وفاة السجاد ع --- جرحك يالسجاد اشكبره

جرحك يالسجاد اشكبره -- مذبوح حسين امن اتنظره
-----------
جروحك بالطفوف الظلت ابروحك
وشلون احملتهن سيدي اجروحك
سنين او مابطل ونك ولا نوحك
بالطف كل سهم من انرمه ايلوحك
كلبك مكسور وشيجبره -- مذبوح حسين امن انتظره
------------------------------ 2
عمتك من شفتها اشلون تتصبر
بذيال الحزن والظيم تتعثر
ونته ابعلتّك وبكلب المحير
ماتكدر ترد الخيل ماتكدر
يالروحك بالطف امحيره -- مذبوح حسين امن اتنظره
---------------------------3
ظليت اعله عمتك زينب ابياحال
خيال اليجيها وتدفع الخيال
لخيامك اجتي وسحكت والاطفال
يالسجاد ونته ابولية الانذال
وبصدرك تتكسر عبره -- مذبوح حسين امن اتنظره
---------------------------- 4
للمصرع رحت وتشاهد احبابك
كلها بس جثث يامعظم امصابك
العمك عاتبت مايسمع اعتابك
سهم الصاب ابو فاضل الك صابك
وجفوفه اتشاهدها ابكتره -- مذبوح حسين امن اتنظره
----------------------------------- 5
بالطف من عفتها انحور تنزف دم
وبمجلس يزيداتحملت ياهم
فرحانه الشماته وعالحرم تلتم
واعليك المآسي والحزن خيم
والسان الشامت جالشفره -- مدبوح حسين امن اتنظره
--------------------------6
من بعد النوايب ودعت عمرك
واختمت الحياة او ينختم عمرك
ما واحد جبر من الحزن كسرك
بس عين الالاه الحالك اتنظرك
دمعاتك لو هلت جمره -- مذبوح حسين امن اتنظره
تمتتتتتتتتتتتتتتتتتتتتتتتتتتتتتتتتت