|
#1
08-13-2016, 10:22 PM
|
||||||||||
|
||||||||||
متفرقه ---- متفرقه ---- متفرقه
للعليله
--- المستهل ---- من گلبي يشتاگ --- يجرحني الفراگ يابويه يحسين --- هالسفر لاوين يجرحني الفراگ ....................................... عليله --- أظل بالدار محتاره بظنوني أحسّب --- أگولن خاف احبابي نسوني أناطر --- بسلامه الدارهم اهلي يجوني الصورهم --- تظل تشتاگ كل لجظه عيوني يالماخذ احباب --- ليطول الغياب گولوا يطيبين --- هالسفر لاوين --- يجرجني الفراگ .................................. أريدك --- يبويه بعازتك طفله بعدني رجائي --- اريد اطلب طلب بس لاتردني اخذني --- تره اوداعك يبو الاكبر مردني شگولن --- لوّن خطارك اعليكم نشدني وشرايك بهاي --- يا أمل دنياي تنشدكم العين --- هالسفر لاوين ---- يجرحني الفراگ .................... يروحي أصبرچ ياصبر ومنين اجيبه يگلبي --- يفت الصخر من يشتد نحيبه يعينه --- يعين الله الذي يفارگ حبيبه بعدكم --- أنه بداري وأحس روحي غريبه أخذوها للروح --- ماتحمل جروح لاجرح جرحين --- هالسفر لاوين --- يجرحني الفراگ ...................................... زماني --- أنه شسويت يحرمني زماني سفركم --- تبعدون بسهم فره رماني هجركم --- آنه ازغيرة گلب ومنين أجاني حنينه --- عليكم وألمن ابديله حناني حزني مينقاس --- عمي عباس وفراگك منين --- هالسفر لاوين --- يجرحني الفراگ ......................... يعمي --- يبو فاضل عليله شرايك بهاي مترحم --- تفارگني أويه أخوتي غصب دنياي دموعي --- جمر عالخد أحسّن دمع عيناي لهفتي --- تموتني أمن أحن عالچانوا أوياي عفتوني بالدار --- أتنطر أخبار يا العني ماشين --- هالسفر لاوين --- يجرحني الفراگ ............................ لتمشون --- أشوف الدنيه چن صارت مكدره اريده ---- يظل عبد الله لگليبي يصبره تكسره ---- يبويه الخاطري لا لا تكسره روحي التودهم --- بالهم بعدهم ياعيني تبچين --- هالسفر لاوين --- يجرحني الفراگ ............... سيد عدنان الحمامي ................................................ ؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ أم البنين ع ............................ المستهل ..................... بنيني اربعتكم --- برضاتي ودعتكم يويلادي --- يويلادي أسمعو هالوصيه --- تجازون الزجيه يويلادي --- يويلادي ..................... آنه أمكم شگد جاهدت بربايه وكل يوم احصنكم يولدي بآيه ومن الفخر بيكم زهت دنيايه چانت الي نصرت حسين الغايه وصيه من ابوكم --- تطيعون أمر أخوكم يويلادي -- يويلادي كواكب هاشميه --- تجازون الزجيه يويلادي يويلادي ......................................2 ياللي بوفاكم ولدي رفعة راسي بخوتكم يعرفون اهلي وناسي تبيضون وجه أمكم وهذا احساسي صلبين لو جار الزمان القاسي ذخر ولدي ردتكم --- تحرسون لأختكم يويلادي ---- يويلادي العقيله الهاشميه --- تجازون الزجيه يويلادي --- يويلادي ...................................3 بيكم اتباها بكل وكت خلوني اولادي انتم هالضوه لعيوني تعبت برباكم هالعمر تدروني توفون للزهره الي تجازوني يهيبه ورفعة الراس-- اريد اتباها عالناس يويلادي --- يويلادي يفرسان المنيه --- تجازون الزجيه يويلادي --- يويلادي ........................................4 أعرف مخاطر والدرب مو مؤمون وأدري بعد لو رحتو لا متعودون بس للحسين أرواحكم فدوه أتهون وبدم مناحركم اريد اتضحون يالبدور بوفاكم --- تضحون بدماكم يويلادي -- يويلادي الوفي يوفي أخيه --- تجازون الزجيه يويلادي يويلادي --- يويلادي ...........................5 هالرايه الكم حيدره خلاها وفوگ الجماجم لو غزه خلاها وبكل حرب يمشي النصر وياها لعباس من ازمان هوه انطاها يعباس وچفوفك --- تضحيهن أشوفك يويلادي -- يويلادي ولاتبخل عليه --- تجازون الزجيه يويلادي -- يويلايد ..................................6 شموس الثلاثه اويه الگمر ودعتهم واحد بعد واحد أجت باستهم لليوم هذا امهم الرادتهم آخر وداع ومابعد شافتهم وداع الودعتهم --- تضحي باربعتهم يويلادي --- يويلادي تطالب هالوفيه --- تجازون الزجيه يويلادي --- يويلادي ........................ سيد عدنان الحمامي .................... ........................ ....... للأكبر ع ........ ..... المستهل ........... ودعي الاكبر يليله ---أبخيمتچ روحي اندعيله وآنه أودعه --- بعيني دمعه -- راح اضيعه ................. حسين گلها ودعي الاكبر وأندعي الله ينصره وحالچ بعينه الرحيمه الله بالرآفه ينظره وگلبچ المكسور هوه الخالقه ابلطفه يجبره أدري ابني هذا يومه ينختم ياليله عمره الله بالرحمه يشوفچ --- رفعي للباري چفوفچ وليدي رجعه --- بعيني دمعه -- راح اضيعه ....................2 ويه الحسين بدمعها ليله وتسولف حزنها تدري راح ايروح الاكبر دامي لفراگه جفنها أتگله يحسين أشمصيبه الينفگد غاليها منها كلفه عالأم ولله كلفه من يودعها ابنها للمنيه شلون اعوفه --- مابعد عيني تشوفه هذاي فجعه --- بعيني دمعه --- راح اضيعه ..........................3 ودع حسين الحبيبه صعبه اليودعله غالي ياخذ اوياه كل حياته وليده و اتعاب الليالي وأم الأكبر تبچي صاحت يبني ماترحملي حالي ياثمر جهدي وحياتي ومهجتي وتعبي ودلالي روحتك تهظمها لمك --- يبني بعيوني اظمك الدربي شمعه --- بعيني دمعه --- راح اضيعه .............................4 دنيه هاي اللي مترحم تبعد الخل عن خليله حسين مايحمل فرگته وليده لوغايبله ليله أبنه الأكبر مهجه هوه عايش ابنبظة دليله ضامي الاكبر ماي ماظل منه ويبرد غليله للحرب ضامي مشاها --- ومهجته يسعر لظاها ابچبده لوعه --- بعيني دمعه --- راح اضيعه ...................................5 ظل الحسين بدعائه يدعي لوليده ابسلامه امن البعد صد نظره شاهد عسكر امحشد أمامه للنصر رايح يجيبه شبل ابو اليمه كلامه ومن نزل ميدانه ضامي مارجع بعد الخيامه عالبعد تنظرله ليله --- سلمّه يارب تندعيله لأمه رجعه --- ابعيني دمعه --- راح اضيعه .............................. 