يوارث الآنبياء

[color=rgb(255, 20, 147)] حسين . حسين . حسين *** يوارث آدم ابدمعي إجيت .. ياحسين حزينه امحيّره ابهمي بقيت .. ياحسين أنا البالعز يبو اليمه ربيت .. ياحسين وسف باليسر مذلوله مشيت .. ياحسين إجيتك واليسر .. كسر مني الظهر حسين . حسين . حسين ** يوارث نوح ياسبع الطفوف .. ياحسين سبعة أشواط يم قبرك اطوف .. ياحسين ابكل شوط اندهك ردتك تشوف .. ياحسين أثر لسياط واكعاب السيوف .. ياحسين غدن فوق المتن .. ولبّي ابكل حزن حسين . حسين . حسين ** يوارث نبي ابراهيم الخليل .. ياحسين أخبرك يبن حمّاي الدخيل .. ياحسين يضربوني إذا الدمعه تسيل .. ياحسين يذِبح الفدى اسماعيل الجليل .. ياحسين إجيتك لاطمه .. يسر سابع سمه حسين . حسين . حسين ** يوارث موسى يالأخّ الحنون .. ياحسين بچيتك خويه بالدمع الهتون .. ياحسين بقت تنشدني عنك هالعيون .. ياحسين هون رادن وسط لحدك يجون .. ياحسين يجونك للحد .. و تنام اعلى الجسد حسين . حسين . حسين ** يوارث عيسى لاجلك ياشهيد .. ياحسين فعلت القلته لي او كل ماتريد .. ياحسين قلبت الوضع خويه اعلى يزيد .. ياحسين بقينه اسياد همه النه عبيد .. ياحسين وِليته ابچلمتي .. أسرته ابخطبتي حسين . حسين . حسين ** يوارث طه يافرخ الرسول .. ياحسين يمهجة حيدر و روح البتول .. ياحسين صِرِت ورده وسف فتهه الذبول .. ياحسين من امصابك يبو اليمه المهول .. ياحسين و ذبّلني الحزن .. و بقيت انحب وَوِن حسين . حسين . حسين *** نسألكم الدعاء [/color]