نعي للمسير الظعن -- الى كربلاء

[سيد عدنان الحمامي]

نعي للضعن

-----------


ويه العليله اتوادعن --- ودموعهن مثل المزن

تسري المنايا اويه الضعن --- ووكل الحرم يتروعن

.............................

هاي النياگ امحمله -- وخيم الحزن عالعايله

--- يالماشي بس الله اله----هالضعن يحدي الكربله

....................


يحسين كلها اموجله--- دموع الحراير سايله

تمشي بحزنها الراحله -- درب المنيه اتواصله -

......................

يالماخذ اوياك اخوتي --- عفتوني وحدي بعلتي

گلبي يرف العمتي --- وياها اخذت مهجتي

......................

يالحادي يالتحدي الابل --- دمع الفواطم لايهل

لاوين تردون النزل ---لرض المنيه لاتصل

......................

مثل اليتيمه اصبحت -- لا اخو لا ام لا اخت

ولابيه واحد كلفت --- عفتوني يابويه ورحت ---

......................

ياللي عفتني بالوطن ---اتعافه بويه ما اظن

وبعيني ميمر الوسن -- بالمرض كل جسمي امتحن

....................



ضعن الهواشم لو رحل ---بالدار وحدي ما اظل

لا اخوه عندي ولا اهل ----يالماخذ اوياك الامل

------------
ظلت اديار ابلا ضوه --- ولا حتى ميمر الهوه

من راحوا احبابي سوه --- لفراگهم ميصح دوه

....................

وياكم الله ياهلي --- خلو النياحه بس الي

ولابعد همي ينجلي --- لا اخت لا اخوه الي

............

يحسين يالخذت العمر --- زغيرون گلبي اعله الصبر

يابويه لتظن اططبر --- بعيوني طيفك مايمر

..........................0

نتلاگه لا ماظن بعد --- وبكربله يصير الوعد

للنوح دلالي استعد --- لفراگم گلبي انمرد

-----