.::||[ آخر المشاركات ]||::.
المهدوية في آخر الزمان‏ [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 24 ]       »     وانفصمتْ والله العروةُ الوُثقى... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 24 ]       »     21 رمضان .. ذكرى أليمة استشها... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 20 ]       »     نتقال الامام الى روضة الخلد وا... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 21 ]       »     مجلس شهادة أمير المؤمنين الإما... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 24 ]       »     الامام علي ابو الأيتام [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 22 ]       »     عقيلة الطالبيين مدرسة لنسائنا ... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 23 ]       »     كيف نكون قريبين من الإمام المه... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 19 ]       »     الإمام علي قدر هذه الأمة وقدره... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 23 ]       »     ما سَرُ تَعلق اليَتامى بالإمام... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 22 ]       »    



 
 عدد الضغطات  : 14554
 
 عدد الضغطات  : 5124


الإهداءات



إضافة رد
#1  
قديم 10-20-2011, 09:21 PM
نـــائب المدير
المعارف غير متواجد حالياً
    Male
اوسمتي
وسام الاداري المميز Default Medal المشرف المميز العضو المميز 
لوني المفضل Cadetblue
 رقم العضوية : 118
 تاريخ التسجيل : May 2011
 فترة الأقامة : 4687 يوم
 أخر زيارة : 10-30-2012 (10:36 PM)
 المشاركات : 1,850 [ + ]
 التقييم : 10
بيانات اضافيه [ + ]
Arrow يوم التاسع من محرم ---- في حق الاكبر ع --- الاكبر ع ---



يوم التاسع من محرم ---- في حق الاكبر ع --- الاكبر ع --- من طب الميدانه الاكبر -- صاحوا حيدر حيدر حيدر
بسمه تعالى

سلام عليكم

--

من طب الميدانه الاكبر

--

للميدان ايطب بعزمه

الأكبر راوه الموت الخصمه

طش العسكر سيفه ولمه

أعليهم كرّة حيدر من كرّ

صاحوا حيدر حيدر حيدر

--

كرّة حيدر من كرّ بيهم

بالسيف أمن أيميل اعليهم

تتراجف منّه ايخليهم

صاح آنه ابن حسين وكبّر

صاحوا -- حيدر -- حيدر -- حيدر

تتعثر عدوانه أگباله

وفرت كل ذيچ الخياله

وعيون حسين التبراله

وأمه أمن الخيمه تتفكر

صاحوا -- حيدر -- حيدر -- حيدر

--

تتفكر أمه وتدعيله

ابلا معصب بالخيمه وشيله

وحسين اينادي ياليله

چبدي اعله الاكبر يتفطر

صاحوا -- حيدر -- حيدر -- حيدر

--

يتفطر چبدي اعله اوليد

من ايديچ راح ومن ايدي

ياليله لونينچ زييدي

بالميدان ابدمه اتعفر

صاحوا -- حيدر -- حيدر -- حيدر

--

سيد عدنان الحمامي




 توقيع : المعارف



رد مع اقتباس
قديم 10-20-2011, 09:21 PM   #2
نـــائب المدير


الصورة الرمزية المعارف
المعارف غير متواجد حالياً

بيانات اضافيه [ + ]
 رقم العضوية : 118
 تاريخ التسجيل :  May 2011
 أخر زيارة : 10-30-2012 (10:36 PM)
 المشاركات : 1,850 [ + ]
 التقييم :  10
 الجنس ~
Male
لوني المفضل : Cadetblue
افتراضي



