يمه ماتجي يحسين -- اتشوفه الراس ابوك اشبيه -- وفاة الامام علي ع

-------- وفاة الامير ع

------------


يمه ماتجي يحسين -- شوفه الراس ابوك اشبيه

بلجن ينظر الوجهك -- خويه لمن اتحاجيه
----

زينب من اجاها الصوت -- وضجه بمسجد الكوفه
اباب الدار وتعاين -- امصاب اكبالها اتشوفه
لن الحسن ويه حسين -- وابوها الوانه مخطوفه
صاحت والدمع بالعين
يبن امي يخويه حسين
امنين الشايلينه امين
ينزف عالوجه دمه -- وللشيب الدمه امحنيه
------------------
جاوبها الحسن يختي -- لطمي وجهج او وني
منج راح ابويه راح -- يختي او راح هم مني
يزينب وانكطع ظنج -- وآنه ينكطع ظني
امن الدم ماوكف نزفه
ابراسه طبرته كلفه
ماظنه بعد يشفه
بفراش المنيه اليوم -- يزينب والدي نيميه
--------
لطمت راسها بالحال -- ابوها شافته منصاب
زينب وشيظل بيها -- ركظت عالابو امن الباب
ابلهفه حظنته اتشمه -- سالم لي يليث الغاب
يحيدر زادت اجروحي
لايسكن بعد نوحي
نزيف الدم حرك روحي
ما ادري بجرح راسك -- يشفه لو امل مابيه
-----------------
وسفه صفكت الحره -- زينب والدمع فجر
اشلون اللي جتل مرحب -- شيبه بالدمه امعفر
بويه يابطل صفين -- يالجفك دحه خيبر
عليك امن الوسف انحب
وخل جمر الحزن يلهب
يشيب البلدمه امخضب
لو شح الدمع بالعين -- دمعي من دمه اجريه
-----------
يم راسه تون زينب -- وحسين وحسن يمها
تمسح دم البشيبه -- رادت بس يكلمها
عزيزة فاطمه اتكله -- تحلفه ابفاطمه امها
بلجي ايحن يحاجيها
ابعينه ايعاين اعليها
يتيمة امها يدريها
لاجن حيدر ابياحال -- غمض عينه وسبل ايده
-----------
من شافته بهل الحاله -- زينب ظلت بحيره
ابوها جن يودعها -- وماعدها ابو غيره
صرخة يالحسن خويه -- عالقبله الابو ديره
خويه جن غمض عينه
نحاجيه مايحاجينه
الفكده ابحزن خلينه
بناته حكنه من انوح --ونلطم يبن ابويه اعليه
-------------
نلطم حيل يبن امي -- واخذ ابعيد المشيعين
وخلي والدي بالدار -- تشبع شوف منه العين
مانرضه تشيلونه -- امنين امصابه جانه امنين
لبونه عوض مانلكه
ولانكدر على الفركه
صرخة زينب بحركه
لو راح الابو امن الدار -- ابداره كل ركن ينعيه
------------
سيد عدنان الحمامي

لطمت راسها بالحال -- ابوها شافته منصاب
زينب وشيظل بيها -- ركظت عالابو امن الباب
ابلهفه حظنته اتشمه -- سالم لي يليث الغاب
يحدير زادت اجروحي
لايسكن بعد نوحي
نزيف الدم حرك روحي
ما ادري بجرح راسك -- يشفه لو امل مابيه
بارك الله بك واثابك على كل حرف مولاي العزيز

وعظم الله اجوركم بمصاب جدكم الامام علي عليه السلام

روحي وارواح العالمين له الفداء

الله الله الله الله الله الله الله الله الله الله

الله الله الله الله الله الله الله الله الله الله

جميييييييييييييله جدا ماكتبتم في حق جدك الامير سلام الله عليه

ونحن نترقب كل جديد من ابداعتك العلويه

وسلمت يمناك عله ماتكتب في حق اهل البيت ع

وسئل الله العلي القدير ان يوفقك وان يطول النا بعمرك

وتصبح النا نور ننير بيه هذه المنتدى المبارك

مع خالص تحياتي ومنياتي لك نابعه من القلب ليك ياسيدنا الغالي

اللهم صل على محمد وعلى ال محمد وعجل فرجهم
اللهم العن قتلة امير المومنين واللعن من ظلم العترة الطاهرة
احسنتم سيدنا الغالي طيب الله انفاسكم
على الكلمات الولائية المعبرة والروعة
الزكيةدعائي لك سيدنا العزيز ان يحفظك الرحمن ويسددك بالقول والفعل احترامي وحبي
خادمكم
محمد ابورغيف