وفاة الكاظم ع .. مثل عاشور .. باللطم نحي اليالي الكاظميه

........
للكاظم ع
......
المستهل
....
مثل عاشور .. مثل عاشور .. باللطم نحيي اليالي الكاظميه
مثل عاشور .. مثل عاشور .. تحظر بكل موكب الزهره الزجيه
........
نحزن ايكون .. بدمع العيون .. للحزن ننصب مآتم للمصيبه
الكل يحضرون .. واليلطمون .. عالغريب اللي مثل عمته الغريبه
تغّرب الكاظم ولايمه العشيره
لاسئل واحد ولايعرف مصيره
بالسجن لاذنب عنده ولاجريره
مصيبة الكاظم تره مصيبه چبيره
كل حياته .. كل حياته .. بالسجن وتحومي فوگاه المنيه
............
الكل تواكب .. هالمواكب .. هاليالي والحداد امسه عليها
شگد مصايب .. أي يغايب .. منو غيرك هالمواكب يمر بيها
جدك ألكاظم عليه أعلن حدادك
والدمع لوردت تبچي من فؤادك
تاخذ بثار ابن جعفر هوه رادك
يمته وبسيف العدل تاخذ مرادك
يومك أنشوف .. يومك نشوف .. سيفك ورايتك رايه حيدريه
......
بينه آهات .. دموع جمرات .. عالذي خلص حياته بظلم هارون
شكثر حسرات .. بچي ولوعات .. مقيد بقيد الحديد بسجنه مرهون
محّد الكاظم اجاه لانشدوا اعليه
قاسي سجانه ولاذرة رحم بيه
من عذابات وغصص خصمه يراويه
راد أبنه الرضا يحظرله ويواسيه
شدة القيد .. شدة القيد .. مقيد قيود الذي راحت سبيه
.......
طاغي خصمه .. مايرحمه .. بقيده من البصره جابه السجن بغداد
حُفره ظلمه .. سنين ظمه .. وهوه رحمه للخليقه وباب المراد
خصمه بقصور وغواني وعنده غلمان
مسامره ويه الجواري وليله سهران
بحور عنده امن الذنوب وبيها غرگان
هوه حسباله يدوم ويبقه سلطان
طاغي مغرور .. طاغي مغرور .. تالي كل طاغي تلعنه هالبريه
.......
صلفه عينه .. گبره وينه .. راح هارون أندثر ماله مكانه
كل سنينه .. كلها شينه .. باچر بأفعاله من ينطق لسانه
هالطغات أتشوفهم عبره يصيرون
لاخدم لاحشم تشفعلك يهارون
حتى گبرك وين صاير بي ميدرون
وشوف گبر الكاظم شكثر اليزورون
هالملايين .. هالملايين .. كلها زوار لأمام الرافضيه
.......
بسجنه عابد .. يومه ساجد .. للصلاه فارش عباته بضوه الشمعه
الله شاهد .. عمره زاهد .. خاشع لالله بخشوعه بعينه دمعه
هذا موسى وين هارون وقصوره
راح سلطانه وزمرته انتهه دوره
ثمن مناير ابن جعفر شوف نوره
گاضي الحاجات للناس التزوره
باب المراد .. باب المراد .. أمن أيده من اطلب يخليها بديه
....
سيد عدنان الحمامي