|
#1
02-09-2012, 08:08 AM
|
||||||||||
|
||||||||||
وفاة الزهراء ع -- مجموعة قصائد
المستهل -- جفنها ايسيل ميه -- اويلي عالزجيه عليها الحزن خيّم -- ضلع منها تهشم --- ياعصرة لباب الهظمت الزهره -- ياجر الليالي المابعد يبره ياخد الزجيه البيه اثر سطره -- شيجبره الضلع مكسور شيجبره دمع جرّح جفنها -- تشب جمرة حزنها مو ماي الدمع دم -- ضلع منها تهشم -- ظلت بالحزن تكضي لياليها -- وماغير الدمع هوه اليسليها يبجيها الوكت وسفه يبجيها -- هاذي بت محمد والاسى بيها حزنها ايذوب اكلوب -- اشد من حزن يعكوب بس الباري يعلم -- ضلع منها تهشم -- نبينه لامته بالزهره وصاها -- ياذيني الذي من بعدي آذاها كلها اتشوف جان ايبوس يمناها -- مسروره بوجود الباري عيناها لجن من راح ابوها -- غصص ويجرعوها مآسي اعليها تلتم -- ضلع منها تهشم -- هاي ام الحسن جنها اصبحت خطار -- مابين البواجي وبين ناس اشرار مابين الذي هتكوا حرمته الدار -- نار اتلاهبت ياهو اليطفي النار توّن ساعة العصره -- تصيح احاه يكسره ابجف اللي ميرحم ضلع منها تهشم -- ضلع ام الحسن وبلا جنايه انصاب -- جنين الطاح منها والمصاب امصاب لمن فاطمه لاذت وره ها الباب -- وجهت للصميده الونه بيها اعتاب تصيح امن الالم صوت -- تمنت فاطمه الموت النبي بكبره تالم -- ضلع منها تهشم --- وصت فاطمه لوغمضت اعيوني -- وبثوب العليه من تغسلوني ابظلام الليل ياحيدر تشيعوني -- وكبري اتضيعوه لمن تدفنوني اروح ابهظم عمري -- لبويه واشكي امري وجنيني اللي ميسلم -- ضلع منها تهشم -- سيد عدنان الحمامي ======== 2 ======== ======= 
|
|
02-10-2012, 10:30 AM
|
#5 | |
|
مشرف
|
الله الله الله الله الله الله الله الله الله الله الله
جميييييييييييييييييله جدا جدا جدا جدا هذه القصيده بحق جدتك الزهراء وان شاء الله تكون شفيعتنه بيوم القيامه وسئل الله لك الموفقيه بهذه الخدمه الجليله تحياتي ودعائي لوالدنه الغالي |
|
|
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض العادي
|
|
|
|