.::||[ آخر المشاركات ]||::.
المهدوية في آخر الزمان‏ [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 28 ]       »     وانفصمتْ والله العروةُ الوُثقى... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 27 ]       »     21 رمضان .. ذكرى أليمة استشها... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 20 ]       »     نتقال الامام الى روضة الخلد وا... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 22 ]       »     مجلس شهادة أمير المؤمنين الإما... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 24 ]       »     الامام علي ابو الأيتام [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 23 ]       »     عقيلة الطالبيين مدرسة لنسائنا ... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 26 ]       »     كيف نكون قريبين من الإمام المه... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 19 ]       »     الإمام علي قدر هذه الأمة وقدره... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 23 ]       »     ما سَرُ تَعلق اليَتامى بالإمام... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 23 ]       »    



 
 عدد الضغطات  : 14556
 
 عدد الضغطات  : 5125


الإهداءات



إضافة رد
#1  
قديم 10-01-2016, 12:36 AM
مديــر عام
سيد عدنان الحمامي غير متواجد حالياً
Iraq     Male
لوني المفضل Darkgreen
 رقم العضوية : 1
 تاريخ التسجيل : Apr 2011
 فترة الأقامة : 4744 يوم
 أخر زيارة : 03-25-2024 (06:13 PM)
 الإقامة : الكاظمية المقدسة
 المشاركات : 7,694 [ + ]
 التقييم : 10
بيانات اضافيه [ + ]
افتراضي متفرقه --- 3 ----



قصيده كعده – في حق مسلم بن عقيل ع
\\\\\\\\\\\\\\\\\\\\\
المستهل .............
........................
منچ حميده مسلم ايروح شلون
زغيرون گلبچ عالمصيبه زغيرون
فراگه بعد متحملين .... عگبه يتيمه اتصيرين
.....................
طفله وبحظن الابوه عايشه بعز وكرامه
تفرح بلحظة وجوده يمها وبطيبة كلامه
امدلل ه اتحس بسعاده الها من يعلن غرامه
بوجوده متحس بقهر – ولا عينها اتظل بسهر
يحميها من شر الدهر – أمأمنه تعيش بسلامه
خيمه الابو البنته ويفيي اعليها
غير الفرح بوجوده ميمر بيها
واليوم حزنانه العين – عگبه يتيمه اتصيرين
..............................
مسلم براية جهاده راح للكوفه واهلها
بعد ماكلفه حسين بهل المهمه وكفوو الها
ناس طاغي اعليها سيطر عافها بغيها وجهلها
بهاي المهمه روحته – الاصلاح چانت غايته
والكوفه هيه رادته – وهلهلت لمن وصلها
گالوله احنه اسيوف الك بتاره
لحسين ابن عمك صبحنه انصاره
بس عالغدر متعلمين – عگبه يتيمه اتصيرين
..........................
ناس هالغدره طبعها ياحميده وعالمطامع
لاورع عدها او تقيّه اتراوغ امعلمه وتخادع
دين ماهمها اليهمها بس عله الباطل تدافع
للحق تكرهه بكل حقد – واحدهم ايظل بس عبد
مارادوا العز والمجد – الدين رادوه بس منافع
تتبع سراب البر تظل الكوفه – بالغدر من يوم الوصي معروفه
منهم بعد شتذكرين – عگبه يتيمه اتصيرين
....................
بسمة اشفافچ حميده راحت ومامنها رجعه
وعينچ الماحزن شافت عالوجن تذرف الدمعه
هوه عمرچ وين يحمل طفله بعدچ عله الفجعه
مسلم امن اعيونچ رحل – ومن ايدچ ايضيع الامل
اول يتيمه امن الاهل – اسمعتي ناعي الحزن ينعه
هالناعي ينعه ياحميده اتسمعيه....مسلم بعد ميعود الچ وتشوفيه
حگچ عليه من تبچين --- عگبه يتيمه اتصيرين
......................
ابلوعة الاحزان ظلي ياحميده ولمي صبرچ
ايده من خله اعله راسچ حسسچ باليتم عمچ
لا أبو ضليتي عندچ لن يتيمه بزغر سنچ
زغيرون گلبچ عالحزن ... ومايطبگ العينچ جفن
الحالچ بعد ياهو اليحن ... وبدر مسلم غاب عنچ
أبغير الابو تعيش بهظمها اعياله
اتظل ابيتمها من يغيب اهلاله
وباچر بعد شتشوفين --- عگبه يتيمه اتصيرين
.........................
باچر اعيونچ تشاهد ياحميده الموت والدم
لايظل عمچ حسين اونار توصل للمخيم
وحته عبد الله وريده امن الذبح مابعد يسلم
تشوفين باچر ياوضع – بحسين ميظل كل ظلع
وصرخة رقيه تنسمع – من تصيح الحگلي ياعم
باچر رقيه اوياچ عمها اتشوفه
لارايه لاسيف اليظل بچفوفه
وبالمصرع ايظل حسين – عگبه يتيمه اتصيرين
........................
هاي لحظات العصيبه ياحميده اتمر عليكم
لاعلي الاكبر او جاسم عنكم ايحامي يجيكم
لاعمام او لا عشيره اللي تدافع عن سبيكم
تمشون باچر باليسر
والضعن عالمصرع يمر
وتتگطع احبال الصبر
لمن اتشوفون نومه اعله الترب اهل الحميه
...........سيد عدنان الحمامي............

