ام البنين الصابره..يانسل حره وطاهره؟الى ام البنين ع اقول

ام البنين
يانسل حره وطاهره..ام البنين الصابره
ام البنين..ام الحسين
يانسل طيب الانســــــــــاب...ام البنـــــين ام الوفه
جاهدت وي اهل الشرف...وبيه الكرم احسن صفه
نهج العلوم الســــــــاميه...بالدين واصله ومعرفه
عاشـــت بيت اهل العلم...وي الامـــــــام ومنصفه
اهات تخفي وظاهره...ودمعته ظلت عابره
ام البنين

ايام عاشت مؤلمـــه...تشكي الهظم لااجل الدين
مفجوعه بالصار وجره...وبس الدمع شك العين
تنادي وينـــــــك يولدي...ايا يولدي ايا حســـين
انه امك واشكي الهظم...وبيكم فجعني انه البين
يحسين انه محيره...وبهل المصاب اللي جره
ام البنين
المني فتت مهــــجتي...وانحل وركد حيلي
امصابك ويومك الي...يحرمني نومت ليلي
يحسين يبني وضنوتي...بعدك منو يتجيلي
ايام عشت محبـتك...وبالطيب من تحجيلي
ايام جدا قاهره...وعليك عيني مناطره
ام البنين

اعيوني تربي على الولد...وحسين نوره اكبالي
شلت يمــــــــــينك حرمله...سهمـــــك ذبح دلالي
ريت الســــــهم كونه الي...ولاابنـــي ظل ايعالي
من طاح من ظهر المهر...طاحت جميع اوصالي
اركان جانت عامره...بحسين هيه زاهره
ام البنين

راسك انت عالرمــح...ينظر ويشكي احوالي
حكي من الوم انه الدهر...جيفنه راح الغالي
يحسين انت منــــيتي...وانت الرجه وامالي
اعتاب اليه وي المهر...من رد اليـــه خالي
مكسور ردلي خاطره...يشكيلي حالت منظره
ام البنين

اهوال مرت يولـــــــدي...صارت عليه وتجره
بعيوني من شفتك طحت...خنكتني والله العبره
جسمك ضل على الثــره...ومطــبر على الغبره
والخدر واطفال ونسه...للشـــــام راحو يسره
زينب زياهم سايره...باطفال هيه حايره
ام البنين


خادم اهل البيت
ابو علي السعيدي