|
#1
05-27-2013, 08:14 PM
|
|||||||||
|
|||||||||
مسجـــــون كضـــّيت العمـــــر
بسم الله الرحمن الرحيم
اللهم صل على محمد وآل محمد وعجل فرجهم مسجون گضّيــت العمر ــــــــــــــــــــــــــــــــــــــــــــــــــ إحسانــــك إيفيض === ياكاظــــم الغيـــظ صبرك تعدّه كل صبُر === مسجون گضّيت العمُر ياكاظــــم الغيــــظ ــــــــــــــــــــــــــــــــــــــــــــــــــ ــــــــــــــــــــــ مولاي دمعاتي تصُــب == والروح بيها الأحزان من أذكر إسنين السجن == گلبي ينادي إو ولهـــــــان ريت العمُرفدوه إلــــــك == وإتعيش ياعالي الشان ريت إنسجن يمّك وحِل == وأكســــــر إيدين السجّان وأهتف يمظلــــوم === من محنتك گـــــوم گلبك غده يلهب جمُـر === مسجون گضّيت العمُر ياكاظــــم الغيــــظ ـــــــــ عشگــي إلك ما ينتهي == مولاي واني المحتــــــــار ياطلبه أطلب ياسخــــــــي == منّك يبن حامي الجار ما يصعب إعليك الصعب == ينطيك ربنـــــه الجبّــــــــار هدّاتك إتفوق الوصـف == وإتشوف سرها الزوّار وإغيومــي إتذوب === يمّك يمهيـــــوب أنوارك إعليّه تمُـــــر === مسجون گضّيت العمُر ياكاظــــــم الغيــــــظ ـــــ خافوك أرباب الظلـم == ياموسى يابو الطيبات سجنوك ظنّوا تنتهي == لا ما تموت الآيـــــات هذا الرشيد إو زمرته == خلّــي يُجرها الحسرات لو شاف أنوارك تشع == يبچــي إو يصبهــا الدمعات وإقصوره إتطيح === من شدّة الريــح وإنتَ العليت إبلا قصُر === مسجون گضّيت العمُر ياكاظــــــم الغيـــــظ ــــــــ ياراهب العتره المجد == منّك يغـــــار إو خجلان والحاربك ياسيــــــــــدي == دنيه إو بعدها خسران أصبح حليف المُنكره == وإنتَ حليف القــــــرآن إنتَ إلبگيت إبسجدتك == والسجده صارت عنوان صارت لياليك === مِتْنوّرَه بيـــك ساجد تظل حتى الفجُر === مسجون گضّيت العمُر ياكاظــــــم الغيــــــظ ــــــ ساگــك تهشّم وإنكسر == مـــــــن الثگل والأغــــــــــــلال والساگ ناغاه الضلــــــع == ضلع الزچيّـــــه المازال يزرع مآسيه إبألم == وإبروحــــــــــك إو بالدلال ياريت ويّاك إبسجن == أهل الرذيله الأنـــــذال تندار الجــــــروح === يمّي تجي إتنوح وإينال رجليني الكسُر === مسجون گضّيت العمُــــر ياكاظـــــم الغيــــــظ ـــــــــ باب الحوايج أصبحت == بالنايبـــــــات المأمــــــــــول صرت الطبيب الشيعتك == يشفــــــــــــــي دواك المعلول يمّك يطيب إبلحظته == والهم يعيفــه وإيزول الله يرحمه إبرحمتـــــــه == عندك دعاءه مقبول من ربّك الجاه === صبرك فلا تـــــاه لازم جُراحك تنتصُر === مسجون گضّيت العمُر ياكاظــــــم الغيـــــظ ــــــــ هذا العزاء الفاطمه == وإنعزّي بيه المُختــار وإنعزّي جعفر والرضا == وإنعزّي مهدي الأبـــرار وإنصيح إنهض سيدي == أنصارك إتنادي الثـــــار شنهو الذنب فوگ الجسر == موسى رموه الأشــــــــــــرار من نعشه أنوار === شعّت يمغـــوار وإحنه نريدك ننتظـــر === مسجون گضّيت العمُر ياكاظــــــم الغيـــــظ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ مع تحيات شاعر اهل البيت / جابر النجفي إسمعوا القصيده على هذا الرابط http://www.wlidk.net/dldbno65748.mp3.html 
|
|
05-28-2013, 04:32 PM
|
#3 | |
|
المراقبين
|
السلام على راهب بني هاشم
شاعرنا القدير طيب الله انفاسك وبارك الله فيك قصئدة رائعة وفقك الله بحق الامام الكاظم ع |
|
اللهم صلِّ على محمد وعلى آله الطيبين الطاهرين
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض العادي
|
|
|
|