ماسك لترطيب الشعر التالف والجاف بعد حراره الاستريتنر والاستشوار

بسم الله الرحمن الرحيم
السلام عليكم ورحمه الله وبركاته

هذا اول موضوع لي هنا وحبيت اشاركم في طريقه اهتمامي بشعري ..
ولما اشوف تفاعل رح اكمل وكل فتره بنزل لكم اي شي استخدمه وايش نتايجه على شعري ..

اليوم رح اقول لكم عن تجربتي في تهبيط مندري تهجيد شعري يعني ماينتفش
انا كل خميس احط حنا مرتين بالشهر ويوم الجمعه اخليه يرتاح
والسبت احط هالماسك بشعري عشان يرطبه ويخف النفشه على حسب الاستمرار
مو تسوينها مره او مرتين وتوقفين .. لا يامي اي شي طبيعي يبيله صبر واستمرار ..

المقادير ~
1- ملعقتين كبيره مايونيز
2- ملعقه كبيره زبده (اي شركه عادي ماتفرق)
3- سمسم (على حسب طول شعرك انا احط 5 ملاعق كبيره)
4- ملعقه كبيره خل (عشان م تجيني قشره وحتى لو فيك قشره رح تختفي + يعطي لمعه بالشعر)
5- ثلاث ملاعق زيت (اي زيت تفضلين حطيه)
6- ادق فصين ثوم (عشان يكثف)
7- علبه زبادي (مو ضروري لان احيانا مايتوفر بالبيت)

الطريقه ~
1- اول شي حطي الزبده على النار وسيحيها .. واحمسي السمسم واطحنيه بمقلى ثاني غير الزبده
2- اخلطي المقادير مع بعض وصبي الزبده عليهم وحركيهم شوي وخليهم نص ساعه كذا
3- حطيه على راسك واهم شي الجذور عشان الثوم ينبت شعر جديد ويكثف وكمان بالاطراف عشان تلين الشعره
, انا زمان كنت احط الماسك هذا وارفع شعري عادي .. بس اخر اسبوعين صرت احط كيس الشعر او عادي كيس البقاله
بس خفسيه عشان يتنفس شعرك وماتكتمينه .. بعدين حطي فوق الكيس طرحه قديمه ما تستخدمينها
وربي يا بنات والله الشاهد على كل حرف كتبته لكم انه يرطب شعري خصوصا بالكيس والطرحه لكن ا س ت م ر و ا
وماله مضار بعد الله لان كلها مواد طبيعيه ..

ملاحظه ~

1- اول كنت احط بيضه لكن سمعت ان البيض يسبب فطريات وتقرفت وماعاد حطيته
2- طبعا لا تتقيدون بالمقادير لان كلها من مخي وكل وحده طول شعرها يختلف لكن النتيجه وحده
3- انا اخليه 4 ساعات واحيانا 2 عادي اللي يريحك

اتمنى ترجعون بعد شهر يعني قد حطيتوها 4 مرات وعطوني رايكم
كل اللي ابيه دعوه في ظهر الغيب وان ربي يفرج لامي ..
عذرا على الاطاله