عالاكبر هلّت عينك -- الله يحسين ايعينك -- للاكبر ع
بسمه تعالى

سلام عليكم

--

--

--

عالاكبر هلّت عينك -- الله يحسين ايعينك

للحومه لمن راح -- بيد المايرحم طاح

--

ابياحال زينب من اجت يم حسين

بيها الحزن وگفت تهل دمع العين

يحسين الاكبر روح الك ورياحين

راح وبعد لخيامه مارد للحين

مارد يحسين اوليدك -- الاكبر ليروح امن ايدك

صوت المنايا صاح -- بيد المايرحم طاح

--

ابنك علي يحسين راح ومارد

والعسكر ابميدانه يزحف واشتد

وهذي الرماح البلزحف ماتنصد

ونبال كلها امهيأه وماتنعد

واحد وآلاف اتضده -- والاكبر ضدهم وحده

وجيش اللي ماينزاح -- بيد المايرحم طاح

--

يحسين عالاكبر رجف گلبي بخوف

عمته واريد العمته تعمل معروف

ابميدانه خويه روح للاكبر شوف

كلها الجيوش اتجمعت ضده اصفوف

عج الخيل امن اتشوفه -- وشاهر هالجيش اسيوفه

ورايات وكثره ارماح -- بيد المايرحم طاح

---

لحظات صعبه اللي تمر وخطره

زينب اويه حسين وصبرها صبره

ينظر للاكبر عالبعد وتنظره

گبل الابو رايد يضحي ابعمره

بيهم من صاح وكبّر -- شبل حسين آنه الاكبر

ابوجهه النور الوضاح -- بيد المايرحم طاح

--

ينظر حسين وعمته زينب تنظر

عالجيش حيدر شاهدوه من ايكرّ

من صولته الشجعان تجفل وتفر

ومن يضرب ايسمعوه ابسيفه ايكبّر

للفارس من اينظره -- يشرد من سيفه ايجبره

والموت ابسيفه لاح -- بيد المايرحم طاح

--

بكر ابن غانم من برز للاكبر

شافه علي الكرار هذا اتحير

مايسلم الاّ من امامه لوفرّ

وبضربه وحده بكر ابن غانم خرّ

ياخذ هالراس ابسيفه -- يلعب بالجيش ابكيفه

هالثاير للاصلاح -- بيد المايرحم طاح

--
سيد عدنان الحمامي


 
 توقيع : المعارف




رد مع اقتباس
قديم 10-20-2011, 09:22 PM   #3
نـــائب المدير


الصورة الرمزية المعارف
المعارف غير متواجد حالياً

بيانات اضافيه [ + ]
 رقم العضوية : 118
 تاريخ التسجيل :  May 2011
 أخر زيارة : 10-30-2012 (10:36 PM)
 المشاركات : 1,850 [ + ]
 التقييم :  10
 الجنس ~
Male
لوني المفضل : Cadetblue
افتراضي



گوم للميدان الاكبر شاهده -- للاكبر ع
بسمه تعالى

سلام عليكم

--

--

گوم للميدان الاكبر شاهده

خاف تتولاه يحسين العده

--

زينب اويه حسين محتاره صفت

ودمعة العين اعله خد زينب غفت

خويه گالتله النوايب چن لفت

اوداع الاكبر حزن گلبي ايجدده

--

راح الاكبر گلبي من راح انصدع

جيش عدوانه عليه فزعه فزع

هاي اظن يحسين گلبك ماهجع

ابنك ابين الاشرار اتشاهده

--

گوم بعيونك يبو اليمه تشوف

امحاوطه الاكبر عددها بالالوف

شبچت ارماح العده اعليه والسيوف

مايخافون الله گوم اهل الرده

--

روحله يحسين لينه مارجع

خاف بين اخيولها الاكبر وگع

شلون ابنك علي لوشفته انصرع

گلبك اعله اوليدك الله ايساعده

--

ابنك اول شاب للحومه نزل

وصاح بيهم آنه ابن خير العمل

سالم ايعود النه ماظل كل امل

سهم فگده القدر بس ليسدده

--

الك ريحانه وعزيز ابنك علي

وچان همك من تشوفه ينجلي

خاف لايحسين ابنك ينولي

وجرح فگده لونزف شيضمده

--
سيد عدنان الحمامي


 
 توقيع : المعارف




رد مع اقتباس
قديم 10-20-2011, 09:22 PM   #4
نـــائب المدير


الصورة الرمزية المعارف
المعارف غير متواجد حالياً

بيانات اضافيه [ + ]
 رقم العضوية : 118
 تاريخ التسجيل :  May 2011
 أخر زيارة : 10-30-2012 (10:36 PM)
 المشاركات : 1,850 [ + ]
 التقييم :  10
 الجنس ~
Male
لوني المفضل : Cadetblue
افتراضي



