|
#1
05-01-2014, 01:02 PM
|
||||||||||
|
||||||||||
قصائد --- استشهاد الامام الكاظم ع -- قصائد
قصائد -- گعده + لطم - + ابوذيات -- استشهاد الامام الكاظم ع ---
-------------------- الكعده --------- المستهل --------- باب الحوائج كفو -- باب الفرج بابه واللي اجه الحضرته -- منه اخذ طلبته باب الفرج بابه --------------- باب من رحمة الباري بابك وشفنه فضلها ناس من تتعنه يمك كل مشاكلها تحلها ماتقصر تمد چفك كفو غيرك ماكو الها واصبحت باب الحوايج انته للوادم املها ناس الذي يمك اجت -- غيرك كفو لا مالگت منك شرادت حصلت -- اخذت الحاجه امن اهلها يالبيك ظيم الوكت -- للكاظم امشيله اليتوسل ابحضرته -- منه اخذ طلبته -- باب الفرج بابه ------------------- كل كريم انعرف يكرم لو اجه محتاج يمه ومثل ابن جعفر منلگه الجاي ميفشله يكرمه والذي ايحس عينه رمده امن الرمد هوه يسلمه والذي للشفه رايد ايطيّبه ويجليله همه چم ارمد اليمه دخل -- لعيونه رد الها الامل وشكثر شافه من علل -- وچم شمل هوه اليلمه موسى بن جعفر بعد -- والنعم من عنده واللي يجي ابعازته -- منه اخذ طلبته -- باب الفرج بابه ------------------------ امن المدينه ابقيده جابه ياجرم عنده وجنايه هوه ريحانه المحمد موسى للايمان رايه امقيد ابقيد وسلاسل ماشي بدروب المنايه خصمه هوه شراد منه ويه موسى شعنده غايه ساجد وراكع بالسجن -- من قسوة اقيوده يون والخصم قاسي مايحن -- سوده ظامرله النوايه چم عام غاب ابسجن -- ماينعرف عنه هارون وبقسوته -- منه اخذ طلبته --- باب الفرج بابه -------------- اخسطعش عام بسجونه خصمك الماعنده رحمه وهوه بقصور وغواني ونته بالطاموره ظلمه خايف اعله التاج منك خايف اتقوضله حكمه بالطرب يگضي اليالي مترف وغلمانه يمه الشرع الرسول ايحاربه -- ونته اصبرت عالنايبه شخصك يريد ايغيبه -- ظالم اتفنن ابظلمه من سجن انته السجن -- ياصابر ومحتسب واللي يمد يمنته -- منه اخذ طلبته -- باب الفرج بابه ------------------- هذا منهاج النبوه كل امام ايادي دوره من قبل اعلن محمد وضح اكتابه وزبوره لامته راد السعاده أمه عالمنهج غيوره تفضح لاهل الظلاله تاخذ الحق وصبوره للهادي تبقه عالعهد -- اويه العتره ماتخلف وعد وماترضه بالذله ابد -- وتحمد الباري وشكوره قصّرت بعد النبي -- هالامه ماوفّت والحارب العترته -- منه اخذ طلبته -- باب الفرج بابه ------------- منهج الحق والعداله اترفضه اصحاب المنافع والذي الدينه يجاهد محّد الأجله يدافع بيهم ايعادي العقيده غايته ايريد المطامع وموسى بن جعفر او حقه منه هالحق صبح ضايع الكاظم بعد ماسجنته -- چفوف الجريمه اولته بالسم تگطعت چبدته -- أمقيد ابقيده ينازع ينختم عمره بسجن -- محد حضر يمه والگطع المهجته -- منه اخذ طلبته --- باب الفرج بابه --------------- ------------ سيد عدنان الحمامي ------ =================== 2 المستهل -- -- اهلك عنك صاروا وين -- عنهم غايب صار اسنين مانشدوا ماكالوا