وفاة الزهراء ع -- يالغايب امك فاطمه تتنطر الثار

[خادم خدام الزجيه]

بسمه تعالى

سلام عليكم

--

--

فائزي

--

--

يالغايب امك فاطمه تتنطر الثار -- ومحسن ابدمه ينتظر يم عتبة الدار

--

يالغايب انته ابياكتر وبيا ثنيه -- صرخة الم ليك اعتلت هاي المسيه

نتشارك اوياك المصاب اعله الزجيه -- ونار الحزن بينه مثل مابيك هالنار

--

يالغايب الزهره تون هم اسمعتها -- امك لامك جان اجيت انته وشفتها

من ياجرح من ياهظم تشكي اسئلتها -- اتسولفلك اعليها الجره يالغايب وصار

--

اتسولفلك اخلاف النبي من روعوها -- حته الوصيه ابضعته لا ما رعوها

مو فاطمه بنت النبي خلافه نسوها -- والجره اعليها اعله الخلك ابدن فلا دار

--

منعوها حتى امن البجي وهالامل ماجان -- يالغايب وظلت تون ابدار الاحزان

ام الحزن صار الحزن للزهره عنوان -- حتى الصبر من فاطمه يالغايب احتار

--

احتار الصبر من فاطمه اشكبره صبرها -- يالغايب ابكسر الضلع ختمت عمرها

وصت علي من تندفن ايضيع كبرها -- ونعشي تشيعه ابظلمه كالتله يكرار

--

بالظلمه نعشي لو ردت شيعه يحيدر -- وكل الظلمني ياعلي ماريده يحظر

ابهظمي اروح الوالدي ابضلعي التكسر -- واشكيله بيّه امتك اشعملت يمختار

--
سيد عدنان الحمامي

--











آخر تعديل عدنان الحمامي يوم 03-14-2011 في 12:13 PM.
http://www.adnanalhamame.com/vb/mawaheb/buttons/report.gif (http://www.adnanalhamame.com/vb/report.php?p=1275)

[شمس الهدى]

طرح رااااائع للقصيدة سيدنا

طيب الله انفاسك

يعطيك الف الف عااافيه