6 بمصرعه طاح ويشوفه والده ودموعه تجري يبني يالاكبر اشوفك عالوطيه بتالي عمري وبعدك العباس عمك ينكسر لمصابه ظهري وآنه وحدي من بعدكم راح أظل وبهاذي ادري لا اخو الحالي يواسي --- وعالرمح تاليها راسي مالي فزعه --- بعيني دمعه --- راح اضيعه ......................... سيد عدنان الحمامي ........ ................. النجف ولاية امير المؤمنين علي بن ابي طالب ع -- -- النجف ولاية امير المؤمنين علي بن ابي طالب ع -- -- ................................ النجف آيه وبوسط قرآنها الگمر يسجد والشمس بحظانها ................... النجف هاي النجف بلقيس الزمان بيها اليأذن بلال ابكل مكان حتى اليدفنوه أيحس بيها باأمان ونوح وآدم بعد من سكانها .....................................2 عاف صالح ناگته وبيها استقر وللنبي هود بنجف حيدر اثر أثنينهم ناموا أمن اتعاب الدهر النجف عدهم اجمل أمن اجنانها ..........................3 عالنجف جبريل يوميه يحوم فارش اجناحه ويصلي اويه النجوم بيها آدم غفه مايرضا يگوم يگول خدي اتبرك بتربانها ...........................4 يجي رضوان أويه حوره امن الجنان يم علي وياخذ المحصل أمان ومالك ايبرد النار أويه الآذان لمن يسمع ينذكر سلطانها ...................................... 5 النجف قدسيه لها عند الجليل بيها عطّر جبهته وصلّه الخليل ولليريد الجنه صارتله الدليل بصك أمان أمن الدحه بيبانها ...................... 6 اليندفن برض النجف بخته چبير مايخاف بحمه حيدر من يصير بلحده من اينام ابدن مايحير بيا علي ينطق الموته السانها ................................... 7 الله اوجدها أمان الكل محب والشفاعه بعلي مغفور الذنب وبالحشر يروينه من كوثر عذب وتخمد بحب حيدره نيرانها ...................... 8 بيها ناس النجف حيرت للعقول بصوتها كل طاغي لوصاحت تزول المجد هوه أيگول مو آنه الاگول أرجال بيها انعرفت بميدانها ..................... ناسها بسوح النظال أمجربه عالجهاد بكل زمان امدربه أحزام متحزمه أمن أصحاب العبه ومن علي حملت شرف عنوانها ............. بهل المدينه ارجال وأسياد العلم ومن رحمها انولدت أشراف الزلم نجف الاشرف يافخر هذا الاسم بيها سلطان لأنسها وجانها ........... سيد عدنان الحمامي .................... ................ ,............................ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ للشهداء ........... ............... المستهل ........ وداعة الله --- گلوبنه خذتوا ومشيتوا وداعة الله --- ننتظر بس ما أجيتوا صعب الغياب --- اي يالاحباب ننتظر بس ما اجيتوا .................... ياشباب الماتهنوا راحوا بعمر الورد كل شباب أمه برباها تحسب ايام وتعد تقره ياسين اعله وجهه وقل هو الله وألحمد چانت بعمره وشبابه أمل عدها تنسعد راح عمره --- وحزنت انجوم اليالي راح عمره --- كل عزيز وچان غالي وياكم اعتاب --- اي يالاحباب ننتظر بس ما اجيتوا ,,,,,,,,,,,,,,,,,,,,,,,,, ليش عين الدنيه صلفه وتاخذ أتعاب الربه من صدرها الام لبنها شگد حنان اتشربه ليله لو متشوفه ابنها الگمر هذا اتعاتبه تگوم تتوسل بالله تشوفه واصحاب العبه وينه ابنچ --- الها ينشدها گلبها وينه ابنچ --- تمشي ومتيهه دربها شعظم المصاب ---- اي يا لاحباب ننتظر بس ما اجيتوا .......................... فگدت اوليد وتدور بالمگابر ياگبر يمه ترتاح بحزنها وتعلگ شموع العمر يمه برد گلبي يبني الشوفتك ماضل صبر گوم يردنك خواتك مايقبلن كل عذر واليريدك --- عذر ماينفع تعذره واليريدك --- مهجته الشوفتك جمره نفضوا التراب ---- اي يالاحباب ننتظر بس ما اجيتوا ............................................. گلوبنه امن الشوگ الكم كل گلب بينه رجف والحنين اليهز بينه مثل هزات السعف صرنه بس نبچي عليكم نصفگ الراح بوسف وكل زياره نريد يمكم من نجي انزور النجف الكم اشتاگ --- هالهوه الچنتم تشموه الكم اشتاگ --- هالدرب من چنتو تمشوه شنهي الاسباب --- اي بالاحباب ننتظر بس ما اجيتوا ............................. هاجت أشواگ المحّنه للذي فگدت ظنه تنتظر چانت تزفه تريد صار اشچم سنه تفرح واهالفرح ماتم عالأبن گبره انبنه الموت اجاه مو وكته بعده بسرعه هالموت اعتنه بگبره نايم --- أحله من الگمر رسمه بگبره نايم --- عله ترابه خدها أمه شحلوا هالشاب --- اي يلاحباب ................................... وينها الشيعوا ابنها وبالنجف من دفنته هم مثل ابني ابنها اله امحضره حنته هم تريد بعرسه تفرح ويه أخوته بزفته أوياه عمامه وربعه كلهم اله علگوا شمعته مافرحنه --- بيكم واسود لبسنه مافرحنه --- نبچي متسمعون حسنه الدمع ينساب --- اي يالاحباب ننتظر بس كما اجيتوا ................... سيد عدنان الحمامي .......................... ............................................ ....... للعباس ع .............. المستهل .......... بالشهامه انته آيه --- خويه يانسمة هوايه ويه أمك آنه أباريلك عمر شكثر دللتك يعباس شكثر يبو فاضل --- يبو فاضل ...................... ياگمر خوّه بسمائي عاشت اوياك الشمس بيت واحد من جمعنه بالحنان وحُب نحس من محبه وعطف ابويه ويه أخوتي نلتمس بزغرك وبيك الشهامه طيبه تملكها النفس بيك كل خصله أمن اشوفك --- نشمي مكتوب بچفوفك بليل همي من اعاينلك بدر شكثر دللتك يعباس شكثر يبو فاضل --- يبو فاضل .............................................2 عشت هاي اسنين عمرك أبد متفارگ الي گمت اتباها بمقامك بين ناسي وكل هلي بهيبتك مهيوبه آنه ومن تگول ادللي بوجهك انظر عيني لمن خويه تشتاگ العلي أكبر أمن الكون گلبك --- الي بگد الدنيه حُبك چنت من انخاك متقدم عذر شكثر دللتك يعباس شكثر يبو فاضل --- يبو فاضل ...............................................3 تذكرت فد يوم انته ويه ابويه بالحرب أسد متهمه الجيوش او لاكتايب من يطب شلون عالفرسان وحدك لمن اگطعت الدرب وعيني من تتاخر انته اعليك ينشدني الگلب بيك اشم عطر الأخوّه --- وغيرتك ويه المروه ومن صبر گلبي چنت تاخذ صبر شكثر دللتك يعباس شكثر يوب فاضل --- يبو فاضل .........................................4 ويه الحسين امن اشوفك گاعد بهيبة جبل وچان اخوك حسين ينظر الك وبعينه الامل انته تحمي حد خواتك لو المايرحم وصل وگالّك فد يوم اختك زينب بشيمة بطل وآنه مطمنه أخويه --- كل صفه عنده امن أبويه بالحرب كرار مثله من يكر شكثر دللتك يعباس اشكثر يبو فاضل --- يبو فاضل ........................................5 چنت متفاركني خويه وحُبك شكبره بعد وچنت اگولن يوفي تعبي وأبد مايخلف وعد صدگ لن يوم الطفوف وأنته باقي عالعهد كفو ماقصر أخويه ولاخلف وعده أبد انطيتني ياخويه عينك --- ايسارك فديته ويمينك وبوجودك ماگدر عسكر يمر شكثر دللتك يعباس شكثر يبو فاضل -- يبو فاضل ..............................................6 ظلت الحسرات بيه من رحت ماعودت ولا گلتلك ماي اريد وكلشي منك ماردت للحسين امشيت گلبي يرجف اعليك أنشدت گال أخويه عالشريعه يمه بدموعي أكعدت گمت اواسي حسين اصبره --- منكسر ياخويه ظهره وگلبي مكسور وبعد ماينجبر شكثر دللتك يعباس شكثر يبو فاضل --- يبو فاضل ----- سيد عدنان الحمامي ................................ مناجات للحجه عج ................... المستهل .............. بينه الگلوب --- بذكرك تذوب --- اي يمحجوب سيدي بُعدك كلف ارموشنه گامت ترف نشعر بجية الولف ---- شگد نحبك ....................... 1 ياحبيب اليرف جفني بس اله وبكل فرض وعيني كل لحظات عمري اتدّور بهاي الارض وگلبي يبحث كل مكان بطول هالدنيه وعرض يمته امر الله بظهوره عالوسيعه ينفرض ياخذ الثار --- لأهله ألاخيار --- من الاشرار أعيونه جي تنتظر يطر للغايب فجر بهاي لا مانختلف --- نشعر بجية الولف ---- شگد نحبك ......................... وين سلطان الوجود أو وين ننشد ديرته وبدعاء الندبه تدعي بالصلاه كل شيعته چفوفها ترفع يربي أعلينه طالت غيبته ننتظر ياجمعه بيها يظهر النه برايته الها فد يوم --- هاي النجوم --- تسجد اتگوم تسجد ل لألله شكر تسمع أمن الله الامر الكون هذا يختلف --- نشعر بجية الولف --- شگد نحبك ................................ وين يمسافر بعيد ويادرب شخصك سلك تدري يالغالي علينه أگلوبنه اغيابك هلك مدري يايوم النشوفه سيفك ايدير الفلك ننتظر بالسهله يومك عاصمه الكوفه الك مايظل خوف --- الوادم اتشوف --- ارجال وسيوف ينتظر عيسى الوعد خلفك يصلي بعد النور وجهك يرتشف --- نشعر بجية الولف --- شگد نحبك .......................... حكمة الله الغيبه محد يعرف الها ياوكت شلون صابر عالمظالم ونته بعيونك شفت من كثر غيبتك طالت بينه شامت يشتمت غايب الكم گال وينه وهاي اظن بيها اعرفت شما يگولون --- مايبصرون --- عميه العيون رغم عنهم نصطبر الوجهك ايهل البدر أمل عدنه مايخف --- نشعر بجيسة الولف ............................. فاطمه الزهره تريدك أحنه نصبرلك بعد تگول ثار الضلع يمته وشوكت يوم الوعد وأبني الحسين اليذبحه من عله صدره صعد وثار عبد الله بنبلته لسه باقي بالمهد ودع الروح --- ظامي مذبوح --- خلّف جروح رامي من صابه بسهم بيه عبد الله انفطم موقف الماينوصف --- نشعر بجية الولف --- شگد نحبك ..................................... ياعزيز الزهره يامن ليك زينب تنتظر وعالشريعه اهناك عمك دمه للساعه البدر طلبوا الماي الطلبهم ابد لا مايعتذر وچفه بي راية محمد الها انت منذخر ضحه چفين --- ونورها العين --- النصرت حسين وجاسم أمه بالحزن وليله للأكبر تحن دمع لساه مايجف --- نشعر بجية الولف --- شگد نحبك ....................... سيد عدنان الحمامي ___________ ................ ................. للعباس ع ......... المستهل .......... لتروح انريدك ظل يمنه --- چفوفك ياعباس اتلمنه هيبه بجالك --- هاي اعيالك ...................... ظل يمنه يخويه او لاتودعنه تدري لو رحت بالهم تظيعه وجودك يمنه ياعباس اله معنه غيرك بالشدايد ياهو يسمعنه عباس ارحم دمعة عيني --- دهري اخلافك شيراويني أمأمنه بجالك --- هاي اعيالك .......................... يعباس الحراير انته واليها ماترضه لو ظيم ويمر بيها ألمن لو رحت ألمن تخليها اوياك اتظل عزيزه من تباريها يالرايح للماي بجودك --- مهيوبه اعيالك بوجودك ويه اطفالك --- هاي اعيالك ............................. ياهيبة اهلنه ويا أمل دنياي خلينه بعطشنه مانريد الماي أخاف اعداي ماترحم اخاف اعداي باصرني بعد شتگول انته بهاي يالعايف بخيامه اعياله --- شيرد هجمات الخياله تظل تبرالك --- هاي اعيالك ........................... سالم لو رحت ترجع الي سالم گلبي شلون يحمل لومة الايم الك عيني ودليلي ياگمر هاشم مايرحم عدوك لو هجم ظالم لو شافوا لا رايه اعلينه --- عدوانك ماترحم بينه هم يرضالك --- هاي اعيالك ........................................... رقيه تريد ماي وخايفه اتخبرك تتحمل عطش سالم يظل عمرك وسكنه اعله البعد متوجله اتنظرك تخاف العسكر اعله المشرعه ايغدرك يالطاحت عالشط چفينك --- والرماي ايصوب عينك من عذالك --- هاي اعيالك ............................. تعال وشوف يبن الوالد شبينه بيد المايخاف امن الله ظلينه لاسيف الذي بهل اشده يحمينه يسبع الگنطره خويه انگطع بينه راحت ياعباس اخيمنه --- بالخوف ومحد يرحمنه غاب اهلالك --- هاي اعيالك ...................... سيد عدنان الحمامي ......................... ____________ .............. بما ان الجواد ع دفن بجوار الامام الكاظم ع كان هذا الموضوع .. ,,, يالكاظم دمعتك خلها هماله أتلگاه للجواد وعين الحاله .................. يالكاظم دموعك خل تهل اليوم وبحرگة گلب عاللي گظه مسموم والبس للحزن سوده المصابه اهدوم واگعد لو ردت يالكاظم أكباله ...................... أگباله تگعد ونشده شنو الاسباب وبعينك تشاهد چبده بالسم ذاب ماتنفع ملامه ولايفيد اعتاب سم النال چبدك چبده هم ناله ....................... اتلگاه للجواد وياهظم عنده ابكظم الغيض اجاك ومنگطع چبده شوف الياسبب والياجرم نشده بالسم هالخصم ياوسفه يغتاله ..................... يغتاله عليمن سولف انته اوياه هم مثلك قساوه راوته دنياه مثل ماتنغدر هذا الغدر يدناه يالكاظم ومثلك غيبوا اهلاله ...................... اهلاله غاب وانصب للحزن مأتم يالكاظم ومنكم ياچبد يسلم لو بالسيف لو بالينچتل بالسم لو من الذبح ماتسلم اطفاله ...................... بهذا الحال واحكم بعد واحد بني أميه وظلمهم للوكت شاهد الجرايمهم كلمن يطلّع رايد ينشد كربله اعله حسين وعياله ...................... ورثوها البني العباس اعاديكم أخذوا من بني أميه الظلم ليكم كلها اتجمعت بحقادها اعليكم ومنهم للجواد اليوم چتاله .................... سموه للجواد ومن گبل سموك يالكاظم أسنين وبالسجن خلوك بالسم غدرته هالوادم الغدروك ودلاله تفطر مثل دلالك ........................... سيد عدنان الحمامي ...................... -- فكد الوالد -- ..................... ---- المستهل ..... الفاگد عزيز أشگد صعب عالگفد والي مثل الابو مايلتگه والابو غالي لوالده ايظل الابن --- اله مشتاگ ويحن --- الابو غالي ........................ آ يالفراگ --- ياهو يحمل فرگة اعزيز وغيابه عينه تشتاگ --- ألشوفة الوالد يظل گلبه بعذابه لهفه ودموع --- جفنه وبدمعة حزن يصبح خضابه بعازته ايظل --- بهيبته كل ابن هالوادم تهابه السجاد من وحده يظل من بعد الحسين سنين ودمعته بكل فرض تجريها هالعين جفنه بدمعته مرتهن --- اله مشتاگ ويحن --- الابو غالي ................................. 2 الابو لو راح --- خالي عند اهله يظل خالي مچانه تبقه الابناء --- تريد من عنده عطف گلبه وحنانه شمعة الدار --- لو طفت يشعر الكل فاگد امانه حكمه تنگال --- مغفره حُب الأبو أمن الله ظمانه والهادي من بعد الجواد ايتيم خلاه بالدمعه من يذكر ابوه مالحظه ينساه ولايغمض العينه جفن --- اله مشتاگ ويحن --- والابو غالي ................................3 حگ علينه ألأبو من أيموت لامنقصر أوياه الله وصه --- لاتقل أفن لهم قوله سمعناه رفض الاعذار --- لا عذر لولاده لو گالوا نسيناه من الايمان --- الوالدين انطيعهم هالامر طعناه كل ولد صالح للأبو لازم يجازيه لو فرض مطلوب الفرض واجب نوفيه بالمغفره تدعي اللسن --- اله مشتاگ ويحن --- الابو غالي ..................... كل أبن بار --- الوالده رحمه تجي وبطيّبه الافعال رحمه تنزل --- يفرح بگبره لمن تهديله الاعمال يظل محتاج --- فاتحه تقراله يسمع للاجر نال أتصدق أعليه --- بعمل خيري وأبذل ولاتبخل ألمال كلمن تصدق عالأبو توصل الگبره هنياله كلمن للأبو يوفيله نذره الخير بولاده يظن --- اله مشتاگ ويحن--- وألابو غالي .................. أمر وارد --- الرحم موتاه الله بلطافه يرحمه عدنه معروف --- السعه خير لأهله بارينه يسلمه يعمل الخير --- وشمل اخوته بطيبه وبعطفه يلمه الاخو الصالح --- لايجيب لأهله مكروه ومذمه خوة گمر هاشم مثل صارت للأجيال نقتدي بيها ونلتزم وبكل الأحوال ونحصل الجنة عدن --- اله مشتاگ ويحن --- والابو غالي .......................... بسم الحسين --- نظل نوفي نذورنه لأمنه وأبونه وبسم عباس --- تبقه خوتنه عزيزه ويه أخونه انجازي الأتعاب --- وندعي الله ايسلم لكل أم حنونه نعمل احسان --- نوگف بكل شرف لو وادم نخونه يجمعنه حب حيدر علي اويه الناس الاطياب كل أحنه أخوه ابلا فرق بالمجلس أحباب والباري بالرحمه يمن --- اله مشتاگ ويحن ---- والابو غالي .......................... .......................