#1
|
||||||||
|
||||||||
فرگه وغيبة احباب
فرگه وغيبة احباب --- وشيحمل الفرگه مسافر يراعي الزود --- رايح بعد متعود وشيحمل الفرگه ***** ياعلي بسيفك وعزمك --- ثبتت أعظم رســــــاله انته للهادي عضيده --- اوساعده ابحربه ونزاله والحرايب إنته إلها --- بيك معروفه البســـــــاله هدّمت لأصنام الكفر--- تشهدلك حنين اوبــــــدر كرّار ماتعرف تفر--- غايتك فـــــــــرض العداله سيفك يحز ارگاب--- ويتعشــــــــــــــگ الملـگه المنّك فرّت حيود --- رايح بعد متعود وشيحمل الفرگه ***** ياعلي وتشهد الحومه --- اشكثر غزوات الخضتها ياعلي وبذو الفقارك --- اشــــگد عصاة اللي جبتها جيوش الافكار البليده --- ابيافكر انتـــــــــه اغلبتها عمرك على الحق ارتهن --- اعله الكفر كثّرت المحن ثبّتت احكام وسنن --- وبصحفها انته كتبتها راية عدل تنهاب --- وبـچفّك الرايه ردت العداله اتسود --- رايح بعد متعود وشيحمل الفرگه ***** ياعلي اُمّة الهادي --- اخلافه بين شر فعلها اتآمرت تحت السقيفه --- من السقيفه اثبت دجلها ما إجت بإيمان صادق --- اجت تتختّل ابضلها الاصحاب ليش اتغيّرت --- انـگلبت عليك اتآمرت واعله الكراسي اتحزّبت --- وعافت الدين الأجلها تدري ابذيـچ الاصحاب --- ماجت لجل صحبه انـگلبت وانته موجود --- رايح بعد متعود وشيحمل الفرگه ***** صارت الأمّـــــــــــه يحيدر --- نهج من منهج كيانك وصرت باابا الحسن ضلـها --- وتستظل كلها بحنانك تســـــهر الليـــل وتعانــي --- ابجلد تتحدّه زمانـــــك للصعبــــــــه تتحدّه ابجلد --- وتفرض عليها المعتقد ماهمّـــــــــك المنهم صعد --- اتربّع ابصهوة مـچانك ابصبرك يداحي الباب --- تتذلل الصعبه يالكسّرت القيود --- رايح بعد متعود وشيحمل الفرگه ***** الزمن يكشف كل سريره --- وكل فكر را يد يهدّم والـــــــــــذي فاقد الغيره --- نيف وثمانين يشتم الموإله صارت ابئيده --- ومنها عالشر گام ينعم الصفين يحملها الجمل --- اضغان واحقاد الجهل تسلب تريد اجمل امل --- اشـچم صنم چان إلها يخدم مجدك يبو الأطياب --- من ينسه مجدك ماينرادله شهود --- رايح بعد متعود وشيحمل الفرگه ***** ياعلي اخلافك الأمّه --- تضيع ياحامي سننها انته واليها واملها --- فـگدك يكثّر محنها ولو رحت عنها يحيدر --- ياهو ينشد بعد عنها اخلافك يحماي الحمه --- توليها الايدي الظالمه المتعلّمه السفك الدمه --- التلعق الدم بلسنها عـگبك تحكم ذياب --- وتجور بحكمها ويبـقه العدل مفقود --- رايح بعد متعود وشيحمل الفرگه ***** ياعلي وبفجر دامي --- اتسللت ائيد الخيانه خضّبت جبهة سجودك --- بطبرة احقاد وجبانه غايته يفرّق الأمّه --- وينهي احكام وديانه جرح اللي صوّب هامتـك --- ايست منّه امّتك وفاطمه چنها نادتك --- الگلبك اتضمّد احزانه تنظر حيدر انصاب --- صوبها مصابه مخضّب تمشي يالعود --- رايح بعد متعود وشيحمل الفرگه ***** ارحلت عن امتك يحيدر --- مخضّب ابدم الشهاده ابيا شكل جازت اتعابك --- التحمل افكار البَلادَه ارحلت وتركت اليتامه --- اللبست الليل وسواده ويّاك اخذها ياعلي ماعدها غيرك يالولي اخلافك يحيدر تنولي ******** اشلون بيها خلاف عينك --- ابيا وضع تبقه اليتامه تبقه مشدوده بمودتك --- وانته عِزْها والكرامه ماتبايع غير شخصك --- ياعلي اليوم القيامه ابعين الله ياحامي الحمه ترحل يـراعي الغانمه مخضّب تشوفك فاطمه وتذرف دموع الملاگه --- وجرحك اتضمده بجرحها *****
آخر تعديل السيد هادي الحمامي يوم
05-11-2011 في 12:01 PM.
|
05-10-2011, 09:18 PM | #2 |
مديــر عام |
احسنت كثيرا سيدنا الجليل
قصيده -- كعده -- رائعه من كتاباتك الرائعه ***** ياعلي اُمّة الهادي --- اخلافه بين شر فعلها
اتآمرت تحت السقيفه --- من السقيفه اثبت دجلها ما إجت بإيمان صادق --- اجت تتختّل ابضلها الاصحاب ليش اتغيّرت --- انـگلبت عليك اتآمرت واعله الكراسي اتحزّبت --- وعافت الدين الأجلها تدري ابذيـچ الاصحاب --- ماجت لجل صحبه انـگلبت وانته موجود --- رايح بعد متعود وشيحمل الفرگه مرة اخرى احسنت كثيرا واجدت مرة اخرى اسئل الله لك العافيه لتواصل هذه الخدمه المباركه لمحمد وال محمد ص تحياتي ودعائي سيدنا |
|
05-11-2011, 12:07 PM | #3 |
عضو مميز
|
|
|
05-11-2011, 01:12 PM | #4 |
المراقبين
ya hussien
|
بارك الله بكم وجزاكم الله الف خير
على المشاركة المميزة لكم مني كل الشكر والتقدير اخوكم |
|
|
|
|