تجليبه
لسان حال – ام شهيد ---
.....................
تعالي اوياي يالعندچ ولد مفگود
آنه اوياچ خلي بالبواچي انجود
....................
وين الفاگده منها ضناها وراح
وين اللي تشوفه اظلم المصباح
ميفيد ان صفگنه الراح فوگ الراح
وليدچ مايرد ووليدي لينه اردود
...................
اسولفلچ ولد عندي گمر چنه
اشموع امحضرتله اوياهن الحنه
افرح بيه ردت ووليدي يتهنه
راح أمن ايدي ما ادري الولد محسود
...............
بالله سولفيلي يالحزينه اشبيچ
هم راح العزيز ومابعد رد ليچ
هم ذبحوه اسمعتي امودعچ ايناديچ
يُمه والثياب اعليه لبسي سود
....................
هم مثل الولد ابني بعد مارد
ولا واحد يجيب اجنازته محد
بگاع الله ذبيح اوليدي ومدد
مظلوم اعله ذبحه الدنيه هاي اشهود
..................
حگها الام لونها ونت وناحت
ولطمت عينها وآيبني لو صاحت
رحت وسنين تعبي اوياك هم راحت
يبني والولد لمه ذخر مريود
........................
كون اعمي نظر عيني بعد عينك
واظل ابچي واصيحن يالولد وينك
شنهو الحال بين الوالده وبينك
يبني وكل وكت بالدار ماموجود
...............
يبني اوداعة الله وبعد ماشوفك
وآنه اللي چنت لحظات ماعوفك
صرت جرح بدليلي وبعدج شيروفك
والدارك يبعد الدار ليه متعود
.........سيد عدنان الحمامي ..............
-



 توقيع : سيد عدنان الحمامي


رد مع اقتباس
قديم 10-01-2016, 12:42 AM   #2
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : 03-25-2024 (06:13 PM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي



-------------------
الوزن فائزي

-----------

بعدك رضيع ابياذنب يبني يحرموك

صابتك نبلة حرمله وبيها يفطموك

---------------------

عبد الله يبني شحملت تعبت اللجفون

روحي تلولي يالولد مهدك بالعيون

يالرحت گلب امك بعد مايهجع اشلون

يوليدي ماعدهم رحم ظامي يشوفوك

-------------------

يبني تسع تشهر چنت بيهن اتاني

تعب التعبته والسهر لا ما لواني

يحرمني منك ياسبب يبني زماني

اگلوب العده بلچن تحن يوليدي يرووك

---------------------

عبد الله ثدي امك يبس لالبن ظل بيه

راح اعصر اعيوني الك والچبدك ارويه

جمر الظمه بلچي الدمع يوليدي يطفيه

امنين اجت لمك كربله بيها يروعوك

---------------------

يبني المنيه چن دنت وتحومي يمك

ابروحي تعال اغفه رغد منها تظمك

اشلون الها حيل اتفارگك لوغبت امك

موهينه ودعت الاهل يبني ويودعوك

---------------------

گومي يزينب للطفل من يمي شيليه

ما اسمع ايناغي بعد بلچن تناغيه

كل نفس مابيه بس جسد عبد الله شوفيه

ابحظن امك اتموت العده يوليدي يردوك

----------------------

يحسين اخذه للطفل ماي ويشربوه

زغيرون بعده يرتضع بلچن يرحموه

بس لايجيه سهم القدر وبيدك يذبحوه

ويگطع وريده حرمله ابفگده يبچوك
---------------------
سيد عدنان الحمامي


 
 توقيع : سيد عدنان الحمامي



رد مع اقتباس
قديم 10-01-2016, 11:44 AM   #3
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : 03-25-2024 (06:13 PM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي



ولائيه للحسين ع

..............