ا. عترة الحق--- ياهو موت الله يموت ابلا شهاده وعلي الهادي --- عالابو تلتهب جمرات افؤاده الكاظم اليوم --- مصيبه عنده وأعلن الليله حداده بثوب الاحزان --- عالجواد وناشر اللفگده سواده للكاظم بهذا المصاب انشارك اوياه غير أحنه ياهو اللي اجه بمصابه واساه والدمع مثل المزن --- أله مشتاگ ويحن ---- الابو غالي .......................... يبو صالح ---- ويانه خليك بعزانه هالمسيه ندري حاضر --- بهذا مآتمنه وتجي اوياك الزجيه كل عزه ايصير --- ابد مانتفارگ أوياكم سويه وغير حبكم --- ابد ماعدنه يغايب كل هويه عدنه عهد اي للابد نحيي الشعاير واحدنه جون وعابس ابتضحيته صاير لحسين وبجنة عدن --- أله مشتاگ ويحن --- والابو غالي سيد عدنان الحمامي سيد عدنان الحمامي .................................. ........................ -- ......... المستهل ........... كل الزلم --- عدهم علم هيبه الاخو الخواته وعباس ألي --- بهيبة علي نشمي وسبع صفاته يضي عيني ---- يضي عيني ................................. 1 عندي اخويه المامثل شخصه بصفاته أغله من روحي وعزيز وياغلاته مايردهن طلب لو طلبن خواته سمح ويانه وكريم وطيبه ذاته من الأبو ---- عزم الأخو من حيدره الفراسه صادق عهد --- يوفي الوعد يقدس الوفه قداسه يباريني ---- يضي عيني .............................. 2 حگي اتباها الخواته ايحن عليهن خاف محتاجات شي ينشد يجيهن ابد مايرضه لون مرّ ظيم بيهن عالهوه يغضب لون حرك عبيهن مثل الفحل --- لو له زعل حيدر علي تشوفه شنوصفه --- وعنده الوفه ناذر الي چفوفه يناديني ---- يضي عيني ............................................3 أخويه من أبويه رفعة الراس شجاعه العنده منها أتعجبت الناس عطوف ومن علي يتملك احساس يگلي الچ فدوه ايروح عباس وخصله بعد ---- مثل الأسد سوح الحرب تهابه وأخت البدر --- بي تفتخر بي شافت الصلابه يسميني --- يضي عيني -- ...................................4 أساعد أمه من چانت تربيه ومثلها هم چنت بعيوني أباريه عزيز أختك يبو فاضل أناديه يبوس ايدي أمن اجي يمه واحييه صار الگمر ---- حزام الظهر لحسين اخويه ايسنده طف كربله --- أمن ايزلزله عسكر بوحده ايرده شينسيني --- يضي عيني ..................................5 چنت وياه اسولف مره بالبيت يمهيوبه باخوچ ايگلي وبچيت واذا فد يو گتله بحيره ظليت شسوي لو ألك ياخويه حنيت اي يابدر --- شنهو العذر لو اختك ابلا والي يوم المحن --- تبچي اظن لمن تشاهد حالي وتواسيني ---- يضي عيني ............................. 6 صدگ يوم الطفوف اتفارگ اوياه وادور عالنهر وأهناك الگاه نظر عينه السهم للنظر طفاه واعاين رايته ويسرته ويمناه وجهي الطمت --- لمن شفت سهم الطفاها العينه راح السبع --- واجري الدمع بدمعي اغسلت چفينه يبچيني ---- يضي عيني ................... سيد عدنان الحمامي .......................... ........................... ......... عبد الله الرضيع ع ..... .......... المستهل .......... يظامي بالمهد يبني --- عطش گلبك يعذبني حزن خيم يعبد الله --- تعيش أحلم يعبد لله ............... جرحني --- ذبحني --- سيف اظماك يعبد لله غدر بيه أكابر ---- اصابر --- تمر لحظات صعبه وقاسيه اعليه بحسرتي --- بعبرتي ---- أخاف الموت يبني انجيب طاريه يضنوه ---- يسلوه ---- يمحروم وهذاك الماي جاريه وجهك شاحب اگبالي --- ذبلت زهرة آمالي تتالم يعبد الله --- تعيش أحلم يعبد الله ............................2 يغالي --- اليالي---- مارحمت زغر سنك يشمامه تعاين --- واعاين --- اشوفك بالمهد لا ليلك اتنامه زماني --- بلاني --- يمظيوم وصرت وياك منظامه ينسمه --- وأشمه --- يموت اللي يموت اوليده جدامه يثمرة روحها لمك --- يوردة عمري واشتمك قهر والهم يعبد الله ---- تعيش أحلم يعبد الله ........................................ 3 صبرتلك ---- سهرتلك ---- أنام شلون ونته بالمهد ظامي شحاسب --- شعاتب ---- أگول شبيدي مني ضاعت احلامي حناني --- خذاني ---- يم بحر البواچي والجفن دامي قهرني ---- يمرني --- عليك الموت أشوفه يحومي جدامي عليك أمن الگلب وني --- اموتن لو رحت مني فلا أسلم يعبد لله --- تعيش احلم يعبد لله ...................................4 يحرمك --- من امك --- حليب وماحصل والماي شح يبني أكابد --- وتكابد --- يعبد الله وأحس عينك تعاتبني أواسيك --- أرويك --- بدمعي وهالدمع ارويك خيبني أصبرك --- واعذرك --- بيك اقبل ييمه من تعذبني تموت وهذا احساسي --- تشيب لو رحت راسي نهاري أظلم يعبد الله --- تعيش أحلم يعبد الله ........................... 5 اناغيك ---- أحاچيك --- وبعيونك بعد متشوفها لأمك ونيني --- وحنيني --- ولاچني بحنيني گاعده يمك دمعتي --- بلهفتي --- الك ملهوف صدري ورايد ايظمك رحتله --- وگلتله --- بلچي الماي يجبه أمن النهر عمك يرد عباس ننتظره --- عمرك سالم وعمره أظن تعلم --- يعبد الله --- تعيش أحلم -- يعبد الله ....................................6 اضيعك --- واودعك --- روحك للمنيه چن تسلمها يذخري --- يعمري --- بعد نزفت جروح الروح شيلمها يروحك --- بجروحك --- المنيه المهجتك يوليدي تفطمها بعذابي --- بمصابي --- تعوف امك حزينه وگابعه بهمها يتعبي وياسهر ليلي --- بيه شلون احچيلي ردت تسلم يعبد الله --- تعيش أحلم يعبد الله .................... سيد عدنان الحمامي ............... .......... ....................... زيارة الحسين ع ................ زيارة الحسين ع .............. يالتزور حسين أخذ روحي اله وخلي بس اتشم هواها الكربله ..................1 يالتزور حسين اصبر لاتروح أخذ من گلبي أخذ هاي الجروح يصير أگضيها بدمع وأبچي وانوح وما أزور حسين من دون المله ..............................2 يالتزور حسين بس ادعي الي وبالنيابه اتزور عني وعن هلي شكثر روحي اتلوب ملهوفه وعلي بيّها شوگ اچبير بلكي اتوصله .................................3 بروحي شوگ وشوگي لا ماينوصف وتدري عشگ حسين عالعاشگ كلف من اذكره ايگوم گلبي يرتجف والعشگ لحسين الله أمحلله ............................4 بكثر ما مشتاگ احچي اويه الدموع وأحس گلبي ينعصر بين الضلوع أبد مايسكن الي بفراگه روع وعيني متكف الدموع السايله .....................5 آنه حبيته بسوادين وجنون صعبه مازوره وعليّه ماتهون بلچي ألله يآمر الكن فيكون ويم الحسين اليحبه ايوصله ....................6 آنه اتغنه لأن عندي حبيب حتى من امرض فلا أمشي الطبيب بس زيارة وارث أقراها أطيب الي ثوب أم العوافي ايفصله ..........................7 الله هوه ايحب للحسين اليزور باب رحمه اله ويوفي النذور ولله دم گلبي عليه صاير يفور يمته أمشي اويه اليزوره بقافله ...............8 أخذ عمري أوياك لحسين أفتديه وخبره عندك محب متودي عليه جاي اشوف الدنيه كلها تعتنيه وبيهم ايمرحب أيگلهم ياهله .................. سيد عدنان الحمامي ............ ........... ................................... وفاة الجواد ع ............. ............. ................................... وفاة الجواد ع ............. ............. المستهل ........... دنيه مابيها أمان --- حكمه يرويها الزمان حكمه يرويها الزمان --- دنيه مابيها أمان بيها كل غالي يروح --- هاي من آدم ونوح دنيه دنيه ........................... آ يالفراگ ---- ياهو يحمل فرگة أعزيزوغيابه عينه تشتاگ --- اليفگد الوالد يظل گلبه بعذابه لهفه ودموع --- جفنه وبدمعة حزن يبقه خضابه بعازته يظل --- بهيبته كل أبن هالوادم تهابه أبن ويودع أبوه --- أخو ويفارگ اخوه أخو ويفارگ أخوه --- بيت ويودع ابوه بيها بس نزف الجروح --- هاي من آدم ونوح --- دنيه دنيه ................................. الابو لو غاب --- خالي عند اهله يظل خالي مكانه تبقه الابناء --- تريد من عنده عطف گلبه وحنانه شمعة الدار --- لو طفت يشعر الكل فاگد حنانه حكمه تنگال --- دنيه هاي وبيها متحصل ظمانه دنيه طلگلها ألحُسين --- ضحه بالمال وبنين ضحه بالمال وبنين --- دنيه طلگها الحسين العافها يبني صروح --- هاي من آدم ونوح ---دنيه دنيه .............................. حگ علينه --- ألابو لومات انوجب منقصر أوياه الله وصه ---- لاتقل افن لهم قوله سمعناه رفض الاعذار ---- لاعذر لولاده لو گالوا نسيناه من الايمان --- الوالدين انطيعهم هالامر طعناه عالي السجاد الدليل --- صار لعياله معيل صار لعياله معيل --- علي السجاد الدليل الخير تعمل مايروح --- هاي من آدم ونوح ---دنيه دنيه ........................ عترة الحق --- ياهو موت الله يموت ابلا شهاده وعلي الهادي --- عالابو تلتهب جمرات ابفؤاده الكاظم اليوم ---- مصيبه عنده واعلن اليله حداده ثوب الاحزان --- عالجواد وناشر الفگده سواده فاطمه علنت حداد --- وياها نحزن عالجواد وياها نحزن عالجواد --- فاطمه علنت حداد اليفگد اعزيزه ينوح --- هاي من ىدم ونوح --- دنيه دنيه ..................... ليلة آلام... ليله هاذي فاجعة وبيها مصيبه الرضا بغربه --- عالجواد اوليده احزانه رهيبه غربة اوطان --- ياحبيب بغربه مايحظر حبيبيه بجرح چبده ---- بطوس والبغداد لوليده اشيجيبه عاشوا اثنين ابفراق --- طوس تبعد عالعراق دهر غدار ابوضوح --- هاي من آدم ونوح --- دنيه دنيه ........................... يبو صالح --- أويانه خليك بعزانه هالمسيه حتما اليوم ---- بهذا مأتمنه تجي اوياك الزجيه كل عزه يصير ---- وبسواد الحزن وياكم سويه غير حبكم --- أبد ماعدنه يغايب كل هويه يمته يايوم النشوف -- جروحنه ظهورك يروف جروحنه ظهورك يروف --- يمته يايوم النشوف ذخر يالگلبك سموح ---- هاي من آدم ونوح ---- دنيه دنيه ...................... سيد عدنان الحمامي 
|
|
08-15-2016, 04:05 PM
|
#2 | |
|
المراقبين
|
بسم الله الرحمن الرحيم
اللهُم صلِّ على محمدٍ وآلِ محمدٍ واللعنة على اعدائهم ومخالفيهم من الجن والانس اجمعين وعجل فرجهم يارب العالمين ثبت الله قلوبنا وقلوبكم على محبة وولاية اهل البيت عليهم السلام ورزقنا شفاعتهم يوم القيامة وزرع الله في قلبكم وقلوبناالعهد والولاء وحب وعشق الى اهل بيت الطيبن الطاهرين الى اخر الانفاس بارك الله فيكم سيدنا وأثابكم بوركت لكم اقلامكم لخادمه لاهل البيت عليهم السلام زادكم الله من فضله ومن بركته واحسانه ووفقكم لخدمة النبي وآله الأطهار |
|
|
اِلـهي هَبْ لي كَمالَ الانْقِطاعِ اِلَيْكَ، وَاَنِرْ اَبْصارَ قُلُوبِنا بِضِياءِ نَظَرِها اِلَيْكَ، حَتّى تَخْرِقَ اَبْصارُ الْقُلُوبِ حُجُبَ النُّورِ فَتَصِلَ اِلى مَعْدِنِ الْعَظَمَةِ، وَتَصيرَ اَرْواحُنا مُعَلَّقَةً بِعِزِّ قُدْسِكَ. اِلـهي وَاْجَعَلْني مِمَّنْ نادَيْتَهُ فَاَجابَكَ، وَلاحَظْتَهُ فَصَعِقَ لِجَلالِكَ، فَناجَيْتَهُ سِرّاً وَعَمِلَ لَكَ جَهْراً.
