|
#1
09-21-2013, 08:46 PM
|
|||||||||
|
|||||||||
إلبس إبيومه السواد ( موشح في إستشهاد الأمام الجواد عليه السلام )
بسم الله الرحمن الرحيم
اللهم صل على محمد وآل محمد وعجل فرجهم إلبس إبيومه السواد ( موشح في إستشهاد الأمام الجواد عليه السلام ) ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ إگصد الوالي الجــــواد === وإلبس إبيومه السواد ــــــــــــــــــــــــــــــــــــــــــــــــــ ـــــــــــــــــــــــــــ إلبس إبيومه الســـــــــــــواد إو إگصده == عـزي بيه المصطفه إو غيض العـِدَه گــُلــّه ياباب المجد روحي فــِدَه == ما أعوفك سيدي مهما ســِدَه إنتَ كشـّاف الألـــــم === إنتَ للشيعه العلـــــم نادي يابــاب المـُراد === إلبس إبيومه السواد ـــــــ عزي بيه الكاظم إو عوده الرضــــا == هذا أبو الهادي الملاذ إمن اللظه هذا إبن حيدر علينه المرتضه == زايـره إينال الوجاهه والرضه زوره وإتنال الأجـُر === من إلهــــــي هالأمـُر نبعه من خير العبـاد === إلبس إبيومه السـواد ــــ عزي ياشيعي الزچيــّه فاطمه == والعـن الزمره الخبيثه الآثمه سـَمـّت الوالي إبن حامي الحمه == ريــــــت نفديه إو ننال الغانمه هذا إبن طه النبــي === تاسع العتره الأبــــي خيره عم كـُل البلاد === إلبس إبيومه السواد ــــــــــ ريت أفديه الجــــــــــــواد إبمهجتي == ريت أزوره إو يـَمـّه أنزل دمعتي ولضريحه دوم عشگــي إو لهفتــي == عترة الهادي الأمان إبمحنتي وإنتَ ياشيعي إبأمـــل === إنــْخـَه إبن خير العمل إعلن إلأجله الحــــداد === إلبس إبيومه الســـواد ـــــــ عزي ياشيعي الأمــــــام المنتظر == صيح يامولاي حاوطني الخطر من بني العباس أشرار البشــــر == من أميه الجور بالكون إنتشر عادوا إبشرهم إلــــــي === مالي غيرك ياولـــي من تجي إو تعلن جهاد === إلبس إبيومه السواد ـــــ آني يامحجوب أنتظرك زمان == غاب بالدنيه يمولانه الأمان رأفتك محتاج والحب والحنـــــــــــــان == واني جندي إوياك أمشي الكــُل مكان وأمشي وأحضر مأتمه === والگلــــب ينزف دِمــَه ينجرح يبچــي الفــؤاد === إلبس إبيومه الســـواد ــــــ حيــّر النــــــــــــاس إبذكاءه والعلم == حاوي إعلوم النبي إو عنده الحلم من بعيد إعطور أبو الهادي تشم == لو إجيــت إو عندك الحب والفهم لو إجيته إبحضرته === روحك إتمس يمنتــه إلعن أرباب الفساد === إلبس إبيومه السواد ــ لو إجيت إبطلبتك گاصــــــــــد إلــَه == تلگــــه أبو الهادي ينادي ياهــَلــّه من إله الناس هاي المنزلــه == والشرف والعز يشع يستاهله يگضي الحاجه إلــَك === لجله مخلـــوق الفلك هذا ينبوع الرشـــاد === إلبس إبيومه السواد ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ مع تحيات شاعر اهل البيت / جابر النجفي إسمعوا القصيده على هذا الرابط http://www.wlidk.net/dldkm083220.mp3.html 
|
| مواقع النشر (المفضلة) |
«
الموضوع السابق
|
الموضوع التالي
»
العرض الشجري
|
|
|
|