ودعته يحسين الاكبر -- للاكبر ع
بسمه تعالى

سلام عليكم

--

--

--

ودعته يحسين الاكبر

--

الساحة حربه من اتودعه

خاف اسيوف اعداك اتبضعه

يحسين وياصوت اتسمعه

الاكبر بالميدان امطبر

--

بالميدان الاكبر تسمع

وشفته بعينك من اتبضع

يحسين الاكبر مايرجع

اشلون اعله افراگه تتصبر

--

يحسين او بالمصرع شوفه

ارماح اعداك اعليه وسيوفه

يتولوه يحسين اتعوفه

ابهل الحاله يولا ماتگدر

--

جيبه امن المصرع لخيامه

للاكبر طبروله الهامه

ورحك مهمومه ومنظامه

من عينك شافت هالمنظر

--

يحسين وخليه يم امه

اتشد اجروحه وتمسح دمه

وعيالك هاي الملتمه

دمع الناظر منها اتفجر

--

گلبك يحسين الله ايعينه

راح الاكبر عنك وينه

العمرك ضحه بهاي اسنينه

رادك بس تسلم من الشر

--
سيد عدنان الحمامي



 
 توقيع : المعارف




رد مع اقتباس
قديم 10-20-2011, 09:23 PM   #5
نـــائب المدير


الصورة الرمزية المعارف
المعارف غير متواجد حالياً

بيانات اضافيه [ + ]
 رقم العضوية : 118
 تاريخ التسجيل :  May 2011
 أخر زيارة : 10-30-2012 (10:36 PM)
 المشاركات : 1,850 [ + ]
 التقييم :  10
 الجنس ~
Male
لوني المفضل : Cadetblue
افتراضي



--- وين اتريد يالاكبر اريد اوياك -- -- -- للاكبر ع
بسمه تعالى

سلام عليكم

--

--

--

وين اتريد يالاكبر اريد أوياك -- سالم بس تظل فدوه التعب برباك

--

أمك وتعبت برباك من ربيت -- وصرت انته ضوه يبني وعمود البيت

وهاكبرك ينبعه من صرت سريت -- تمشي شلون لا يالاكبر اترجاك

--

أترجاك يبني أگعد أگبالي -- يازهرة حياتي ونبعة آمالي

يوليدي يالأكبر ارحم بحالي -- تعمه اعيوني يوليدي عگب عيناك

--

بيّه اشلون يالاكبر دحاجيني -- عني اتغيب لا لتغيب تاذيني

يبني مهجتي انته وضوه عيني -- من ايدي اضيعك يبني وين الگاك

--

وين الگاك يبني لو رحت يبني -- عزيز وفرگتك يبني تشيبني

جاوبني يالأكبر يلله جاوبي -- عمري والعمر ماينفع ابلياك

--

ابلياك العمر وحشه لياليه -- لو شمسك بعد ماتطلع اعليه

اوليدي والأمل گلت أگعد ابفيه -- كل يوم اندعيلك يالولد يرعاك

--

يرعاك الالاه الصورك ادعي -- لو مهموم اشوفك ينطوي ضلعي

ماترضه يالاكبر من يهل دمعي -- الموت الموت أهون يبني لافرگاك

--

لا فرگاك أحمل يبني شيحمله -- ماشوفك ييمه أعليه مو سهله

ليّه اتعود سالم اظل متأمله -- تنساني ييمه لاتظن انساك

--

هم انسه اليالي البيها باريتك -- يانور اليشع لمن تطب بيتك

هاي اسنين تكبر يبني تانيتك -- تحرمني يالاكبر ياسبب دنياك

--

سيد عدنان الحمامي


 
 توقيع : المعارف




رد مع اقتباس
قديم 10-20-2011, 09:24 PM   #6
نـــائب المدير


الصورة الرمزية المعارف
المعارف غير متواجد حالياً

بيانات اضافيه [ + ]
 رقم العضوية : 118
 تاريخ التسجيل :  May 2011
 أخر زيارة : 10-30-2012 (10:36 PM)
 المشاركات : 1,850 [ + ]
 التقييم :  10
 الجنس ~
Male
لوني المفضل : Cadetblue
افتراضي



