قصيدة كعدة ولائيه

أأمر بالمعروف وأنهي عن المنكر
أعرف معنى الحريه بحكام الانسانيه
أأمر بالمعروف وانهي عن المنكر
**************

الله خص العقل جوهر للبشر عن الخلأئق
وميزت الانسان عقله وجعل هالانسان ناطق
حتى يعرف غلط من صح وبكلامه ايكون لأئق
الأنسان من اظم شكل تميز ابجوهرة العقل
بهذي صفاته يكتمل من يكون اﺑﺤﭽﻳﻪ صادق
يبن ادم من هاي الدنيه منهه اتحذر
بالك تصبح مرجوحه بين الناس المفضوحه
أأمر بالمعروف وانهي عن المنكر
************

حررت ذاتي بأذاتي جعلت نهج حسين عبره
متخذهه بكل حياتي وفسرت معنات صبره
صبره ﭽان اكبر تحدي حقق ابهل صبر نصره
والدم عله السيف انتصر خالد يظل ذاك النحر
صح اﻨﮔﻄﻊ راس الفخر وﺑﮔﻄﻌﺗﻪ قام ثوره
يذكرهه كل جيل ابجيله ومنهه اتنور
اقرء عنوان البيهه شوف اشمكتوب اعليهه
أأمر بالمعروف وانهي عن المنكر
**************
الدين عنوان التسامح ورمزللحريه اصبح
موسفك دم ومقابر كفت الحق هيه تربح
الدين راد ﭽفوف تبني وراد ﭽف يحصد ويفلح
راد التأخي للأمم راد النضافه الكل قلم
من تبع نهج الحق سلم لأئن هذا النهج واضح
بين الحك والباطل ميز وانته اتصور
ياهو الواضح عنوانه وكاتب ابدم شريانه
أأمر بالمعروف وانهي عن المنكر
************

لوتجي تدرس حيات حسين من يوم الولاده
للملل خاطبهه كلهه مايخص مله بجهاده
راد كل امة محمد كلهه تشملهه السعاده
ماراد ذله الكل بشر راد الفخر لهل الفخر
ماراد كل واحد كفر وابد مادور قياده
راد الناس اتعيش ابحكمه بأجمل منظر
هاي الصوره المرئيه بكل بقعه جغرافيه
أأمر بالمعروف وانهي عن المنكر
***************

أعمل الدنياك ﭽنك للأبد عايش حياتك
واعمل الأاخرتك انته ﭽن صبح باﭽر مماتك
لأتفوتك كل محطه اعمل العنوان ذاتك
وحسين دلاك الدرب مابين سهل وكل صعب
بالك ابنزوات اﻠﮔلب عقلك ايحكم نجاتك
ياهواليخسر ياهو اليربح يوم المحشر
يربح من يتبع لحسين واليمشي ابمنهاج الدين
أأمر بالمعروف وانهي عن المنكر
*************

لاتغرك دنيه بيهه الجهل خيم عالبريه
وحسب الكل خطوه لازم واعمل ابمعنى التقيه
وصير انته مثل اعلا لاتغرك جاهليه
ظل اعمل ابخير العمل وتفوق انته عالملل
واظحه معنات الجمل صير ورده ابمزهريه
بالسانك اعمل وﺑﮔلبك موبالمظهر
اعمل ابكل سريه خلي اعمالك قدسيه
أأمر بالمعروف وانهي عن المنكر
**************

الشاعر الحسيني

حيدر العارضي