شهر الحزن هليت (السيد مالك الياسري )

شهر الحـــــــزن هليت بالهم علينـــــــه
بيك انطوت احــــــــزان عترة نبينـــــه

*******************

هل الحـــــزن وياك اشهد يعاشــــــــور
للعتــــــره والاصحاب بيك الدمــه يفور
كلمن يــــــــوالي اليـــــوم دلاله مسجور
وعله الجره بعاشــــور خل تجري عينه

******************

عاشـــــــور اعتب عليك وارفع بالعتاب
بأيامك اللي صـــــار منه الطفل شــــاب
بدر الهواشـــــــــم ليش وي هلتك غاب
ليش عله وجـــــــــــه الكاع طايح ولينه

****************

ون وانحب عله حسيـن ياشهر الاحزان
سبط النبـــــــي المختار بيه الزمن خان
عدوانــــــــه بالنشاب صار الهه نيشان
حايـــــــــر يديــــــــر العين محد يعينـه

****************

وينك جنت عاشـــور من طاح الحسين
من حاطتـــــــه الظــلام واتحاتفه البين
عل غبـــــره كام يلوج ومغمض العين
وانته بجلد عاشــــــور تسمـــــع ونينه

****************

اصبــــــغ حزن عاشــور سود الليالي
زينب مست هاليــــــوم ماعدهه والي
من شافت الميمــــــــون رد ليها خالي
شافت دمـــــــــه المظلوم صابغ جبينه

***************

حزنك يضل عاشـــــور وي مر الايام
ما ننســـــه حرك الدار واطناب الخيام
كلما تمر عالبال لـــــوعات الايتــــــام
تتجدد الاحـــــــزان والهـــــــم يجينــه

****************

يــــــم النهر عباس مكطــــــــــوع الزنود
والحـــــــرم والاطفال تتنطـــــــــره يعود
لكن كمرهـــــــم غاب والرايــــــه والجود
غايب كمــــــــر عدنان ليث العرينـــــــــه

*******************

كلبك جلد واتشـــــــوف حال الوديعــــــــه
مامـــــرت على الناس هـــاي الفجيعــــــه
من شاهدت عاشـــــــــور حالت رضيعــه
بالنبلـــــــه دون المــــــــــاي سكن انينـــه

******************

هل الحـــــــزن وياك ياشهــــــــــر الالام
تجدد الاحــــــــــزان كل ما يمـــــــر عام
سوده الليالي البيك محزونـــــــــــه الايـام
حست الــــــــــم واحــــــــزان عترة نبينه

**********************************************

خادم الحسين

(ع) سيد مالك الياسري

نسألكم الدعاء

اللهم صل ِ على محمد وال محمد
طيب الله انفاسك الولائية شاعرنا الكريم
السيد الياسري

على هذه الابيات الرائعة وفقكم الله لكل خير
اسئل الله لكم وافر الجر ودوام خدمة الحسين عليه السلام