetblue
افتراضي



بسمه تعالى

سلام عليكم

--
موشح
-

--

راية الاصلاح مسلم رايته -- أنشد الكوفه عليمن غدرته

واويلاه -- واويلاه

--

أنشد الكوفه وجميع اقطابها -- من بعد هالظلم لمن صابها

كلها وقعت عالعهد بكتابها -- للحسين العهد هذا نكثته

واويلاه -- واويلاه

--

من بعد ماصابهم ذل وهوان -- لامسوات او عدل لاظل أمان

وصار بس بحسين يلهج كل لسان -- يجي ايخلصهم امن الذل رادته

واويلاه -- واويلاه

--

صار آلاف الكتب بعثوا اله -- وگالوا أقدم اي يبن عقد الوله

وبعث مسلم بالسفاره ايمثله -- طاع امر حسين راح ابهمته

واويلاه -- واويلاه

--

وصل للكوفه يريد الها الصلاح -- مثل عمه البطل حيّ اعله الفلاح

راد يصلح شهروا ابوجهه السلاح -- وكل قبايلها وعدها نكرته

واويلاه -- واويلاه

--

نكرته المسلم وباعتها الذمم -- اعقول عفنه وكل ظمايرها عدم

بالغدر جازته ومنهم ماسلم -- وبالحبل بالكوفه جرّوا جثته

واويلاه -- واويلاه

--

اول امصيبه على حسين التمر -- من رموا جثة سفيره امن القصر

انفجع گلب حسين من هذا الامر -- وصار برض الطف يخيّم نيته

واويلاه -- واويلاه

--

سيد عدنان الحمامي


 
 توقيع : المعارف




رد مع اقتباس
قديم 10-18-2011, 09:39 PM   #6
نـــائب المدير


الصورة الرمزية المعارف
المعارف غير متواجد حالياً

بيانات اضافيه [ + ]
 رقم العضوية : 118
 تاريخ التسجيل :  May 2011
 أخر زيارة : 10-30-2012 (10:36 PM)
 المشاركات : 1,850 [ + ]
 التقييم :  10
 الجنس ~
Male
لوني المفضل : Cadetblue
افتراضي