المستهل

...............

هذا عهد البينه --- من الك حبينه --- بحُبك انجنينه -- أي يالحسين

......................

أنته كل صومي وصلاتي وابتهالي

أبد متغير محبتي هاليالي

الك ناذر بيتي واولادي وحلالي

ادري تالي بيك افوزن ادري تالي

بالحشر دلالي --- مأمن ومابالي --- حيدر اليسقينه -- بحبك انجنينه --- أي يالحسين

............................ 2

هوه بس حُبك تره ماعدنه غيره

وارتبط محبوبك بحبك مصيره

عطر حبك سيدي نشتم عبيره

هالعشگ يحسين لا ميصح نظيره

للگلب نبظاته -- هالهوه ونسماته -- عطرك الشمينه --- بحبك انجينيه -- اي يالحسين

......................

لونه عذري هالعشگ يحسين لونه

ماعله العاشگ سوى يبقه بجنونه

صورتك مرسومه يحسين بعيونه

مسودنين الدمنه من فحصوه لگونه

شحدهم يمنعونه -- نضحي من شافونه -- سيوف الك تلگينه -- بحبك انجنينه -- أي يالحسين

.......................

لو برير وعابس أويانه يشاهد

كل فدائي ايشوف بينه والمجاهد

عهد يتجدد وكل ليله نعاهد

حسين لاحبابه صبح بس هوه قائد

يانعم هالقائد -- مثله ماصح واحد -- بثورتك تحيينه -- بحبك انجنينه -- اي يالحسين

...........................

يوم عاشر من محرم خل يشوفون

بينه كل واحد يصير بصبحه مجنون

وساحة الحب تنملي بدم اليطبرون

شنهو دمنه لو نضحي ارواحنه اتهون

لا أبد منبالي -- نرخص الكل غالي-- الموت مايثنينه -- بحبك انجنينه -- اي يالحسين

....................

ابجاه امك فاطمه ارضه علينه

بيك مجنونين هذا مو بدينه

وخلي ميهمنه اليلوم ايلوم بينه

وأحنه لو مادمك أحنه مانجينه

وحگ أمك امك فاطمه --- الك قربان الدمه ----بدمنه لوضحينه -- اي يالحسين

............................

سيد عدنان الحمامي


 
 توقيع : سيد عدنان الحمامي



رد مع اقتباس
قديم 10-02-2016, 10:53 AM   #4
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : 03-25-2024 (06:13 PM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي



نزله -- للعباس ع

..........

.......

المستهل

.........
وديني للعباس وديني

..........

أرد أروح الباب ألله وأرد ادگها البابه

هوه معروف بعطائه وما يخيب أحبابه

الله ينطيك أشتريد اوبس تطب لعتابه

مثل اخوه حسين هوه حسين يشفي ترابه

بعتابه خليني خليني -- وديني للعباس وديني

..........................

أهموم عندي شكثر ولله وارد أروح العتبته

هوه حلال المشاكل مثل حيدر هيبته

الزم الشباچ بيدي ويمه اعگد رايته

هذا للدنيه گلبها بس رقيه نادته

نظريني ناداها نظريني --- وديني للعباس وديني

...................

ارد أسولف هظم چبدي وأرد أروايه دمعتي

أنه من محتاج أگله ايگلي خذها الجربتي

سيدي لا ماي أريدن أنته تعرف حاجتي

آنه مو عطشان أجيتك جيت من هم دنيتي

تنطيني هالمحتاج تنطيني --- وديني للعباس وديني

.......................

يالعطائك ماكو مثله ونعجز احنه انوصفه

هالزمان أوياي گاصي وعني مايوم العفه

بيه خله جروح كثره ولاجرح منهن شفه

وراحة البال افگدتها ولا جفن عيني غفه

سر عيني يمهيوب سر عيني--- وديني للعباس وديني

...................