|
|
08-15-2016, 11:40 PM
|
#3 | |||
 مديــر عام
|
ربي يسلمكم ويحفظكم ويزيد بتوفيقكم ان شاء الله دعائي لكم |
|||
|
|
|
12-03-2016, 10:56 PM
|
#4 | |
|
مديــر عام
|
النجف ولاية امير المؤمنين علي بن ابي طالب ع -- -- ................................ النجف آيه وبوسط قرآنها الگمر يسجد والشمس بحظانها ................... النجف هاي النجف بلقيس الزمان بيها اليأذن بلال ابكل مكان حتى اليدفنوه أيحس بيها باأمان ونوح وآدم بعد من سكانها .....................................2 عاف صالح ناگته وبيها استقر وللنبي هود بنجف حيدر اثر أثنينهم ناموا أمن اتعاب الدهر النجف عدهم اجمل أمن اجنانها ..........................3 عالنجف جبريل يوميه يحوم فارش اجناحه ويصلي اويه النجوم بيها آدم غفه مايرضا يگوم يگول خدي اتبرك بتربانها ...........................4 يجي رضوان أويه حوره امن الجنان يم علي وياخذ المحصل أمان ومالك ايبرد النار أويه الآذان لمن يسمع ينذكر سلطانها ...................................... 5 النجف قدسيه لها عند الجليل بيها عطّر جبهته وصلّه الخليل ولليريد الجنه صارتله الدليل بصك أمان أمن الدحه بيبانها ...................... 6 اليندفن برض النجف بخته چبير مايخاف بحمه حيدر من يصير بلحده من اينام ابدن مايحير بيا علي ينطق الموته السانها ................................... 7 الله اوجدها أمان الكل محب والشفاعه بعلي مغفور الذنب وبالحشر يروينه من كوثر عذب وتخمد بحب حيدره نيرانها ...................... 8 بيها ناس النجف حيرت للعقول بصوتها كل طاغي لوصاحت تزول المجد هوه أيگول مو آنه الاگول أرجال بيها انعرفت بميدانها ..................... ناسها بسوح النظال أمجربه عالجهاد بكل زمان امدربه أحزام متحزمه أمن أصحاب العبه ومن علي حملت شرف عنوانها ............. بهل المدينه ارجال وأسياد العلم ومن رحمها انولدت أشراف الزلم نجف الاشرف يافخر هذا الاسم بيها سلطان لأنسها وجانها ........... سيد عدنان الحمامي |
|
|
|
|
12-04-2016, 02:11 PM
|
#5 | |
|
مديــر عام
|
في حق اولاد زينب عليها السلام
...... المستهل --المستهل -- ولدي اثنين بالمصرع --- انه زينب ولاعنهم ذكر اسمع --- أنه زينب عالمنبر يهل تقرون -- ليش الولدي متذكرون آنه زينب ........... أنه زينب يهل القراء عالمنبر أسمعوني روس أولادي فوگ أرماح شفت بناظر اعيوني صحيح انتم بكل مجلس يخدامي تذكروني ليش أبولدي مافد يوم أسمعكم تواسوني ثنين أمن الولد عندي -- أنه زينب عليهم ينگطع چبدي -- أنه زينب جثث بالمصرع ايظلون -- ليش الولدي متذكرون .......... ويه عمهم العباس خال ونعم من عنده مثل ماغاليه چانوا عنده اغله من ولده منا واحد أو ومنا يحظنهم تحت زنده ومن ايشمهم الولدي يشمهم شمة الورده أخويه الگمر خال الهم -- انه زينب من عنده العزم عدهم -- أنه زينب مثله بحرب ميهابون -- ليش الولدي متذكرون ------- واحد گال يازينب ييمه عهد من عندي أفدي الخالي ابو السجاد روحي ومهجتي أفدي الثاني گل يايمه اضحيله وحگ جدي قرابين لأخويه حسين أثنين امقدمه ولدي صحيح المثل كلمن گال -- أنه زينب ثلثين الولد عالخال -- أنه زينب مثلهم ماتجيب أبطون -- ليش الولدي متذكرون ------- چان حسين من يشوف هذا العزم من عدهم بحنانه وعطفه لولادي يحن ومثل والدهم طلبوا للحرب يمشون أخويه حسين ماردهم گال أختي لها أولاد نشمي وسبع واحدهم روس اولادي فوگ ارماح -- أنه زينب بس مني الصبر ماطاح -- أنه زينب ولدي أمذبحه ويهون -- ليش الولدي متذكرون ------ يحاچيني الگلب أسمع يزينب لليسر روحي ويم حسين والعباس والاكبر بقت روحي وعله شبل الحسن جسام يبچي الصخر من نوحي ولدي اثنين وياهم عليهم نزفت جروحي عفتهم ولدي بالمصرع -- أنه زينب ما ألگاهم أمن أرجع -- أنه زينب وأدري بهظمي مايرضون --- ليش الولدي متذكرون ------- بالمصرع عفت ولدي يم الاكبر وجسام وروس اعله الرماح أوياي لمن وصلوها الشام كل ساعه يجوني براس حرگوا گلبي هالظلام بروس اولادي روعوني ورعوا بيهن الايتام يا أم المثل حالي -- أنه زينب روس اولادي الگبالي -- أنه زينب على أمهم چانوا أيخافون -- ليش الولدي متذكرون --------- خوال الاربعه أويه حسين اوياهم ضحوا بدمهم ظلوا بالطفوف اجساد لا أم لا أخت يمهم شفتهم عالترب نومه شحالي ايصير وآنه أمهم مطشره اجساد وبلا روس لا واحد أجه ولمهم تذبحوا ويه اخوي حسين -- أنه زينب واسوني بدموع العين -- آنه زينب لمن بخوتي اتواسون -- ليش الولدي متذكرون ......... سيد عدنان الحمامي |
|
|
|
|
12-07-2016, 12:52 AM
|
#6 | |
|
مديــر عام
|
في حق الشهيد