بسمه تعالى

سلام عليكم

--

--

--

المشتهل

--

صاحت حميده بصوت -- آه يابويه

ياريت أخذني الموت -- آه يابويه

كل أبو شمعة بيت -- شلون ألك لو حنيت

--

راحت آمالي يبويه ابروحتك ليّه اشيردها

غير أبوها البت يبويه سلوه ماظن هيه عدها

طفله محتاجه الحنانه الصدره اليظمها بعدها

وحتى لو كبرت أبوها هوه هيبتها وسندها

بعد العطف ماشوف -- آه يابويه

ابرهبه اظل وخوف -- آه يابويه

ابحظن الحزن ظليت -- اشلون الك لو حنيت

--

كل أبو للبت حنانه ايغطي بالطافه عليها

لو مشه من داره تبقه الجيته لهفتها بيها

تنتظر يمته تشوفه الداره تفرح من يجيها

هيه تتلگاه تحظنه هوه ايده اتظل بديها

خيمه الي مريود -- آه يابويه

ابعطفك عليّه اتجود -- آه يابويه

لمن رحت ماجيت -- اشلون الك لو حنيت

---

ودعته او ودّعها رايح بالمهمه الهاشميه

كلفّه حسين بسفاره الكوفه من بعثتله هيه

ايعرفه سياف ومبارز والشجاعه الحيدريه

عالم وعنده فراسه مسلم ونفسه أبيه

من اوصلت غدروك -- آه يابويه

ومن القصر يرموك -- آه يابويه

ابگلبي جرح خليت -- اشلون الك لوحنيت

-----

الكوفه غداره ابطبعها قبله غدرت بالصميده

هذي مو اول خيانه هذي لا لا مو جديده

هيه بعثت بالرسايل يقدم حسين وتريده

المسلم ايرشحه عليهم هوه عينه وهوه ايده

نكثت عهد وياك -- آه يابويه

يالغيبتك دنياك -- آه يابويه

للكوفه من امشيت -- اشلون الك لو حنيت

---

هيه لا ما چان أملها مسلم ايفجر دمعها

كل أملها ابجاله تفرح تنسعد طيب وضعها

ابلهفة الوالد يشمها بويه لوصاحت سمعها

حگها من ونت او ناحت حگها من تعلن جزعها

من عيني غفله اتروح -- آه يابويه

لجروحي زدت اجروح -- آه يابويه

گبلك متت ياريت -- اشلون الك لو حنيت

--

آنه اعيش ابحظن ابويه هالقدر منطاني مهله

همك وهمي يعمي او صبرك وصبري نحمله

لا چن افراگه لبويه صعبه ماظن عمي سهله

ابدمعك او دمعي اعله مسلم خلي نتواسه نهمله

ايلمني بعد يادار -- آه يابويه

وبروحي جمرة نار -- آه يابويه

عگبك يتيمه اصفيت -- اشلون الك لو حنيت

--

سيد عدنان الحمامي


 
 توقيع : المعارف




رد مع اقتباس
قديم 10-18-2011, 09:39 PM   #7
نـــائب المدير


الصورة الرمزية المعارف
المعارف غير متواجد حالياً

بيانات اضافيه [ + ]
 رقم العضوية : 118
 تاريخ التسجيل :  May 2011
 أخر زيارة : 10-30-2012 (10:36 PM)
 المشاركات : 1,850 [ + ]
 التقييم :  10
 الجنس ~
Male
لوني المفضل : Cadetblue
افتراضي




بسمه تعالى

سلام عليكم

----

---

المستهل

---

مسلم صوت الحگ ناداها

---

للكوفه اتعناها ابعزمه

يصلح رايد حال الامه

ناذر روحه وناذر دمه

ورايه اترف للحگ عّلاها

----

علاّ الرايه اوصارم بيده

ايمثل حيدر مجده ايعيده

المسلم هيه الكوفه تريده

من جور الظالم يرعاها

---

يرعاها وتعيش ابمأمن

راد أتصير ابعّز واحسن

ارتدت عنه ونصبت مكمن

وباعت للدين ودنياها

---

ارتدت كل اشرار الكوفه

تغدر مسلم وحده اتعوفه

ومسلم حيدر كلها اتشوفه

وموت احمر مسلم راواها

---

راوه الموت لاهل الغدره

من حيدر كل عزمه وصبره

طاع حسين ونفذ امره

وللطاعه خلد ذكراها

---

خلدها الطاعه بأيمانه

وتخلد مسلم عنونه

وأثبت للعالم برهانه

صولة مسلم من ينساها

---

صولة ابطال اعله الباطل

لجل الدين اوشرعه ايناظل

مايتهاون لا ميجامل

روحه الهل المبدء ضحاها

----

سيد عدنان الحمامي


 
 توقيع : المعارف




رد مع اقتباس
قديم 10-18-2011, 09:40 PM   #8
نـــائب المدير


الصورة الرمزية المعارف
المعارف غير متواجد حالياً

بيانات اضافيه [ + ]
 رقم العضوية : 118
 تاريخ التسجيل :  May 2011
 أخر زيارة : 10-30-2012 (10:36 PM)
 المشاركات : 1,850 [ + ]
 التقييم :  10
 الجنس ~
Male
لوني المفضل : Cadetblue
افتراضي



