يالمهدي انولينه..ننتظرك تجينه؟ نداء للحجه عج ؟وليد اللحظه الان اقول

يالمهدي انولينه..ننتظرك تجينه
الغيبه طالت هواي..نصيح بصوت مولاي
عل الغايب ولينه

طالت غيبتك موش انت موجود..جزاهه الظلم مولاي الحدود
زينب من تحشم رايده جنود.. واحنه وياك عالموعد يموعود
نريد انوحد الراي..تحمي زينب وياي
ونحميه با أدينه

نذرمولاي ناذر لو تجي اليوم..اريدنك ضخر جفيني مهموم
عل كبر العقيله الناصبي يحوم..ننتظرك تجي وتربيلك الكوم
تربي عيونه اتريد..تحارب شلة ايزيد
تقود انت السفينه

الامل مولاي بالله وبيكم انكول..طالت غيبتك يالحجه وتطول
نريد الحل منك عندك احلول..تعبت هالبشر وتعبت هالعقول
علينه اهوايه الصار..من شلت الكفار
احنه تمرضينه

الالم بالروح مولاي وي الاحساس..ماتكدر تكول وتحجي هالناس
احلفك بالعقيله واسم عباس..وصلت للعظم وتعدت الراس
مصايب كثرت اهواي..نصيح بصوت مولاي
من هم العلينه

امي مفرعه تدعي تصيح يحسين..الك تنزل ادموعي اليوم مرتين
ياابن الزجيه وكحلت العين..وابو فاضل اجيبه اليوم ومنين
عل بنت الزجيه..يردوهه سبيه
وين اهل المدينه

وين الشعيه اهل الغيره والزود..ردت ال اميه اعلينه اردود
عبرت هالمنافذ تعدت احدود..حملت بالكفر راياته السود
لعد زينب يريدون..وللحضره يهدمون
بدموع الحزينه


خادم اهل البيت
ابو علي السعيدي

احسنت ابو علي السعيدي

اسئل الله ان يرزقنا واياك شفاعة الامام الحجة بن الحسن عج

عليه افضل الصلاة والسلام

لك دعائي