خوله بنت الحسين ع

........

...

خوله بنت الحسين ع

--

-

يخوله اعليچ تجري دمعة الزوار

وحدچ ليش ضليتي غريبة دار

.........

ليش اويه الضعن مارحتي وياهم

عافوچ ومشوا بدموع عيناهم

بهلچ كل رحم مابيها دنياهم

عليهم هالجره عالناس أبد ماصار

.....

شفتي بكربله ابشع صور بيها

يخوله وجثت ابوچ السحگوا اعليها

وچفوف الگمر عمچ تشوفيها

وحرگوا خيمتچ ونتي بوسط هالنار

....

النار اعله الفواطم ونتي وياهن

أرامل والعدو لمن تولاهن

وللمصرع يحشمن غدن ولياهن

والوليان صرعه ومابقت اعذار

....

من عمتچ اجينه نزورچ بلهفه

ونيران الحزن بالروح ماتطفه

للغربه جرح ماظن بعد يشفه

يخوله اليوم اجينه الحظرتچ خطار

...

جبنالچ سلام أمن العقيله ليچ

عمتچ زينب اتسلم يخوله أعليچ

حزنها اچبير بيها هم مثل مابيچ

من فگدت أهلها أزغارهم وكبار

....

تگول اشلونچ وهم انتي مشتاگه

لبوچ حسين عمه ايموت أفراگه

وين أوياه بعد ياخوله نتلاگه

وكل مشتاگ يبقه يغربته محتار

--

يخوله العمچ العباس ملهوفه

متشوفيه يعمه وآنه ماشوفه

بس شفناه مگطعه بكربله اچفوفه

بعد عينه يعمه بكربله طشار

...

أخوچ الاكبر ابطف كربله عفناه

يم جسام نايم مابعد شفناه

وعبد الله اعله صدر حسين خليناه

ضامي ينذبح وبنبلة الاشرار

.....

يعمه سولفيلي شلون متحمله

انتي بغربتچ والغربه مو سهله

يعين الله الغريب الفارگ لأهله

بس تبقه الصور بعيونه تذكار

--

سيد عدنان الحمامي

--

خوله بنت الحسين ع

.....

شجابچ أهنا يالغريبه شجابچ

صدگ ياخوله نسوچ احبابچ

.......

وين جابچ هالزمن مابي رحم

ونظر عينچ من هلچ ليش انحرم

ونتي بت سلطان كل هاي الامم

وتندعي كل الخلگ بعتابچ

.....

كل غريب يخزن بگلبه الجرح

ولامواسي من هله يمه يصح

شلون عفتي حسين بالطف منذبح

ويحدي بضعونچ غده سلابچ

.......

أمشيتي كل هذا الدرب فوگ الهزل

عفيه روحچ هالمآىسي تحتمل

هذا المصاب شيحمله مو سهل

الراس ابوچ اتوجهين اعتابچ

.....

راس ابوچ أعله الرمح لمن سره

ونتي مذهوله بنظرته وحايره

أي يخوله وشنهو گلبچ صبره

وطاح جمر الخيم فوگ ثيابچ

........

بس رماد الخيم ماظلت خيم

بنار وبخيل العدو اعليكم هجم

اويه الحرم تتراكظين اويه الحرم

والسياط اعليچ فوگ أمصابچ

.....

ومن وصلتي اهنا ضليتي بغرب

من بعد ظيم المسير بهالدرب

ياگلب يحمل يخوله ياگلب

وسهم الفراگ أويه أخوتچ صابچ

........

لليزورج اله گلبچ يبتشر

يحصل أمراده وتوفيله النذر

لأن چفچ للطلب مايعتذر

وماتفشلين اليدگها البابچ

.....

سيد عدنان الحمامي

--...

..