|
#1
04-03-2011, 06:13 PM
|
|||||||||
|
|||||||||
-- زينب يم گبر عباس -- بس ماردت امن الشام -- للاربعين
بسمه تعالى سلام عليكم -- -- البحر الطويل -- المستهل --- زينب يم گبر عباس -- بس ماردت امن الشام اگعد شوفني ابعزمي -- ومرفوعه يخويه الهام --- اگعد خل اسولفلك -- ينشمي يبن خير الناس اجيت بخطوة الامجاد -- امشي ولاحنيت الراس متحزمه ابورع امي -- وصبر الابو ياعباس اطمنك هيبتي اويايه منها ارتهبت اعدايه وعندي للنصر رايه يخويه رايتي راسك -- وبيها اتشرف الاسلام ---- راسك رايتي وبيها -- ذليت العدو ذليت مثل يوم الفرات البيه -- تسحگ عالجثث طبيت وآنه بالفخر والعز -- حُره وبالمجد رديت أتباها بعضيد حسين لخيه ضحه بالچفين والهام وضواها العين وبهاي الشهامه البيك -- اختك لاوت الظلام ---- ألاويهم ابزود البيك -- وعزمك ياگمر عزمي يعباس وحياة امك -- الحرُه وكسر ظلع امي يوم الكوفه من طيبت -- حنوها ارگابهم لسمي وبقصر ابن مرجانه هنته وهنت سلطانه بت خير البشر آنه واخوتي حسين والعباس -- من عدهم ثلث تنعام ---- ثلث تنعام جاوبته -- بيكم راد يتشمت بوجه صحت لولاهم -- يظالم نعم ماتمت وشفاعة هالخلگ كلها -- بيهم نالت وعمت لولاهم سمه ماصار يظالم چان طحتو بنار لاچن رحمة الجبار بينه انجعلت اعليكم -- يهل الغدر والاثام --- لهل الغدر برض الشام -- قمه اوگفت منتصره اليزيد ابن الطليقه هند -- استصغرته وهنت قدره ماوديت ارد اعليه -- لاچن بالگلب جمره باشياخك صلف تهتف واحنه ليكم انشرف اصلك عجب مانعرف يبذرة شر ابن سفيان -- يالعابد وثن واصنام ---- خويه امن اليسر جيتك -- صارن اربعين انهار فارگتك واريد اوياك -- اظلن هالمسه خطار منوايه اسر گلبك -- ولا احچي الجره والصار يبو فاضل انا هالجيت اشم الطيبك اشتاگيت لچني اعتبت من ناديت يخوتي للضعن گوموا -- ولامنكم سمعني وگام ----- من گبره يرد عباس -- بيها ايمرحب اتسمعه هله يازينب ايگلها -- هله بنهر الوفه ونبعه يختي وأرد اسلم اعليچ -- بيش اچفوفي متگطعه من يوم النهر طبيت ابگلبه رايتي خليت من العذب جود امليت چان الامل ارجع ليچ -- لاچن هالامل مادام --- سيد عدنان الحمامي 
|
| مواقع النشر (المفضلة) |
«
الموضوع السابق
|
الموضوع التالي
»
العرض الشجري
|
|
|
|