بسمه تعالى

سلام عليكم

--

--

--

المستهل

--

خذت عمري خذت عمري -- يالاكبر مو خذت عمري

تظل عين أمك اربيه -- هم ترجع بعد ليّه

---

ياروح اليظل بيها النفس ياروح -- أم اتشوف ابنها امن النحر مذبوح

أشلون أسكن بعد من ونتي والنوح -- لخلي أعليك جفني امن الدمع مجروح

يمهجتها يمهجتها -- عزيز أمك يمهجتها

جفني دم جره ميّه -- هم ترجع بعد ليّه

--

غدت روحي عليك أترفرف وحنّت -- من جسمي أجت للمصرع اتعنت

يبن حسين اظن تسمعها من ونت -- الموت الموت أمك گبلك اتمنت

يلحدوني يلحدوني -- عسن گبلك يلحدوني

ولا روحي تظل بيّه -- هم ترجع بعد ليّه

--

تمنيت المنيه ولاعشت يومي -- ولاسدوه عليك البسهن أهدومي

هاي امك يالاكبر يمك أتحومي -- على امتون التشيلك بيدها تومي

على متني على متني -- اشكثر شلتك على متني

واهزك يبني بيديه -- هم ترجع بعد ليّه

--

سنين ارباك بيهن جاهدت يبني -- وسهر ليلي وتعب چبدي يشيبني

حاربني زماني ليش حاربني -- اخطفك مني ابمناحه والحزن ذبني

أخذ مني أخذ مني -- تعب عمري أخذ مني

وطفه الناظري ضيّه -- هم ترجع بعد ليّه

--

طفه ناظري وماوچد ابعيني -- وين الگه الصبر عالصبر دليني

العمرك لو يصح أشريه بسنين -- ولا عدوانك الذبحك تراويني

يصبرني يصبرني -- بعد ياهو يصبرني

وأشوفك جثه مرميه -- هم ترجع بعد ليّه

--

جثه الخيمتك ردك ابوك حسين -- وعليك اتبللت شيباته من العين

عزيز انته يالاكبر چنت اله ارياحين -- لبوك امنين اجته هالمصيبه امنين

حنه ضلعه حنه ضلعه -- على امصابك حنه ضلعه

الوّنه ابروحه مخفيه -- هم ترجع بعد ليّه

--

--

ابوذيه

---

--

مثل جده علي الاكبر من هاد

وگلب ليله ونينه اعليه من هاد

رجع لحسين من العطش من هاد

يگله العطش چن أثر عليه

--

--

صبح حنظل على امصابك شهدها

يالاكبر والدك جثتك شهدها

تعال امك عله القبله شهدها

على فگدك تنازع بالمنيه


-----



سيد عدنان الحمامي


 
 توقيع : المعارف




رد مع اقتباس
قديم 10-20-2011, 09:26 PM   #7
نـــائب المدير


الصورة الرمزية المعارف
المعارف غير متواجد حالياً

بيانات اضافيه [ + ]
 رقم العضوية : 118
 تاريخ التسجيل :  May 2011
 أخر زيارة : 10-30-2012 (10:36 PM)
 المشاركات : 1,850 [ + ]
 التقييم :  10
 الجنس ~
Male
لوني المفضل : Cadetblue
افتراضي



