|
#1
12-01-2013, 08:09 AM
|
||||||||||
|
||||||||||
استشهاد الامام السجاد ع ---
استشهاد الامام السجاد ع
\\\\\\\\\\\\\\\\\\\ المستهل -------------- زين العباد – ودعها بالسم دنيته زين العباد – چفوف اللئيمه سمته --------------- زين العباد المآسي كلهن بصبره حملها كربله وعمته الغريبه لو ينوح اعله الكفلها گمر هاشم عمه منه ازنوده ماكو اچفوف الها جبالها تبچي اعله حاله وبالحزن حتى سهلها البس سواد – عالذي گطعوا چبدته زين العباد – چفوف اللئيمه سمته ---------------------- عالي عند الله مقامه للمحب اصبح وسيله يطلب الحاجات بسمه امن الله كل حاير دليله ابجاهه للمحتاج الله ايصير اله عون ومعيله ابد مانگر نعدهن لبو الباقر چم فضيله ايسر الفؤاد – كل محب ياخذ طلبته زين العباد –اچفوف اللئيمه سمته ------------------ ويه الحسين بجهاده صان دين الله مقامه الله خصه بالكرامه ومنه بذرات الامامه شارك بثورة حسين وراد للدين السلامه بيدهم صك الشفاعه للموالي بالقيامه ينطي المراد -- بسمه اللي يطلب حاجته زين العباد – چفوف اللئيمه سمته ------------------- ياهو ذريه يريد وهو لاذريه عنده بسم ابو الباقر ل الله بطلبته من يمد يده يقسم اعله الباري بسمه وبسم داحي الباب جده خايب ابدن للموالي لو طلب لا مايرده عنده الضماد – ساعتها تفرح مهجته زين العباد – چفوف اللئيمه سمته ---------------- ل الله رفعوها لاديكم بسم ابو الباقر شعدكم العنده علّه لو مريض ابجاهه هوه مايردكم امن البلاء الليله اطلبو امن الله بالصحه يمدكم بالعمر والصالحات بطاعتة الباري جهدكم اهل العناد -- لهذا السبب من عادته زين العباد – چفوف اللئيمه سمته ---------------- حب ابو الباقر نجاة وبالحشر هوه املنه اطلب اطلب يالموالي شماردت هالليله منه جاهه عند الله عظيم واله عالشيعه محنّه والذي لرض البقيع ايفوز لو زاير تعنه حبه جهاد – يفوز الموالي غايته زينب العباد – جفوف اللئيمه سمته --------------- سيد عدنان الحمامي ------------------------- استشهاد الامام السجاد ع ------------------- المستهل ----------- عالسجاد انهلها العبره ------------- عالسجاد الشاف اللوعه من حزنه يطويها اضلوعه نحور الشاهدها مگطوعه وچم جثه اكباله اعله الغبره -------------------- بالطف المارحموا حاله وصلت لخيامه الخياله والنار التهلب بذياله والدمعه امن اعيونه جمره -------------------- چم مآسات النظرت عينه العمه اللي گطعوا چفينه وعمته اليسبوها اويه سكينه والسلاب ابعينه اينظره ----------------- عالشاطي العباس ايشوفه لارايه الظلت بچفوفه والعسكر شاهرها اسيوفه وضلوع حسين المتكسره ------------- والاكبر مذبوح وجاسم بالمصرع واحدهم نايم وجيش اللي مايرحم ظالم يعرف بيه علّه وميعذره ------------- شاهد زينب عمته اگباله تركض مابين الخياله لحسين اتلملم بطفاله وجثة حسين ايشوف امعفره --------------- وعبد الله اللي شافه بدمه من حسين ايرده لأمه وكل عماته اينوحن يمه من شافنها النبله بنحره ------------ وگلبه امن الالام اتفطر للشام اويه العيله اميسر يتوچه ينهظ مايگدر بخاطر مكسور وشيجبره ------------ سيد عدنان الحمامي 
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض العادي
|
|
|
|