أنته ماتبخل تجود والك تشهد كربله

چفوفك اثنين أكرمتهن هالكرم شيعادله

وآنه ظيم البيه غيرك كفوا لا ميصح اله

ماسمعنه ابيوم واحد اجه ليك اتفشله

راويني للشارات راويني --- وديني للعباس وديني

.....................

أي يبو فاضل الغيرك ما أمدها اليمنتي

انته تحفظ ماي وجهي وتظل نگطه بگصتي

وآنه هاليله نخيتك بعد تعرف طلبتي

الك تقبلها اريدك يبو فاضل خدمتي

خليني مخدومك خليني -- وديني للعباس وديني

.............................
سيد عدنان الحمامي


 
 توقيع : سيد عدنان الحمامي



رد مع اقتباس
قديم 10-06-2016, 12:18 PM   #5
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : 03-25-2024 (06:13 PM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي




بسمه تعالى

--

المستهل

--

اخذ من ام البنين اشما تريده --- من اديها للطلب حاجته بيده

تشوفها بكل الشدد -- حُره وفاية وعد

------

ياللي مضنوك بعسر --- وحالك ابشده يمر -- روح لم ذاك البدر -- أسمه عباس

طيب عدها والابه --- باب حاجه امجربه -- حرز وبكل نايبه -- ثابت الساس

ابد لا ماعافته --- للنخاها بشدته --- تگضي ولله حاجته --- تعرف الناس

والضحى اي والفجر --- ابد متقدم عذر --- لو طحت باصعب أمر --- ترفع الراس

اطلب امن البنين اطلب مرادك --- تجلي همك والله وتبرد فؤادك
ابد متفشل ابد --- جره وفاية وعد

-----

العوز لو خلّف كسر --- وعشت مظنوك العمر --- وبيك ماظل كل صبر --- لو جرح بيك

سوره اقره الواقعه --- وانخه ام الاربعه --- الله همك يرفعه --- أشردت تنطيك

اتحصل اتنول المنى --- المنحرملك چم سنه --- تريد ذريه او ظنه --- ظنه ايراويك

اليطلب بحقها نجه --- اللهم عليك اايفرجه --- باب الله والرجه --- يعطف اعليك

عدها جاه اشكبره عند الله عرفنه --- والمعاجز منها اي ولله شفنه

وحگ من هوه انعبد --- حره وفاية وعد

-------

هاي ام گلب السمح --- هيه بلسم للجرح --- وبكرمها مايصح --- تفرّح العين

بالكرم بيها بخت --- وبولدها من سخت --- بابو فاضل وانتخت --- ضحي لحسين

خلها تشهد كربله -- سد لخوك اتصير اله -- اي يبن عقد الوله -- ويبن الميامين

لون زينب حشمتك -- اعليها فيي ابرايتك -- عينك افدي وهامتك -- وافدي چفين

هالكرامات شكثر من الله عدها --- ابد مانگدر ابد نحصي عددها

مايصح اللهن عدد --- حرّه وفاية وعد

---------------

ما أظن صحت مره --- ويه زينب صابره --- وعدها سبع الگنطره -- قدم اچفوف

عجّبت عقل الدهر --- تصير للمعوز نهر --- بالعطه اتخلي اثر -- عيوننّه اتشوف

والنسب اشرف أهل --- والفضلها من وصل -- تنطي للحاير امل -- تسّوي معروف

ناس بالضيق وعسر لمن نخوها --- هيه حلالة مشاكلهم لگوها

فضل مثله منوجد --- حرّه وفاية وعد

--------------
لودعه الداعي ابدعه -- وحق يوم القارعه -- شما طلب يتوقعه --- عدها موجود

عدها مامثله الوفه -- وحق نور المصطفى --- بلسم تصير وشفه --- توفي العهود

والذي الها يفر --- تطفي للعازه جمر --- فخر يا ام البدر -- صاحب الجود

عله همه اللي صحه -- لليريد ايوضحه --- الها يقره الفاتحه -- بالعطه اتجود

للبقيع اتوجه وادي سلامك --- وابد بسم ام البنين ابدي كلامك

هالزمن الها شهد --- حّره وفاية وعد

---
سيد عدنان الحمامي


 
 توقيع : سيد عدنان الحمامي



رد مع اقتباس
قديم 10-06-2016, 02:41 PM   #6
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : 03-25-2024 (06:13 PM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي



