في حب للحسين ع -- ولائيه

من الظماير هالصوت -- يحسين الك حبينه

-----------

من الظماير يعتلي -- صوت الولاء بكل حين

عالعهد نبقه علعهد -- بالدم عهدنه اموقعين

مامثل حبنه ينوجد -- ابحبك تره مجنونين

يحسين عدنه فد گلب -- مايوسع الحب اثنين

ونته ملكته للگلب -- وبحبك انجينيه

-----------------------

يحسين الك فدوه العمر -- شنهو العمر شنهو المال

وألله نگطعه للگلب -- لو عنك اشويه مال

ابدنيانه بلسم للجرح -- انته ا لضمد للدلال

ونته النجاة الكل محب -- وبالحشر انته الآمال

ياسيدي ابيوم الفزع -- بس حبك اينجينه

------------------------

يحسين تحضر للمحب -- باللحَد باچر لوصار

حبك أمان أمن الخطر -- حبك أمان أمن النار

واللي تمسك سيدي -- الدارين حصل مو دار

والمحب يوم الواقعه -- يابو علي مايحتار

مسرور گلبه ومبتهج -- وعينه متحزن عينه

------------------------

ريحانه انته للنبي -- وللنبي امك بضعه

فاز النصب مأتم الك -- واللي يهلها الدمعه

كل دمعه باچر بالگبر -- من يبقه وحده شمعه

واليبچي لجل امصيبتك -- أمك الزهره اتسمعه

بسجل الشفاعه اتسجله -- توفيله نذره ودينه

-----------------------

كل مأتم امك فاطمه -- يحسين هيه اتحضره

بالعزه تگعد تنتحب -- اتهيج ضلعها وكسره

نتشارك اوياها ابدمع -- وامك دمعنه اتنظره

امصابك كسر ماينجبر -- بالدمع يصعب جبره

نذكر امصابك كل وكت -- يحسين ويبچينه

--------------------

لونبچي كل هذا العمر -- مو دمع دم تبچي العين

لونلبس اثياب الحزن -- عالفاجعه انظل اسنين

وننصب مآتم كل وكت -- ونلطم ألم حاه يحسين

منجازي منوفي ابد -- نبقه الك مطلوبين

انته عزيز الفاطمه -- وريحانته الهادينه

--------------------




سيد عدنان الحمامي

طيب الله انفاسك مولاي وربي يحفظك

لك مني كل الاحترام والتقدير

ابنك علي

كل الشكر لك سيدنا الجليل
كتبتها وفي ابياتها عطر الولاية الحسينية

كلمات اكثر من رائعه
سلمت الانامل التي خطت هذه العبارات

اللهم صلي على محمد وال محمد ~~

طيب الله انفااسك سيدنا موفق لكل خير بحق مولاتنا الزهرااء..


خادمة أهل البيت ~~توأم روحي

بسم الله الرحمن الرحيم

الشكر للجميع على مروركم العطر