....... -- المستهل ... آنه أوليدي كسر گلبي -- آنه أوليدي يموت وهذا مو وكته -- عسه بتابوت لاشفته آنه اوليدي .... سمعت الصوت هد حيلي -- گالوا أبنچ استشهد تعالي للعزيز اهنا -- شوفي أوليدچ أمدد أجيت وعاينت طوله -- وأشوفه عالارض فرقد واصيح بصوت خلوني -- يمه وما أريد أحد على عيني الطمت بيدي -- على عيني أبني وشبگت جثته -- عسه بتابوت لاشفته ......... البيتك يبني مارديت -- ردت بس اعرف أخبارك أشوفك سالم اتمنيت -- أويايه ترجع الدارك مايوم أسمعت منك -- تقدم لمك اعذارك شگلهم لو أجوا يبني -- البابك تدگ خطارك أنه أشبيدي تجافيني -- أنه أشبيدي هم ترجع الي يمته -- عسه ابتابوت لاشفته ...... أفارگ أبني ماأگدر -- عزيز ويصعب أفراگه أخذ تعب العمر كله -- مشه ومابعد نتلاگه أشوفه وين ما أدري-- اظلن اله مشتاگه عمت عين المنيه شلون -- لبني اجت سباگه خذت مني العمر كله -- خذت مني أموت وبس تعيش انته -- عسه ابتابوت لاشفته ........... خواتك سايلن عنك-- يبني وفاضت أعيوني شجاوبهن يبعد أمك -- وآنه خابت أضنوني وأخوتك بالحزن يمي -- أمن اعاينهم يبچوني أصبرهم على أفراگك -- يبني لو يصبروني يضيعني صدگ أبني -- يضيعني أليه ذخر كبرته -- عسه بتابوت لاشفته ....... اظل أويه النجم أسهر -- عليك وليلي مانامه وأحس مخنوگه يوليدي -- وطول العمر حزنانه دارك موحش ابلياك -- ليش تريد فرگانه تعال أويه أخوتك يبني -- تعال وأرجع أويانه ماأرضه تفارگني ---ما أرضه غيابك يبني ماردته -- عسه بتابوت لاشفته ........... يالمشيعيين تانوني-- أريد أمشي أويه ممشاكم أخذوني للنجف وياه -- أخذوني الدفنته أوياكم اريد اتوسد بلحده -- يهل الرحم أرجاكم وحشه بالگبر لوظل -- وحده شلون ترضاكم تدفنوني ردت وياه -- تدفنوني يعتب أبني لو عفته -- عسه بتابوت لاشفته -- سيد عدنان الحمامي ------- --- شباب الجهاد -- -- المستهل -- للجهاد الفتوه وملبيها -- شمعه يمه لو غبت علگيها أبد لاتبچين أبد -- محلفچ برمله بعد ........ يمه بالقاسم سلام الله عليه بحربي رايد أقتدي يايمه بيه شلون والعمه بحياته يفتديه وحنوا بدمه الشريف أثنين أديه لوشهيد أمن الحرب جابوني -- زفة القاسم الي زفوني أدري توفين الوعد -- محلفچ برمله بعد ....... هالوطن لحسين ابو اليمه انتسب أنجاهد وبالدم نضحيله انكتب لو شهيد اوليدچ بسجله انكتب يمه لتسمعيني من گلبچ عتب بيش لجروح الحزن لمي أروف -- وبالعلم ملفوف عين أمي تشوف اخذي مني هالعهد -- امحلفچ برمله بعد ....... يمه شبل الحسن عند أمه وحيد يضحي رمله دون أبو اليمه تريد يمّه أمشيّي أعليچ بارينه المجيد فرحي لو جابوني يايمه شهيد يرتفع هالوطن بينه راسه -- وبأمان اتعيش أهله وناسه اي وحگ من أنعبد --- أمحلفچ برمله بعد ......... يمه ترباتچ أنه اي والنعم تهابني بميداني صارت هالزلم من ابو السجاد عندي هالعزم لو اجاني الموت أبدن ما اهم للشهاده آنه رايدها الي -- عله تابوتي ييمه هلهلي گولي فدوه هالولد -- محلفچ برمله بعد ........... حزني عالقاسم الطفوا شمعته وحنوا الچفين من دم رگبته واسي رمله واسي زينب عمته أويه الجثث مذبوح لمن عافته عله القاسم يمه لبسي للسواد -- وكل سنه بعاشور علني للحداد مودعه برب الصمد --- محلفچ برمله بعد ........... مودعچ خليني أقبل غرتچ وأمسح بايدي ييمه دمعتچ الكربله لو ردتي وجهي نظرتچ وخلي تتكسر بصدرچ عبرتچ وأبچي عالعباس عم اسكينه-- چفوفه گطعوها وطفوها العينه وراسه صابوه بالعمد -- محلفچ برمله بعد .... سيد عدنان الحمامي .. |
|
|
|
|
05-22-2017, 03:44 PM
|
#7 | |
|
مديــر عام
|
للعليله -
- - المستهل --- يالماخذ اوياك العمر لاتبعد أتروح عيني اعله دربك من تظل شيصبر الروح تاخذني بويه وياك -- شحمل بعد فرگاك --- بويه يحسين بوداعك مرمرتني بعلّتي لاحيل بيّه مو شفتني تموت بنتك ماگلت من ودعتني شلون حالي بعد عينك لو عفتني يالماشي لاوين السفر وغيابك ايطول انتظر ترجعلي بعد يابويه بس گول لو رحت وين الگاك -- شحمل بعد فرگاك ------- هاي سجادة صلاتك صد عليها بروحي يابويه احظنتها واشم بيها أسمع أتگلك الدارك ترد ليها لو تطول السفره هاي او ماتجيها تودعني ما أگدر بعد اتحمل افراگ گلبي الزغير راح الك كل وكت يشتاگ وين القدر ناداك -- شحمل بعد فراك ---- دنيه ليش اتفارگ الخل وخليله فاطمه آنه الذي عشت بدليله ظلمه لو غاب الگمر عالدنيه ليله من يظّوي الفاطمه بنته العليله بوجه اصبح من چنت مسروره عيني تعمه العيون بروحته لو مايجيني عيوني فده العيناك -- شحمل بعد فراك --- أخوتي كلهم أوياك وتمشي أمي حتى ابو فاضل يبويه ايروح عمي خل اظل وياه يبويه ويظل يمي گمر عمي ومن اشوفه ايزول همي مهيوبه من عمي يظل يابويه وياي چني اشوفك من تشوفه العمي عيناي لحظه فلا أنساك -- شحمل بعد فراك ----- لويظل الاكبر ايحن اعله حالي حتى احس بهيبتي وعزي ودلالي شگد عزيز لأخته الاكبر بويه غالي بفرگته بعيوني تسود اليالي أبن أمي الأكبر لومشه أيعذبني فراه شيصير بويه وبالظعن لوآنه وياه وگلبي الذي يهواك -- شحمل بعد فرگاك ------- صدگ ماشي وجدك بطيبه تعوفه وگلبي راح ايموته يابويه خوفه عمي ابو فاضل يروح وما اشوفه موچنت اغفه ونام اعله فوفه وديلي أبو فاضل يجي ياخذني ليكم لو اظل كل ساعه بحزن انشد عليكم عمري مشه بممشاك -- شحمل بعد فراك -- سيد عدنان الحمامي --- السجود على تربة الحسين ع -- اظل عالتربه اسجد بيها عطر حسين سجودي القل هوه الله الواحد الاوحد خليها النواصب تعبد المفروش منهم مانكفر بالسجود احد بالغار النبي فراشه حجر وتراب يسجد عالترب من چان يتعبد لعنه اعله الوهابي ونهجه والسواه وهاللعنات لآل اسعود تجدد منهم ينتقم ياحلم الله اچبير ما الله عليهم رميته سدد وبّول البعير الغسل وجهه اشلون مدري ياكتاب الحلل ومُسند -- سيد عدنان الحمامي === |
|
|
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض العادي
|
|
|
|