يوم الرابع من محرم ----- في حق ام البنين ع
بسمه تعالى

سلام عليكم

--

--

--

آنه أم البنين ابنوح خلنّي -- وين حسين فگد حسين دوهنّي

--

وين حسين ليش أويه الظعن ماجاي -- بس ايتام نظرت للظعن عيناي

احس جمرات فگده اتواگدت بحشاي -- وأحس بالروح هالجمرات يجونّي

--

يچوني سمعت الناعي من ينعه -- وعله أخدود اليتامه يابسه الدمعه

متوقعه أشوف حسين متوقعه -- وبشوفة حسين اظنوني خيبنّي

--

خيبني الظنون الچانت اتنطره -- حسبالي أشوفه ارويحة الزهره

والعباس يحدي برايته الخضره -- شو بس الارامل اجن روعنّي

--

روعنّي الارامل واليتامه بنوح -- وخبروني الگمر بالطف بقه مذبوح

گلتلهم لخوه حسين فدوه ايروح -- بس حسين سالم كون بشرنّي

--

خبروني بنينچ بالطفوف اجساد -- فدوا برواحهم لحسين ابو السجاد

وبغير الارامل هالضعن ماعاد -- وصرخات اليتامه اسمعت عذبنّي

--

عذبنّي الحراير تنعه ولياها -- لارايه البني هاشم أكو اوياها

مثل صب المزن من تهل عيناها -- ومن ظيم العليهن شفت بچنّي

--

سيد عدنان الحمامي


 
 توقيع : سيد عدنان الحمامي



رد مع اقتباس
قديم 10-09-2016, 11:35 AM   #7
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : 03-25-2024 (06:13 PM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي



للاكبر ع
.................

المستهل
...............

أبني الأكبر كل حياتي ---- وكل مُنايه

وليدي وأدعيله بصلاتي --- وأقره آيه

دعه الأم عندك مُجاب --- ربي أحفظ كل شباب

...............

أبني الأكبر ودعت -- غُصه بگليبي اجرعت -- لألله ادعي أتفرعت -

بخيمتي وعيني تهل

صعب يوداع الابن --- شلون أمك من تحن --- هم بعد يطبگ جفن

فراگ لا لتظن سهل

كل شباب وكل فته -- تشم أمه نسمته --- تموت لو ماشمته

ميته أمه تنجعل

يبني عود أرجع اليه --- أرد أشمك

خاف لتروح أمن أديه --- وآنه أمك

أدعي ليصير المصاب --- ربي أحفظ كل شباب

...................2

يبني يالگلبي ملك --- روحي منذوره ألك--- أرجع اوليدي الهلك

عيش ويه أمك تعال

ليله لو ماشافتك -- تعمي عيني الفرگتك -- هاي يمي عمّتك

تگول لايگطع وصال

يبني ياهيبة هلي --- وليدي يالاكبر علي -- أمك ومتحن ألي

حلم هذا لو خيال

تدري يبني من عفتني --- تاه دربي

تبچي يمه لو شفتني -- بهظم گلبي

العذر مني هالعتاب --- ربي احفظ كل شباب

....................... 3

انته لعيوني ضوه --- انته لجروحي دوه -- گام يخنگني الهوه --

ومايمر بيه نسم

مثلي المضيعه ولد -- شحالها تصبح بعد -- شكثر لوليت ابمهد

يالچنت أجمل حلم

ردتك الشيبي ذخر --- ترد اتعاب العمر --- راح تعبي والصبر

گمت بجروحي ألم

مرت مصيبه عليه -- شاب راسي

گاموا يصبرون بيه --- هلي وناسي

موجهه لالله الخطاب --- ربي احفظ كل شباب

......................4

كل مره التفگد ظنه -- يومها ايصير بسنه -- بعد متشوف الهنه

تظل بثياب الحزن

يانصيبي اللي يشح -- أعزيز عندي وينذبح -- سووه بگليبي جرح

ينزف ومنه أون

دمه شفته بهل النظر -- گلبي لوليدي انفطر-- آه من هذا القدر

خلّه دمعي أعله الوجن

ادعي للغياب عدهن --- وبدعائي

ربي سلم كل ولدهن --- يارجائي

أو لا يطولون ألغياب --- ربي أحفظ كل شباب

.....................5

كل شباب أدعي أله --- ايسلمّه ربي الهله -- أو بالسلامه ايوصله

والحظن أمه يرد

ألفاگده وليد اشصعب -- تنجرح من الگلب -- أتصير مشدوهة درب

للمنيه أتضل تعد

شكثر آنه اتصبرت -- بهل المصيبه وكابرت -- لچن ولله اتحيرت

لمه غالي وينفگد

هاي والكل أم وصيتي --- مثلي صبري

من وگع عامود بيتي --- أنكسر ظهري

حلمي چن أصبح سراب --- ربي أحفظ كل شباب

...................

