#1
|
|||||||||
|
|||||||||
لنصرة زينب ع -- في سوريا ---
نصرة زينب ع
-- ================ المستهل ------ وين اهل ياليتنا -- سيدي كنا معك گبر زينب بالخطر – الناصبي بهدمه جهر ناصر ايريد الها ينصر يجي للشام ------------------ زينب بحيرة امرها سمعت بهدم الگبر وهيه من الطف مصايب حملت ودمعه جمر بالحزن وبثوب الاسود خلصت كل العمر اليوم وتوجه نظرها الحيدره فارس بدر امن النواصب تشتچي -- تريده ينصرها يجي تگله يابويه علي – گوم وتلاحگ الي طوگوا گبري يبويه ناس ظلام -------------- بويه ياحيدر تنادي الصوت وجهت للنجف بويه ظيم اللي حملته اشكثر واصفگ بالوسف بويه بالشام النواصب ناس لاذمه وشرف عزموا ايهدمون گبري وگلبي من عدهم رجف انفض اتراب الگبر -- ياعلي ماضل صبر صوتي من يوصل الك -- گوم ديره للفلك على زينب ياعلي هم جفنك ايانام ------------ زينب وهل لمره وجهت صوت يوصل للطفوف طاف هالصوت الشريعه ودّور ايريد الچفوف وين اخويه البطل وينه للنواصب خل يشوف يرضه زينب برض غربه والعدوا اعليها يطوف وينه عباس الشهم – بأخته هم عنده علم اله ظلت تنتظر – يجي عباس البدر كلهم ايعرفون اخويه بطل مقدام ------------- زينب امن الشام ظلت عينها الطف كربله ياهو للعباس يمشي وخبر اخته ايوصله ايخبره بالشام الغريبه گبر اختك من اله شهم عباس البطل – بحربه يرهب لونزل كربله تشهد اله – جيش وحده ايزلزله ابد مايقبل باخته الحرُه تنظام -------------- ردت الحره العقيله العلي الاكبر رادته يجي ايحاميها تريده حگها هيه عمته النوبه للعريس جاسم عمه عمه نادته گوموا ليّه والنواصب هدم گبتي طلبته التمت اعليه العده -- حالي ياهو ايساعده غيركم يفزع منو -- گوموا للشام اعتنو گوم يالاكبر يعمه وگوم جسام --------------- زينب الدمعه ابجفنها اللي نظرها شاهده ردت الشيعتها زينب وجهت هذا النده فزعوا ياشيعه اليه وطردوا من يمي العده خاف لن هذا ضريحي اعداي تالي اتفرهده وينكم ياشيعتي – ابعيني نشفوا دمعتي انتم الزينب سند – اي وحگ رب الصمد تنتخون اسباع منكم ثلث تنعام -------- سيد عدنان الحمامي -------- ============== نصرة زينب ع ------------- گومي بت علي گومي وتلگينه يخاف الموت لجلچ ولله مابينه -------------- گومي بت علي اتلگيهم احبابچ هاي ارگابنه نفر شها بعتابچ شحده اللي يصل يازينب البابچ براكين الغضب ولله تشوفينه -------------- تشوفينه زلازل بيهم انزلزل يزينب روسها امن ابدانها نعزل الف موته نموت ولاجدمنه ايزل وعهد بالدم نضحي اليوم خطينه -------------- خطينه العهد بالدم يبت حيدر نجي للشام هاي ارواحنه معبر من يگدر يصل حدچ منو اليگدر بدروب الشهاده لجلچ امشينه ------------ يامحله الشهاده وياهلا بالموت لجلج مايهمنه الف موته انموت كل ظالم نسحگه ونسحگ الطاغوت وحگ اللي فداهن لاخته چفينه -------------- شيردون النواصب منچ شيردون علنوا عالضريح وگبتچ ايهدمون لساعه الحقد يابت علي مدفون من يوم اغمضت للمصطفى عينه ------------- من يوم السقيفه اتآمروا ضدكم وسلبوا كل ارث وحگوك من عدكم لأن المصطفى ايعرفون بيه جدكم ونكروا كل وصايا الوصه هادينه ----- سيد عدنان الحمامي ------ +++++++++++++++ -------- النصرة عقيلة بني هاشم ع ---------- زينب صدگ زينب النه منتظره انروح ازحوف الها او فاطمه الزهره ------------- زينب صدگ زينب هاظميها الناس بالشام الغريبه هاي اخت عباس ولله نروح الها نزحف اعله الراس وحگ ضلع الزجيه المابره وكسره --------------- ندري ابزينب المحد يواسيها لاموكب بقه يمها او يعزيها صحنها موحش ومحد يصل ليها لافزاع الها الزينب الكبره ------------- لافزاع يفزع الها ويواسي زينب ليش وياها الدهر قاسي على راسي اروح الها على راسي واصير افراش افرش روحي بالحضره ---------------- افرش روحي الها وابد ما ابخل ودمعي امن الگلب بالحضره خل يهمل الف موته لجلها او لا ابد مامل دمي كون خاطر زينب ايجبره ---------------- اخت عباس بالارواح نفديها غريبه اهناك ولله مانخليها بالمال وبنين انروح نحميها وكل واحد تخلف عنها منعذره ---------------- يالله اتحضروا زينب تناديكم يالغيرة گمر هاشم اهي بيكم حگها بت علي حگها تره اعليكم لخوها حسين زينب هيه التنصره ------- سيد عدنان الحمامي ----- ================ استنهاض للحجه في حق زينب ع ----------------- في حق زينب ع --------- عمتك رادتك يالمهدي تحميها برض الشام خاف اعداك توليها ------ صوت امن الضريح ايصيح يالمهدي للشام اعتني يبن الحسن وحدي لا من اخوتي ايفزعولي ماعندي بس انته العمتك من يحن ليها ------------ يبو صالح يعمه رد ابو سفيان وبن العاص ذوله العبدوا الاوثان ترحل بت علي كتبوها عالحيطان تعال الكربله العمتك توديها ----------- تعال وخل تغوص الگاع بدماهم تعال وبيدك اطويها الرواياهم ترضه امشي سبيه النوب وياهم العمتك گوم عمه اتلاحگ اعليها -------------- سبوني بكربله وبهاي اظن تدري ولا من اخوتي ايحامون الي خدري اجي للشام عمه امحزمه ابصبري واعيال اخوتي اعيوني تباريها ----------------- وي روس اخوتي للشام ودوني يعمه والدمع مافارگ اعيوني النوب اهنا اجوا يردون يسبوني هم ترضه العدو العمتك يبچيها ------------------- يمن كل عين تتمنه يمر طيفك گوملهم يعمه واطلب بحيفك وخل يعزل الروس امن الجثث سيفك واصحابك تجي امجرده مواضيها ----- همه الناس ذوله نفس ذيچ الناس لاذمه وضمير وغيره لا احساس يعرفون العقيله آنه اخت عباس وبت حيدر علي اللي ينحلف بيها ------ سيد عدنان الحمامي ----- ----------- |
|
|
|