|
#1
07-18-2012, 09:27 PM
|
||||||||||
|
||||||||||
وفاة الامام علي ع -- يشيال النعش لاوين
المستهل --------- يشيال النعش لاوين --- رد النعش لمچانه خلينه نظل وياه --- ابونه ويظل ويانه ------------------- زينب عالحسن نادت خويه النعش ردونه نلطم حيل يبن امي وسط الدار خلونه واخذ ابعيد المشيعين غربه لايسمعونه وهاي ام البنين اوياي اتشاركني بدمع عيناي ابچي وتنحب اعلى ابچاي بلچن والدي يسمع وفك عينه على ابچانه ----------------------------- بلچن يسمع ابچانه واعلينه يفك العين وينظر حالة ام عباس تنعه وشابگه لحسين وتنادي گبل عمرك گظه عمري يبو الحسنين خليني يبو محمد لبوك بكتره اتمدد واريد ابلحده اتوسد عگبه العمر ماينراد ظلمه اعلينه دنيانه ------------------------- صاحت للحسين النوب زينب وشكبر همك تعال واگعد اگبالي خويه لو اجي يمك تدري ايتام واحنه ازغار عافتنه ومشت امك واليله ابونه ايريد يمشي وللاحزان ايعيد يحسين البچي شيفيد ابچينه اهواي عالزهره ودم الدمع جريانه ---------------------------- دمعنه دم جره يحسين تگله زينب الكبره والفنه الحزن والهم والشوغات والحسره من يوم الظلع بالباب كسروا لمك الزهره والنوبه علي الكرار هاليله صبح خطار ساعه ويرحل امن الدار بينه اشلون يبن امي الظيم الدهر خلانه --- يبن امي دكوم وشوف -- جرحه وراس ابوك اشبيه يحسين اكعد ابسده -- وراسه ابحظنك اتخليه اعزيز انته يبو السجاد -- خويه وبلجن اتحاجيه يسمع صوتك ويكعد وعن جرحه الكلف تنشد بيدك للجرح ضمد كبل مانعشه من الدار -- خويه ايشيله دفانه --- يدفان اللحد وسعه -- وبعد اتوسعه البابه ابيهيده نزله ابهيده -- خاف او ينزف اصوابه اريد اتمدد ابكتره -- عليه يصعب اغيابه علي بويه اخذني اوياك جنت امدلله وبحماك عمري اشينفع ابلياك -- شلي ابدنيه مابيها -- ابو بعيونه يرعانه ---------- سيد عدنان الحمامي اللهم ارزقنا شفاعة علي بن ابي طالب عليه السلام يالله يالله يالله 
|
|
07-18-2012, 10:44 PM
|
#2 | |
|
المراقبين
|
احسنت ابيات رائعه وحزينه
طابت انفاسك الولائيه سيدنا الجليل  |
|
|
اللهم صلِّ على محمد وعلى آله الطيبين الطاهرين
|
|
07-19-2012, 08:10 PM
|
#3 | |
 مديــر عام
|
خادمة الشفيع
اسئل الله ان يعيننا واياكم على صيام وقيامشهر رمضان المبارك يارب احسن الله اليكم والشكر لمروركم الطيب ربي ايبارك بجنابكم ان شاء الله لكم دعائي  |
|
|
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض العادي
|
|
|
|