آه گلبي أو بلوته -- عله وليدي محنته -- هالمنيه أخذته

وندفن تحت الثره

گلب الأم هوه حنين -- وتفگد أتعاب السنين -- الها بس الله المعين

بحالها هوه دره

بريتي يتواگد جمر -- هالهوه لمن يمر-- راح من عندي ذخر --

أرضيت الله مقدره

بكل گلب سكنة الونه -- ياعجيبه

هالصبر ماغيره ألنه -- عالمصيبه

نصطبر بس بعذاب --- ربي احفظ كل شباب

.......
سيد عدنان الحمامي

---


 
 توقيع : سيد عدنان الحمامي



رد مع اقتباس
قديم 10-13-2016, 08:26 PM   #8
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : 03-25-2024 (06:13 PM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي



للسجاد ع

--
-...................
شور
........
المستهل
.............
يالسجاد --- شحملت آهات

يالسجاد -- بجفنك الدمعات


............

يسجاد الهواشم -- شفت كثره المظالم -- عليل وبيد ظالم

شفت عمتك سبوها -- ورقيه اتريد ابوها -- وسُكينه ايروعوها

عليك انحرگت اخيام -- جرح حزنك ميلتام -- جفن عينك فلا نام

يالسجاد --- بصدرك العبرات

يالسجاد -- شحملت آهات

............ 2

شفت عبد الله بالعين -- تذبحه نبلة البين -- يشبگه الصدره الحسين

-حزن گلبك نزف هم -- جرح روحك ميلتم -- نهار الفجعه أظلم

عليل امرمر الحال -- تدافع عن العيال --تعاين سحگوا أطفال

يالسجاد -- دموعك الجمرات

يالسجاد -- شحملت آهات

.............................. 3

عليل انته متگدر -- وحملت العطش والحر -- وگلب عمتك تحير

رقيه يم ابوها -- شگتله من اجوها --تراچيها خذوها

تگله روعوني -- يوبيه وعله امتوني -- بقساوه وضربوني

يالسجاد -- كثرت الحسرات

يالسجاد -- شحملت آهات

...............................4

رحت يم جثة حسين -- بچيت بگلبك ونين -- تگله خنصرك وين

حملت شلون وشوف-- أبوك أتگطعه سيوف -- بذعر عماتك وخوف

گصت وياك الهموم -- أعثرت چم مره وتگوم -- وعليك أمحاوطه الگوم

يالسجاد -- شكثر شوغات

يالسجاد -- شحملت آهات

........................ 5

بچت عينك العباس -- عمود الصابه بالراس -- بقيتوا بغير حراس

تگله ماي منريد -- يعمي ارجع أنريد -- وصفگت الايد بالايد

اخوك الاكبر الراح -- تشوفه بمصرعه طاح ---وأبوك اوليدي من صاح

يالسجاد --- بي طعنات

يالسجاد -- شحملت آهات

........................... 6

تصبّر رمله التنوح -- تشوف الطفل مذبوح -- جرح زاد أويه الجروح

بعجاج الخيل والريح -- تگوم وتعثر اتطيح -- يعمه زينب اتصيح

صفه مابيك كل حيل --- بعد ماراحت الخيل -- رحت للمصرع ابليل

يالسجاد -- شگد شمات

يالسجاد -- شحملت آهات

----
سيد عدنان الحمامي


 
 توقيع : سيد عدنان الحمامي



رد مع اقتباس
قديم 10-16-2016, 12:40 AM   #9
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : 03-25-2024 (06:13 PM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي



المسير للشام بعد مقتل الحسين ع

....................
...........

المستهل
...................

مفارگتك چن صار سنين -- خويه اليسرنا ماشين

............

يحسين باحزان اليسر --- وظعن الفواطم وياي

صيام خويه بالدرب -- لازاد لانشرب ماي

يبچن بناتك والدمع -- جمرات اهيسه بحشاي-

ياروح اصبر ياگلب -- بگلب أختك اجروح اهواي

كل گلب أسمعله أونين -- خويه اليسرنا ماشين

,..........

