العليلة اوداعها الليلة..

تحرك ركب الحسين وأهله واصحابه(عليهم السلام)متوجهين الى كربلاء الخلود
الحتوف والمنايا بأنتظارهم والملائكة تحوف بهم من كل صوب
ليجعلهم الباري عز وجل خالدين الى يوم الدين..
وذلك من خلال الذكرى المبجلة التي يحييها
شيعتهم لواقعة الطف الخالدة..
تركوا ورائهم العليلة فاطمة بنت الحسين(ع) وحيدة فريدة فارقت أهلها واحبابها..
-----------------------------------------------------------------
بوذية
-------
اريدك بوية هالليلة تناجيني-- واناجيك
يريت الكربلا اوصلَك--واناجيك
لون اكدر اخلصك من الكوم--وانجَيك
انه اببَعدك زادت همومي علية
,,,,,,,,,,
روحي من الفراك الصبر مل منهه-- وملهه
انه المنتظره وعدك يبوية اوخاب --أملهه
سلواهه العليلة الحزن وأم الهه-- واملهه
وحيدة اوجارت أيامي علية
,,,,,,,,,,,,,,,,,,,,,,,,,,,,,,,,,,
المستهل
-------
العليلة لبست الاحزان صار اوداعها الليله
راحو عنها اعز الناس المن همهه تشكيله
"""""""""""""""""""
النص
------
1
منتظرة الوعد والعين تربي عالدرب تنطر
زادت علتي بوية اودنياي ابحزن تمطر
اكَولن بلجي طارش جاي واهنا بالعليلة ايمر
......
اريدن منكم اخبار***فكري اتدوهن احتار
اعيوني لاتبخلين اليوم بدموعج توديله
2
ليش ارحلتو عفتوني حياتي ابغيركم ذله
دخلَو يمي عبدالله لون ابشوفته اتسله
عشت ابهمي واللآم صبري للوعد مله
......
روحي راحت وياكم***قلبي ينعى فركاكم
جفاها النوم لعيوني اوليلي منهو يضويله
3
يريت الروح وياكم دمعتي ساكنه عيوني
مثل حيرانه بين الناس فكري عاشراضنوني
لون اخدمكم ابنفسي هنا بس لاتعيفوني
......
ولو بتراب رجليكم***ظل قلبي يحن ليكم
قسه بفراككم دهري اوحزن أيامي تهديله
4
لاتنسى توديلي عمي لو علي الآكبر
طال اغيابكم يهلي عسى ماصابكم كل شر
وصل طارش لعند حسين نزلت دمعته اتكدر
......
تغيرت كل الاحوال***الطلبنه صبح جتال
مقرنا الغاضرية اليوم وجتلي الكَوم تصبيله
5
شسولفلج عن العباس صريع امكطَعه اجفوفه
شخبرج بعد عالآكبر يريت اعيوني متشوفه
شوصفلج يبوية الحال ابغدر اوشؤوم موصوفه
......
يافاطم اعذريني***اعيش ابهمي خليني
يتيمة ظلت وحيدة قدرها قسه اوشد حيله
------------------------------------------
العليلة لبست الاحزان صار اوداعها الليله
راحو عنها اعز الناس المن همها تشكيله
,,,,,,,,,,,,,,,,,,,,,
نسألكم الدعاء
خادم أهل البيت(ع)
زاهر المعموري الحلي

زاهر المعموري

احسنت واحسن الله اليك

لكم منا دعاء بالعافيه

والتوفيق ان شاء الله

تحياتي ودعائي

السلام عليكم

زاهر المعموري

موفق على هذه الكلمات الرائعه
والله لايحرمنا شرف تواجدك بيننا

رياض الرسل

احسنت كثيرا وعطر الله انفاسك الحسينية

تحيتي الطيبة اليك ياسيد عدنان
وأشكر فضل مرورك الكريم
على ماكتبناه سائلاً الباري عز وجل
أن يديمك لخدمة أهل البيت(ع) ولنا
انه سميع مجيب الدعاء..

الشاعر الحسيني رياض الرسل
لك مني تحية أخوية في حب أل البيت(ع)
شاكراً مرورك الطيب..
نورتنا وربي يوفقك للخير كله..

الاخت الموالية خادمة الشفيع
لك ِ مني فائق التقدير والاحترام
شكراً على المرور الكريم
وفقك ِ الباري عز وجل..