مناجاة زينب مع ابيها ( نصاري )

بسم الله الرحمن الرحيم
اللهم صل على محمد وآل محمد وعجل فرجهم

مناجاة زينب مع أبيها ( نصاري )
ــــــــــــــــــــــــــــــــــــــــــــــــــ ــــــــــــــــ
يحيدر ما نشف دمعي ولايوم === تتزاحــــم غدت بگليبي إلهموم
ــــــــــــــــــــــــــــــــــــــــــــــــــ ـــــــ
تتزاحم غدت بگليبي الجــروح == يبويـه والحزن خاواها للروح
صارت سلوتي من بعدك النـــوح == عفتني إو غاب رسمك ياعلي دوم
ـــ
عفتني إبحيرتي يابويــــــــه والهم == تسيل إدموع من عندي إمتلت دم
وگول إشلون صاب السيف ضيغم == أبوي الچـــان بالضربات موسوم
ــــ
أبوي إلچــان ما تگربلــــه السيـــــوف == يشيل الموت سيفه إو ينهي كـُل شوف
سيفه ذي الفــُقار اليزرع الخـــــوف == أبد مـَيــْثـَنــّي ضربه إو صار معلوم
ــــ
أبد مـَيــْثنــّي ضربه إبحوم حيدر == غــــــده سيفه عليه اليوم مـُكدر
عجيب أبسجدته الكرار كبـــــــــــــّّر == حظه بيها الشهاده إو راسه ملچــوم
ــــــــ
حظه بيها الشهاده والدي إو فـاز == أبو الحسنيين حقــّق هذا الأنجاز
رضه المعبود ناله إو للمجد حاز == أبــــــد مافارگ إلحگ بيه ملزوم
ـــ
أبد مافارگ إلحگ عاش ويـّاه == إذا إيشوف اليتيم إتسيل عيناه
تشيل الزاد للجوعان يمنــــــاه == أبـد مــَيــْنام لو ينخاه مظلوم
ـــــ
أبد مـَيـْنام لو شاف الظلــــــم لاح == يظل سهران حتــّى إيروح ينزاح
لو يسمع فقير إبحيرته نـــاح == يمسح دمعته إيواسيه مهضوم
ــــ
يمسح دمعة المحتاج يغنيـــه == ما ياكل أبد والزاد ينطيه
عجيبه إشلون إيد الجور ترميـــــــه == تــِيــَتـْمـْنـَه إو يروح الزود مضيوم
ـــــ
يــَتـَمـّنـَه إبحقد سيــــف المرادي == شفت طبرة علي يأحمد يهادي
غدر غدروه ياجــدّي الأعــــادي == تركنه إو ما بعد تنزاح إلغيوم
ــ
تركنه المرتضه آني وخوتي == زينــب آني بالآلام صوتي
يسمعه والدي إو ياريت موتـــــي == بعد عيناه أدري الضيم مضموم
ــــــــــــــــــــــــــــــــــــــــــــــــــ ـــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dld8wb81054.mp3.html

عمي جابر النجفي

احسنتم كثيرا ووفقتم ان شاء الله

ورمضان كريم عليكم
اسئل الله الثبات واياكم على ولاية امير المؤمنين علي بن ابي طالب ع

وفقكم الله واعطاكم من افسحها منزلا ان

شاء الله

ورزقنا واياكم العافيه

اقتباس : المشاركة الأصلية كتبت بواسطة سيد عدنان الحمامي [ مشاهدة المشاركة ]

عمي جابر النجفي احسنتم كثيرا ووفقتم ان شاء الله ورمضان كريم عليكم اسئل الله الثبات واياكم على ولاية امير المؤمنين علي بن ابي طالب ع وفقكم الله واعطاكم من افسحها منزلا ان شاء الله ورزقنا واياكم العافيه

ـــــــــــــــــــــــــــــــــــــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخ الكريم السيد الجليل
اشكرك كثيرا وفقك الله ورعاك

احسنتم وطيب الله انفاسكم الزكيه