يازينب الاكبر وين -- راح وبعد مارجع ------- --- گعده ----


كعده -- كعده --- كعده ---
بسمه تعالى

سلام عليكم

---

--

--

گعده

--

المستهل

--

يازينب الاكبر وين -- راح وبعد مارجع

ودعته ظامي وعطشان -- لمن نزل للميدان

راح وبعد مارجع

--

صار مصباح النزال او ودع حسين الحبيبه

وصار بس الموت يمشي ويعثر بارض المصيبه

ياشباب اليوم رايد يختم ابدمه مغيبه

اول فتى الساحه نزل -- والموت من يمه جفل

هذا ابن خير العمل -- للنصر رايد يجيبه

ألأكبر شبيه المختار -- شمرة علي شمرته

سمعوه يرتل القرآن -- لمن نزل للميدان

راح وبعد مارجع

--

گبل ميودع حسين الاكبر العماته ودّع

وصوت مكسور وحزين ابخيمة أمه منها يسمع

يبني ياول شباب الرايح ابهمّته المصرع

ياعلي الاكبر انتظر -- ميدان حربك هالخطر

خليني أشمك واصطبر -- وروح سالم يبني ترجع

حظنت الاكبر بالروح -- وبمنحره قبلته

ودعته الزين الشبان -- لمن نزل للميدان

راح وبعد مارجع

--

مشه الساحات الكرامه ابصارمه تحدي المنيه

آنه الاكبر صاح بيهم جدي حماي الحميه

وينكم هل من مبارز دمه أشربه للوطيه

شبل الحسين آنه هتف -- تعرفني ساحات الشرف

من عنده كل فارس رجف -- وخذل كل عسكر أميه

يبذل الدينه العمر -- ويه الابو ابنهظته

امنور بنور الايمان -- لمن نزل للميدان

راح وبعد مارجع

---

ساعه لن يرجع الاكبر يلتهب بيه عطش چبده

راد من حسين رويه بلچي ماي ايشوف عنده

حسين من العطش ظامي بيش چبد أبنه يبرده

لاماي ظل بمخيمه -- واطفال كلها بالظمه

صبّره حسين وكلمه -- وخله خد أبنه اعله خده

جدك محمد يرويك -- يوليدي من الظمه

رد للمنيه عطشان -- لمن نزل للميدان

راح وبعد مارجع

--

رجع للميدان ظامي تلتهب جمرة دليله

وراح للخيمه الحسين اوگال ياليله اندعيله

رفعت ايديها يربي گلبي برّد له غليله

سالم الاكبره عوّده -- وتحرسه من كيد العده

وتحفض الاهي والده -- وهم البروحي تزيله

يالرجعتله اليعگوب -- يوسف بعد غيبته

لأبني ترد يارحمن -- لمن نزل للميدان

راح وبعد مارجع

--

ظلت أمن الخيم تربي عين الحسين اعله دربه

ابو يتنطر اوليده عالابو هالحاله صعبه

بلچي الاكبر يرذ سالم للحسين ايسر له گلبه

مارجع طاح ابحومته

اسيوف الاعادي اتولته

اعيون الحسين الشافته

راح الاكبر يبو اليمه گبل دمك ضحه دمه


---

سيد عدنان الحمامي



 
 توقيع : المعارف




رد مع اقتباس
قديم 10-20-2011, 09:26 PM   #8
نـــائب المدير


الصورة الرمزية المعارف
المعارف غير متواجد حالياً

بيانات اضافيه [ + ]
 رقم العضوية : 118
 تاريخ التسجيل :  May 2011
 أخر زيارة : 10-30-2012 (10:36 PM)
 المشاركات : 1,850 [ + ]
 التقييم :  10
 الجنس ~
Male
لوني المفضل : Cadetblue
افتراضي



