للزهراء ع --- أعلن اليوم الى الزهره ولائي -- حبيبه وصورتها

للزهراء ع-
...
المستهل
...
أعلن اليوم الى الزهره ولائي
من الاصلاب لها كان انتمائي
حبيبه او صورتها – وسط گلبي أحفظتها
......
أعلن وصوتي ارفعه للسمه السابع أسمّعه
آنه عاشگ آنه أحبها فاطمه للهادي بضعه
آنه مجنون ابهواها حبي من يگدر يقمعه
آنه ثوره آنه عبره آنه للاحزان دمعه
رغم اللجروح ابد لا ماعفتها
صوره بالعين لها آنه ارسمتها
محبتها أرضعتها ... وسط گلبي احفظتها
......
فاطمه هيه الوسيله هيه للمذنب شفيعه
الله خصها بالشفاعه ومنزله عنده رفيعه
بضعه للهادي نبينه منّه للامه وديعه
بعده نكروا كل وصيه أبفاطمه عملوا فجيعه
بيها وصه الوصيه مارعوها
خلاف عينه الوديعه أيروعوها
واللدموع البچتها ... وسط گلبي أحفظتها
.....
فاطمه للموت نبقه الها مانخلف وعدنه
الها ضحينه الرگاب وللأبد يبقه عهدنه
والتمسك بيها هذا طيب وطاهر معدنه
الف موته لو نموت أعله لثبات احنه بعدنه
دمنه يهتف يزهراء الوديعه
هذا حبنه على العالم نذيعه
معاجزها شفتها – وسط گلبي أحفظتها
.......
فاطمه قرآن ناطق حاربت اهل الظلاله
فاطمه شرع الله وضحت من حرامه من حلاله
فاطمه الله كرمها الكوثر ومايه وزلاله
فاطمه روحه المحمد عدها اجملهن خصاله
الله للناس جعل بيها السلامه
والشفاعه لها من الله كرامه
أبد لا ماعفتها ... وسط گلبي أحفظتها
.......
فاطمه نور وبصيره للعلم هيه وميضه
فاطمه الله لجلها يخلق الجنه العريضه
فاطمه ثوره المحمد ضد اللعقول المريضه
فاطمه هيه الصلاه هيه الشرع هيه الفريضه
لعنة الله على الكسروا ضلعها
لعنة الله على الهيجوا دمعها
كل دمعه اذرفتها ... وسط گلبي أحفظتها
......
بيها من وصه الرسول الامه من بعده تنكرّت
أتعّدت الكل الحدود أو واحد امن أضلوعه كسرت
وباب وحي الله بحطبهم تحترگ بالنار وجرت
عالاذى والظيم كله والحزن والهم تصبرت
وصت بليل علي لمن دفنها
واخذت الظيم بعد واخذت حزنها
معالمها الخفتها .. وسط گلب احفظتها
....
سيد عدنان الحمامي...
....