|
#1
05-17-2017, 11:09 PM
|
||||||||||
|
||||||||||
استشهاد الكاظم ع -- ثلاث قصائد -- فارش عباته -- بسجنه بصلاته
المستهل
--- فارش عباته -- بسجنه الصلاته -- الساعة وفاته -- يا مظلوم فصم قيوده -- بصبره وجهوده -- -- اصبح خلوده يا مظلوم ------- ياهوا اليناضل يرتقي المجده--- مو كرسي لو تاج الذي ايعبده وخله الفقير اعله الترب خده -- عالظالم الله ما خلف وعده برهانه شفنه -- عدله عرفنه -- بالحق نصفنه يا مظلوم ضد الحقوده -- فصم قيوده -- اصبح خلوده يامظلوم -------- وين الطغات شأخذوا أوياهم -- شيطانهم ذكر الله نساهم باعوا الدين اشتروا دنياهم -- صار الجهنم صار مآواهم السوه جريره -- ضيع ظميره -- هذا مصيره يامظلوم الكاظم صموده -- فصم قيوده -- اصبح خلوده يامظلوم ---------- من سجنه چان ايوصل الفكره -- المنسلب حقه واجب اتنصره بعين الرحيمه الجارك اتنظره -- لو صابه ظيم بصبرك اتصبره جارك نصيرك -- حسبه بظميرك -- ماينخه غيرك يامظلوم الثبت وجوده --- فصم قيوده -- اصبح خلوده يامظلوم -------- يوصينه چان نعزز الخوه -- واحد للآخر عنده المروه نتسامح ونتكاتف بقوه -- بقعر الفتن مارادنه نهوه كل چلمه آيه -- النه الهدايه -- خوتنه غايه يامظلوم للحق حدوده -- فصم قصيوده -- اصبح خلوده يامظلوم ------- أويه الوالدين ايريد نتصبر --- لاتقل أفّن لهم لاتنهر جازي تعبها الربتك تسهر ---- طيعه لابوك ابدنيه لاتنغر قدر تعبهم -- ابقه بقربهم -- امشي بدربهم يامظلوم بنفسه الودوده -- فصم قيوده -- اصبح خلوده يامظلوم ----------- بت جارك اختك احسب احسابك -- تغتاب أحد غداٌ يغتابك بهل الصفه جارك حتما ايهابك -- ويسئل عليك بلحظة اغيابك هاذي حميته -- الطيبه سجيته -- ويباري بيته يامظلوم وفه بوعوده -- فصم قيوده -- اصبح خلوده يا مظلوم -------- من الكاظم ادروس وعبر منه -- نعيش الحياة بخير رادنه شنريد اكثر بعد نتمنه -- درب الرشد دلانه بالجنه عيش بحياتك -- احفظ صلاتك -- بيها نجاتك يامظلوم الجنه وروده -- فصم قيوده -- اصبح خلوده يامظلوم --- سيد عدنان الحمامي -- لللكاظم ع -- -- - - المستهل ---- گظاها --- كفو ولله أمن أبو طلبه گظاها دواها -- طبيب وعند ابن جعفر دواها يشافي العله نوره بلسم اجروح--- للكاظم اذا محتاج اله روح ----- ياللي زمانك دوهنك لو فكرك أحتار وجمرة دليلك تلتهب من الظنك نار الموسى بن جعفر تعتنيله وگله خطار هالدار عامر بالكرم مامثله كل دار تعنه -- لبن جعفر تعال أشكيله الهموم تمنه -- دروح اطلب تحصل حاجتك گوم ساعتها العسر من عندك ايروح -- للكاظم أذا محتاج اله روح ----- بالكرم ما مثله انوجد عالمعّوز ايجود ينطيك لو منه خذت هم أرجع اردود شارات كثره واضحه من يكرم ايجود أمجرب عطائه وما اله حد ولا محدود سخائه -- ابد ماكو مثيله ابد ماصار عطائه -- ابمضيفه ولله لا ماتنطفي النار يشافي البي جرح من