بسمه تعالى

سلام عليكم

----

المستهل

--

مسلم سفيرك يحسين -- غدرته الكوفه

شتگول من راح العين -- ماظن تشوفه

صبر حميده -- المسلم تريده

-------------

صّبرها الحميده اتيتمت يحسين

وامسحهن بديك ادموعها امن العين

تنشد من اجتك وينه مسلم وين

شتگلها اعله ابوها اتگلها لاتبچين

طفله وگلبها ازغيرون -- شيصبره يحسين

يچويها دمع العيون -- من تهمل العين

الراح اشيعيده --- المسلم تريده

----------

صير الها ابو يحسين باريها

يم سكنه ورقيه اخت خليها

يحسين اليتيمه عينك اعليها

طفله والحزن ماينحمل بيها

فگد الابو ماينراد -- للبت هظيمه

واسيها يابو السجاد -- صارت يتيمه

عگبه وحيده -- المسلم تريده

----------

وحيده اتظل حميده بالالم والهم

بعدها ابكربله اعيلها الحزن خيّم

حگها اوشمل ابوها مابعد يلتم

طفله وحيلها ابها الفاجعه اتهدم

نكثوا عهدهم شبساع -- اهل الظغينه

بالطمع للدين انباع -- والعهد وينه

يبن الصميده -- المسلم تريده

------

الكوفه طلبته اومسلم مشه بعزمه

راد الخير الها ويصلح الامه

سفير ايمثله لحسين ابن عمه

لچن بگلوبهم ماظلت الرحمه

تبعوا خطوات الشيطان -- عميه البصاير

ماعدهم ذرة ايمان -- ميته الظماير

تبچي العقيده -- المسلم تريده

----------

يحسين الغدر يحسين يدنالك

ونته ابكربله والشر تعنالك

چتال ابن عمك هوه چتالك

ارجع للوطن يحسين بعيالك

مبعوث مسلم من راح -- يصلح الامه

بيد الغدر والسفاح -- ينسفك دمه

گطعوا وريده -- المسلم تريده

---------

يحسين الحزن عالعايله خيّم

مسلم راح وانصب للحزن مآتم

هاي اول مصيبه والتجي اعظم

اعيالك تنسبي ونحور تنزف دم

يحسين باچر شتشوف -- يحسين باچر

ارماح المشهره وسيوف -- ودم المناحر

نكبه جديده -- المسلم تريده

-----

سيد عدنان الحمامي


 
 توقيع : المعارف




رد مع اقتباس
قديم 11-04-2011, 03:06 PM   #9
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : يوم أمس (08:20 PM)
 المشاركات : 6,265 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي



بسمه تعال

----------- الوزن تجليبه

------


بت مسلم حميده اتيمت يحسين

الكوفه غدرته للكوفه رايح وين

-------------

مسلم من مشه يحسين للكوفه

ودعته شگلت هم عينك اتشوفه

هيه بالغدر من گبل معروفه

نكثت عهد ابوك وباعته للدين

---------------

يحسين ونخوك وجيت تنصرها

اقبل گالت اقبل كل عشايرها

ودَولك رسايل تشكي جايرها

واجيت ابعيلتك للكوفه ليها اتعين

---------------------

تعين الكوفه ناصر معتني ليها

وصلت الكربله اسكنت ابواديَها

ابعثت مسلم سفير ايمثلك بيها

راح وما بعد مسلم اتشوفه العين

-------------

العين اتهل دمع من رد خبر چتله

يحسين وفگدته اعليك مو سهله

هذا اول مصاب اتواسي بيه اهله

وتگل الحميده ابنيتي لاتبچين

--------------------------

لاتبچين حگها صبحت ايتيمه

طفله والابو للبت اهو خيمه

هظيمه بهل العمر من عافها اهظيمه

زغيرونه حميده العمر خمس اسنين

-------------------------------

صير الها ابو يحسين باريها

ويَ سكنه ورقيه اخت خليها

حميده يبو اليمه عينك اعليها

چانت لبن عمك روح وارياحين

----------------------

ارجع للوطن يحسين بعيالك

انته بكربله والشر تعنالك

وچتال ابن عمك هوه چتالك

ضدك اصبحوا يحسين متحزمين
---------
سيد عدنان الحمامي



 
 توقيع : سيد عدنان الحمامي



رد مع اقتباس
قديم 12-05-2011, 02:58 PM   #10
عضو نشيط


الصورة الرمزية نوح الحمام
نوح الحمام غير متواجد حالياً

بيانات اضافيه [ + ]
 رقم العضوية : 179
 تاريخ التسجيل :  Aug 2011
 أخر زيارة : 12-05-2011 (04:32 PM)
 المشاركات : 33 [ + ]
 التقييم :  10
لوني المفضل : Cadetblue
افتراضي



الله يعطيك الف عافيه مولاناااا
وطيب الله انفاسك
واجرك علي اهل البيت ع
الله لا يحرمنااا من كرمكم مولانااا


 
 توقيع : نوح الحمام



رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




Loading...


Powered by vBulletin™ Version 3.8.7
Copyright © 2014 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY:
! ωαнαм ! © 2010