علي ماعون فقرة

علي ماعون فقره....و خبزة ايتام
و هاي الما قنعهه مجلب بنار

ادزه اعله اليتيم .... و خله يشوف
علي بحلك اليتيم مخلف آثار

بيت لكل مواطن ... بالسلف جان
يعني لكل مواطن بالسلف دار

جان البيت ملك.... لكل الاطياف
بزمن حيدر كبل ممنوع الايجار

جان بزود حيدر...,كلشي موجود
ردت عنهن اسولف لكن احتار

علي شجرة إمامه...بكاع الاسلام
مصدر كل وليي و منبع اطهار

شجرة و الله زارعه... ابذر نور
اذا الله الزرعهه شتطرح اثمار؟

علي دار الفلك... و انطيك برهان
رد الشمس حيدر و الفلك دار

يعني بكيف حيدر...كلشي بالكون
علي يكدر يبدل الجنه بالنار

ابو للدنيه حيدر...واحنه ويلاد
ولد حيدر الكل زغار و كبار

علي حزب الكرامة...بدولة اخلاق
علي صرخةالناس و ثورةايمان

علي دلة شجاعة...تفور تاريخ
ولكل المراجل صار ديوان

الي يدور دلائل... عن الابطال
بس نكله حيدر يعني برهان

كبل واحد سئلني...شنهي كرار
و آنه بلا تردد كلت قرآن

رجع ثاني سئلني...شلون نقراه
كتله بكل بساطة بكلب و لسان

كتله من الاخير...بكل الاحوال
علي لجنة الباري يصير بيبان

اللهم صل على محمد وآل محمد وعجل فرج محمد وآل محمد وألعن أعداء محمد وآل محمد الى يوم الدين

طيب الله انفاسك اخي الكريم

السيد عمر الحسيني

تقبلي مروري وخالص احترامي

سيدنا الجليل

كتبت فابدعت

احسنت كثيرا وربي ايبارك في كتاباتك

ويجعل لك النجاح في خدمة الزهراء وبنيها ان شاء الله

تحياتي ودعائي

وربي يرعاك