شفت بعيوني *للزهراء(ع) /سراج السلطاني

شفت بعيوني ضلع الزجية أنصاب
تصد مذهولة أمنة وغدت بصواب

محسن وكع يمهة
ياحيدر احضرهة


ينوح العالم العلوي بمصيبة اتكدر الوجدان
أولابس بالحزن ثوبة أويواسي سيد الوليان
العرش أعلن حداد اليوم ويذرف دمعة الأحزان
عليها العالم أتلوَع أوعليها ينحب القرأن

كل المأسي انجمعن علينة اليوم
والوكت قاسي مافرح المهضوم
اوكل الفخر الهة
ياحيدر احضرهة


شفت بعيوني هاي أمي ضلعها اتصوب ابهالباب
أوركَضت اعليها مفزوعة أوعليها افادي بالف اصواب
تنادي ابحركة البسمار ضلعي منهشم ونصاب
وتنوح اعلة الوكع محسن سكط من دفعة الاغراب

وكع جدامي محسن يزينب راح
هاجت الامي اليوم انمليت اجراح

ولكل حكم سرهة
ياحيدر احضرهة


لو صم الصخر شايف مثل ماشافت الحورة
جا ذاب الصخر لمن يعاين فاطمة الزهرة
نادت فضة الزميني أوزينب تنظر ابعبرة
يفضة اوحيلي متهدم اعلة محسن اجذب الحسرة

حرت يافضة المن أون ونحب
والدمع يهمي محسن أشد وصعب

هي الأصل منهة
ياحيدر احضرهة


هاي الي سجد يمهة نور العالم الأطهر
هاي ام الأيمة الي بسمها وينبع الكوثر
روح الهادي والبضعة وبضيها الورد أزهر
الليله اعليها جم لوعة أوعليها المرتضى اتحسر

ظلمة النوايب يم الحسن وحسين
والصُبح غايب مثل النبض والعين

واجب صُبح ودهة
ياحيدر احضرهة

******************************
بقلم الشاعر الحسيني

سراج السلطاني