عوزه مجروح -- للكاظم أذا محتاج اله روح ---- بالعتبه لو يمه رحت أگعد وحاجيه والطلب عنده لو ردت هالطلب تلگيه خايب ميرجع للگصد ساعتها ينطيه گوم انفظ اتراب القهر للكاظم انخيه خذتها -- بيدك لو حت منه خذتها شفتها -- اله شارات ابن جعفر شفتها ابد لا مايخلي حمل مطروح -- للكاظم أذا محتاج اله روح -- عينك بعين الله وتمد چفك يمتعوب ساعتها تبرد مهجتك لو چانت أتلوب اتحصل أشما منه ردت ول الك مكتوب مو گلب واحد فرحه فرح للگلوب بدينه -- اخذنه من ابن جعفر بدينه مشينه -- مضيفه العامر شكبره لگينه ودمع الفرح فوگ الوجن مسفوح -- للكاظم أذا محتاج اله روح --------- مايرضه محتاج وتظل امهبط الراس شوف ابضريحه من تجي شوف اشكثر ناس بحسين روح وحلّفه وحلفه بعباس عنده كرم ماينوصف لا لا مينقاس چفوفه -- يمه لليجي أچفوفه سخيه تشوفه -- ابد مايبخل ونفسه ابيه يحيي للامل لو چان مذبوح -- للكاظم اذا محتاج اله روح -------- ناس التزوره تبتشر يجليها الهموم لوبيك ظيم امن الوكت ماتظل مظيوم كوم اخذ رايه وأعتني للكاظم اليوم لاتظل مكسور الگلب وبروحك تلوم اخذله --- خضره رايته واعگدها يمه تزوره -- بالعتبه حچي شعندك تكلمه واشتم عطر جنه ابمرقده ايفوح -- للكاظم اذا محتاج اله روح ---------- سيد عدنان الحمامي --- -- للكاظم ع -- نزله ---- المستهل --- وين السجن والسجان -- وين الترف والغلمان ---- وينها سجون الرهيبه وين حاكمها الحكم وين من نفس الشريفه ابلا سبب منها انتقم وين من چانت الدنيه أوياه للدنيه أبتسم وين ذاك الخطط الها ولوحة اطماع الرسم حسباله هوه الربحان -- وين السجن والسجان ---- وين ذاك بدرب منعم مطمئن دربه سلك دنيه چانت كلها بيده أشما حوت الها ملك هوه يدري ابيوم لابد بيه يندار الفلك راح وندثرت ارسومه بلحظة البيها هلك گبره بعد ماله أمچان -- وين السجن والسجان ---- شهر أمشي المثل گال وابد لاتطفر نهر ماعرف هارون الها شلون لو يوم وعثر تربع بكرسي الأماره ناسي ضربات الدهر حارب ابسلطانه للحق تاج لابس بي درر للترف يعزف الحان -- وين السجن والسجان ----- ملك للشرق وغربها طاغي عالامه ولي تاج وقصور وغواني أويه الجواري مختلي على ارگاب الناس ظالم عالرعيه يعتلي چان للغيمه يگلها روحي اخراجج الي لا أخذ زرع وبستان -- وين السجن والسجان ------ قابع بقصر الرذيله وكاظم الغيض بسجن سنين من عمره گظاها بسجن الاظلم مرتهن مقيد بقيد الحديد ومن قساوتها يون ساجد وراكع تشوفه وقايم ابليل اليجن ساجد يناجي الرحمن -- وين السجن والسجان ----- خالد بطول الزمان الكاظم وخصمه اختفه هوه سلطان الرعيه وتاج راس المعرفه ومشعل اعلوم العباد اليضوي مايوم انطفه قاضي للحاجات أسمه العافيه بي والشفه عايش يظل بالوجدان -- وين السجن والسجان --- سيد عدنان الحمامي ---- 
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض العادي
|
|
|
|