البكر ابن غانم من برز -- گال الفتى هذا امنين -- في حق الاكبر ع

بسمه تعالى

سلام عليكم

------

--

المستهل

--

ميدانه -- ميدانه -- لمن نزل ميدانه

كلها تفر من هالشاب -- صاحوا علي داحي الباب

لمن نزل ميدانه

-----

الاكبر شبيه المصطفى -- حامل فراسة حيدر

نور الامامه اموشحه -- ابعطر النبوه امعطر

من الحسين المعرفه -- منه اخذ كل مصدر

علم وبلاغه منطقه -- ابجنبه العزم يتفجر

عنوانه -- عنوانه -- شبه النبي عنونه

ناس التشوفه تنهاب -- صاحوا علي دحي الباب

لمن نزل ميدانه

-----------

ابيوم الطفوف ابكربله -- جفّل اگلوب الفرسان

الاكبر ابعزمه وصولته -- خلد درس للشبان

بالحرب لابس لامته -- مّثل علي بالميدان

ماسلم كلمن بارزه -- ايجندل ابسيفه الفرسان

ايمانه -- ايمانه -- ابيوم الحرب ايمانه

من برز يتلاله اشهاب -- صاحوا علي داحي الباب

لمن نزل ميدانه

-----

البكر ابن غانم من برز -- گال الفتى هذا امنين

جاوبه آنه ابن الفحل -- فارس بدرها وحنين

آنه ابن سيد الرسل -- ريحانة الهادي حسين

بتاري هذا ابيمنتي -- والمفر من عندي وين

شريانه -- شريانه -- ينبض وفه شريانه

ميثني وحده لوصاب -- صاحوا علي داحي الباب

لمن نزل ميدانه

----

امن المعركه رد للخيم -- وعين الابو اتباريله

يابويه مس چبدي العطش -- لحسين اجه يشكيله

بيه اثرت نار الظمه -- وحيله تأثر حيله

وبالخيمه ليله امفرّعه -- ام للابن تدعيله

بلسانه -- بلسانه -- السان الابو بلسانه

يرويله چبده اللهاب -- صاحوا علي داحي الباب

لمن نزل ميدانه

----

للمعركه رد ابعزم -- جاهد جهاد الابطال

ميثني وحده لوضرب -- اعليهم ابسيفه لومال

لاچن اخذ منه العطش -- وجمر العطش بالدال

التموا عليه ابلارحم -- طعن برماح الانذال

خوّانه -- خوّانه -- التموا عليه خوّانه

وبهامته سيف انصاب -- صاحوا علي داحي الباب

لمن نزل ميدانه

----

عاين حسين امن البعد -- عالاكبر اتحومي ارماح

لحظه ويشوفه امن المهر -- بالمصرع اوليده طاح

بعدك على الدنيه العفه -- حسين بألم يبني صاح

گلبي يالاكبر ينگطع -- وبطيحتك حيلي راح

عدوانه -- عدوانه -- فجعوا ابوه عدوانه

وأمه بدمعها السچاب -- صاحوا علي داحي الباب

لمن نزل ميدانه

----

سيد عدنن الحمامي


 
 توقيع : المعارف




رد مع اقتباس
قديم 10-20-2011, 09:26 PM   #9
نـــائب المدير


الصورة الرمزية المعارف
المعارف غير متواجد حالياً

بيانات اضافيه [ + ]
 رقم العضوية : 118
 تاريخ التسجيل :  May 2011
 أخر زيارة : 10-30-2012 (10:36 PM)
 المشاركات : 1,850 [ + ]
 التقييم :  10
 الجنس ~
Male
لوني المفضل : Cadetblue
افتراضي