چم طفله يحسين وطفل --- چم حرمه أسمعها اتنوح

يبچن يخويه ابلا رحم --- والگلب مليان جروح

وحده تنادي يالولد -- لمك عزيز ومذبوح

تگله اخذ روحي اسمعت -- يوليدي شلي بالروح

شمسح اليادمعة عين -- خويه اليسرنا ماشين

.................

عاينت خويه اعله الضعن--- وآنه الضعن بحمايه

رمله ورباب اعله الهزل --- ردّن وليله أويايه

عالاكبر أمه تنتحب --- وأم الطفل شچايه

ضامي رضيعي وانذبح -- ليش انحرم من مايه

وندفن ما أدري وين -- خويه اليسرنا ماشين

.......................

والاثر بحالي بعد --- وبگلبي زاد أونيني

الجسام امه نادته --- وينك غبت من عيني

ياضوه بيتي وغيبتك -- موت احمر اتراويني

انده واصيحن يالولد --- آنه أمك وحاچيني

ليش أخطفك مني البين -- خويه اليسرنه ماشين

...................

يحسين وآنه اتحيرت -- بيهن أصبّر چم نوب

دليني خويه اليادرب --- اتجه خويه الياصوب

مدري بعليلك أبتلي --- من علته خويه ايلوب

وانه انچوي ابنار الخيم -- هذا العليه مكتوب

طف كربله جاني امنين -- خويه اليسرنه ماشين

.........................

منين الحزن لختك لفه -- عگبك اظل بالآهات

راح اگضي ايام العمر -- بثوب الحزن والدمعات

يحسين ميعود المضه -- وذاك الزمان اللي فات

من چنتو يحسين الامل -- والامل وياكم مات

من شفت گطع الچفين -- خويه اليسرنا ماشين

.........................

راحوا اخوتي ومابعد --- أعزيزتهم أيذكروني

اعليهم انوح وانتحب-- أمن البچي اعمي اعيوني

مو آنه چنت أمدلله --- يابت علي اينادوني

شلون الهم اعيون وغفت --- وبمحنتي ايخلوني

ياعين دم من تبچين -- خويه اليسرنا ماشين

................

سيد عدنان الحمامي


 
 توقيع : سيد عدنان الحمامي



رد مع اقتباس
قديم 10-16-2016, 07:55 PM   #10
المراقبين


الصورة الرمزية شجون الزهراء
شجون الزهراء غير متواجد حالياً

بيانات اضافيه [ + ]
 رقم العضوية : 465
 تاريخ التسجيل :  Mar 2012
 أخر زيارة : يوم أمس (04:51 AM)
 المشاركات : 5,025 [ + ]
 التقييم :  10
لوني المفضل : Cadetblue
افتراضي



بسم الله الرحمن الرحيم
اللهم صل على محمد وآل محمد الطيبين الطاهرين الأشراف وعجل فرجهم يا كريم


أحسنتم سيدنا هنيئآ لكم هذهِ الخدمة المباركة خدمة أبي عبد الله الحسين عليه السلام
هذهِ الخدمة شرف ووسام غالي جعله الله بموازين أعمالكم إن شاء الله
وأجركم عند المولى محفوظ
نسألكم خالص الدعاء


 
 توقيع : شجون الزهراء

اِلـهي هَبْ لي كَمالَ الانْقِطاعِ اِلَيْكَ، وَاَنِرْ اَبْصارَ قُلُوبِنا بِضِياءِ نَظَرِها اِلَيْكَ، حَتّى تَخْرِقَ اَبْصارُ الْقُلُوبِ حُجُبَ النُّورِ فَتَصِلَ اِلى مَعْدِنِ الْعَظَمَةِ، وَتَصيرَ اَرْواحُنا مُعَلَّقَةً بِعِزِّ قُدْسِكَ. اِلـهي وَاْجَعَلْني مِمَّنْ نادَيْتَهُ فَاَجابَكَ، وَلاحَظْتَهُ فَصَعِقَ لِجَلالِكَ، فَناجَيْتَهُ سِرّاً وَعَمِلَ لَكَ جَهْراً.


رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




Loading...


Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY:
! ωαнαм ! © 2010
سعودي كول