أجمل أسم رغم الحزن بين اعيوني.. كربلا

تأملت حيث بعد المسافة وأنين الغُربة
عن كربلاء المقدسة وكربلاء الحسين (ع)
ورغم ذاك البعد ولكن قُربها الى نفسي وذاتي
انشأت هذه القصيدة المنبرية اليها..
-----------------------
المستهل
----------
مرسومة ابكَلبي ودمعاتج بين جفوني..كربلا
أجمل أسم رغم الحزن بين عيوني..كربلا
انتي بزوارج تتباهين"""احبابج همه أحباب حسين
النص
------
1-
بحكمته اختارج الباري أرضج قبلة الآحرار
احتضنتي اوليائه اوصار ترابج مرقد الآطهار
طبع بالدمع من ايهل يسأل صاحبه بالصار
ابأسمج وية ذكر حسين دمعنه ينزل بمدرار
يمن بالجنة معروفة توسمتي ابسمه الابرار
اوتجلت قدرة الخالق بيج اتهيمت الآقدار
---
كنهه هاليوم الواقعة بالطف ردت.. ماثله
أجمل أسم رغم الحزن بين اعيوني..كربلا
دمعتهم تنزل ابكل حين"""احبابج هُمه احباب حسين
2-
غريبة كلمن ايكرهج وابذكرج فلا يرضه
قبل الكعبة ربنا انطاج كرامة دون كل أرضه
يمن صرتي مزار حسين على كل مؤمن ايفرضه
واللي مايحبج ظل ابشفاعة ربنا مايحضه
حُبج مووكت عابر بينا اسنين لو تمضه
وشريانج حمل قبتين كل شيعي سره ابنبضه
---
همج ظل عايش ويانه وكل موالي.. شايله
أجمل اسم رغم الحزن بين اعيوني ..كربلا
للمهدي الشيعة منتظرين"""احبابج هُمه احباب حسين
3-
كلنه نحزن ابعاشور اوحزننه ابكربلا اتجسد
منو مثلك يبو اليمه المنايا ابحتفه تتوطد
جذب الكال مات حسين بقه ابدنيانه متخلد
واجروحك تون بينا وجرح المُحب مايبرد
ابضمايرنه بقه مجدك طول العمر يتجدد
كلهه ضحت الآجلك حشود التربتك تكصد
---
بكل عاشور احبابج تكصد بالمسيرة..الراجله
أجمل اسم رغم الحزن بين اعيوني ..كربلا
أسمج ظل مرسوم ابكل عين"""احبابج هُمه أحباب حسين
4-
نسمي كل أرض بأسمج وكل اليوم اليمرعاشور
ونذكر دوم خدامج منهم حمزة والمنظور
ونذكر كلمن اليكتب قوافيج ابوزن وابحور
موالين اونحبج دوم رغم الزمن بينا ايدور
وكلمن يخدم أهل البيت بأعماله يظل مأجور
تعرفنه الطغاة اليوم واحدنه ابدماه ايثور
---
واحروفج ابدمنه انكتبت اوغير اسمج..ماحله
أجمل أسم رغم الحزن بين اعيوني..كربلا
نوفي وياج وبينا تدرين"""أحبابج هُمه أحباب حسين
5-
محرم لو يمر بينا ابسواد الحزن نتحزم
ونشوف ابكربلا واضح آهات وغبار اوهم
الملائك والآنس والجن ابذاك الشهر تتألم
تعيش الواقعة بالطف وتكول الباري هوه ارحم
الكَمر يم النهر مرمي ابوسام العزة متوسم
لسه جوده ينبع ماي لاجن منخبط بالدم
---
كل زائر يكصد ويشوفه بعيونه..ينظر اله
أجمل أسم رغم الحزن بين اعيوني..كربلا
حُبنه واشواق الج منطين"""احبابج هُمه أحباب حسين
----------------------------------------
نسألكم الدعاء
زاهر المعموري
استراليا-2011م

-

موفق ازهر

وفقكم الله واعطاكم افسحها منزلا ان

شاء الله

ورزقنا واياكم العافيه

الله يحفظك شاعرنا الكبير
سيد عدنان شاكراً اطلالتك الطيبة
تحيتي لك..

عطر الله انفاسك
شاعرنا القدير
قصيدة رائعة
وفقك الله لخدمة الحسين وزيارة كربلاء

ماجور شاعرنا الغالي
زاهر المعموري
قصيدة جميلة بحق سيد الشهداء
كتبها الله لكم في سجل حسناتكم
تقبل مروري

شكراً للآخت الموالية خادمة الشفيع
على مرورك ِ الطيب.. وفقك ِ الله عزوجل
لكل خير..

تحيتي لك أخي الكريم محمد ابو رغيف
نورتنا بمرورك ياطيب الله يحفظك
ويديم عليك العافية..