بسمه تعلى

سلام عليكم

----

--

يالاكبر ذاب الدلال -- من الهظم والاهوال

علي يبني -- الدهر ذبني

----

ينسمه ومن اشمنها -- اسنين التعب انساها

وأحس الفرح بوجودك -- سعيده الروح تلگاها

يالأكبر للگلب نبظات -- شمعة عيني وضواها

بي دربي اشوفنه -- يحلوا الطلعه ملگاها

انته الحلم والآمال -- انته الضمد للدلال

بحلم چني -- ترد يبني

-----

انه برباك تعبانه -- يالاكبر ياثمر گلبي

چنت أرعاك واتفكر -- الطولك وأندعي الربي

اللهي اتسلمه وترعاه -- تحفظه سالم ابگربي

تحرسه من شرور الناس -- ولاعين التضرني بي

وأتنطر ايهل اهلال -- يالشوفته اتسر الحال

بحلم چني -- ترد يبني

-----

الجفن عيني الوسن يهجر -- لذيذ النوم يحرمني

لو حسيت بيك اهموم -- يبني همك ايهمني

عندي البهجه من تفرح -- فرح هالدنيه ميلمني

يالاكبر خايفه لايوم -- بحزني وحسرتي اتذبني

وظنيت اتدوم الاحوال -- يالرسمك شاخص عالبال

ابحلم چني -- ترد يبني

---

صدگ چن ابهذاك اليوم -- حل وخايفه منه

لني ابكربله حليت -- ليها حسين يتعنه

بعد ماطلبته الكوفه -- وعهدها نكثته منه

حط الضعن برض الطف -- وأشباح الحزن هنه

وبطيحتك حملي مال -- وبهل الحزن ليلي طال

ابحلم چني -- ترد يبني

------

جِرح سهم الفراگ الروح -- شتل رمح الفراگ احشاي

وبروج الالم والهم -- والحسره صفتلي داي

حظنته والحزن خيّم -- اودعه من عمت عيناي

دمعي ادموم الله اوياك -- گلتله ابلا فكر لا راي

سهم الغدر هالچتال -- چان افراگه مو عالبال

ابحلم چني -- ترد يبني

---

ودعته واخذ عمري -- وراح الوالده ايودعه

تلگاه واحطنه الصدره -- أبو اليمه ويهل دمعه

لجل ناس الخذاها الشر -- وراحت تطفي هالشمعه

ركب مهره نبع روحي -- لابس لامته ودرعه

واعله العدو اوليدي صال -- چن حيدره هالخيال

ابحلم چني -- ترد يبني
-----------
سيد عدنان الحمامي


 
 توقيع : المعارف




رد مع اقتباس
قديم 10-20-2011, 09:27 PM   #10
نـــائب المدير


الصورة الرمزية المعارف
المعارف غير متواجد حالياً

بيانات اضافيه [ + ]
 رقم العضوية : 118
 تاريخ التسجيل :  May 2011
 أخر زيارة : 10-30-2012 (10:36 PM)
 المشاركات : 1,850 [ + ]
 التقييم :  10
 الجنس ~
Male
لوني المفضل : Cadetblue
افتراضي



وين اتريد يالاكبر اريد اوياك --

بسمه تعالى

سلام عليكم

----

--

وين اتريد يالاكبر اريد اوياك

سالم بس تظل فدوه التعب برباك

----

امك وتعتبت برباك من ربيت

وصرت انته ضوه يبني وعمود البيت

وهاكُبرك ينبعه من صرت سريت

تمشي اشلون لا يالاكبر اترجاك

----

اترجاك يبني اگعد اگبالي

يازهرة حياتي ونبعة آمالي

يالاكبر ييمه ارحم ابحالي

تعمه العين يبني من بعد عيناك

----

بيه اشلون يالاكبر دحاچيني

عني اتغيب لا لتغيب تاذيني

يبني مهجتي انته وضوه عيني

من ايدي اضيعك يبني وين الگاك

-----

وين الگاك يبني لورحت يبني

عزيز او فرگتك يمه تعذبني

جاوبني يالاكبر يالله جاوبني

عمري والعمر ماينفع ابلياك

----

ابلياك العمر وحشه لياليه

لوشمسك بعد ماتطلع اعليه

وليدي والامل گلت اگعد ابفيه

كل يوم اندعيلك يالوِلد يرعاك

----

يرعاك الالاه الصورك ادعي

لومهموم اشوفك ينطوي ضلعي

ماترضه يالاكبر من يهل دمعي

الموت الموت اهون يبني لافرگاك

----

لافرگاك احمل يبني شيحمله

ماشوفك ييمه وهاي موسهله

ليه اتعود سالم اظل متأمله

تنساني شتظن يوليدي هم انساك

---

هم انسه اليالي البيها باريتك

يانور اليشع لمن تطب بيتك

هاي اسنين تكبر يبني تانيتك

تحرمني يالاكبر ياسبب دنياك

-----

سيد عدنان الحمامي


 
 توقيع : المعارف




رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




Loading...


Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY:
! ωαнαм ! © 2010
سعودي كول