وينه -- ابيا طاموره ايكضي اسنينه -- اهلك وين يالكاظم عجب ينسوك غريب انته ابغربتك ممتحن خلوك ما نشدوا عليك ولا اجوا شافوك ليش ابين طاموره وسجن خلوك ابساكك هم يدرون القيد -- وآلامك كل يوم اتزيد خلي السجان ايحاجينه -- ابيا طاموره يكضي اسنينه ---- ياظيم اليمر ياظيم وتحمله يالماينجمع ويه الاهل شمله سجن اظلم غريب وهاي مو سهله ومحد هالسجين الكال وين اهله سجن اظلم ويه الجلاد -- جابه امن البصره البغداد ويحزّ القيد ابجفينه -- ابياطاموره يكضي اسنينه -- نزف جفه اويه ساكه امن الحديد البيه صابر محتسب والنايبات اعليه وبرهبة سجن للكاظم امخليه كل ساعه المنيه الظالم ايراويه كل ساعه ويتمنه الموت -- ويخلص من ظلم الطاغوت بس الله بهل المحنه ايعينه -- ابيا طموره يكضي اسنينه -- كظم غيضه وصبر ويجاهد بصبره نذرللدين موسى ومابخل عمره ياحلمه اشوسع حلمه بوسط صدره وهارون الرذايل جامع بقصره ويه الجواري او غلمان -- ولا يحمل ذرّة ايمان مو مثل الي ضحه الدينه -- ابياطاموره يكضي اسنينه -- ضحه الكاظم ويجرع مراره وهم لا عنده جنايه ولا يطلبوه دم وجفوف الخيانه غدرته بالسم وجبد المصطفى عالكاظم أتألم وتألمت لمصابه الزهره -- عالكاظم هلتها العبره ابصوت الاحزان اتنادينه -- بياطاموره يكضي اسنينه -- يختمها الحياته وجبدته امكطعه ولا واحد عليه يبجي ويهل دمعه ولايمه الرضا وللكاظم ايودعه ومن ساكه الحديد الجرحّه اينزعه ظل نعش الكاظم مرهون -- راد اهله الدفنه ايحظرون حق اعله امصابه امن ابجينه -- ابياطاموره يكضي اسنينه -- سيد عنان الحمامي ============================= 3 فوگ الجسر تلگوني -- ياشيعتي وشيعوني بالحسرات -- بالدمعات --- باچر لون طرله فجر -- وشمس الصبح من اتلوح ياشيعه نعشي اعله الجسر -- لو رحتو تلگوه مطروح لايمه من يجري الدمع -- لامن بواچي او لانوح آنه غريب او لاهلي -- وين اليخبّر اهلي ايروح بلچن هلي ايحضروني -- ياشيعتي وشيعوني بالحسرات -- بالدمعات -- ياشيعه وآنه بالسجن -- ظيم وقساوه وتنكيل وبساگي قيد ويلتوي -- ومن يلتوي دمي ايسيل لاراحه لارأفه شفت -- سجاني ظالم ويعيل نعشي المنيه لو دنت -- باچر اتشيله احماميل بس اتغمض اعيوني -- فوگ الجسر تلگوني بالحسرات -- بالدعات --- اخمسطعش عام ابغربتي -- مابين سجن وسجان غيضي كظمته ومصطبر -- وعبّدت درب الايمان رادوا ايقبرون الشرع -- وينسون نهج القرآن لاچن ابصبري جاهدت -- والسجن صار الميدان وصار الهم يسموني -- ياشيعتي وشيعوني -- اتحملت مامثلي حمل -- شوغه ومراره وآلام طاموره وحشه ومظلمه -- امن الهظم جفني مانام محروم حتى امن الضوه -- حرموني منه الظلام راووني اشكال المحن -- من القساوه چم عام بالسم من يغدروني -- ياشيعتي وشيعوني بالحسرات -- بالدعات ---- باچر يشيعه اعله الوعد -- وادري الموادع ميهون هالامر لاچنه حتم -- عالجسر نعشي اتشوفون واخلص امن الهم والالم -- امن الطاغي اخلص هارون شيعوني بدموع الحزن -- حگ لو عليّه تبچون من هاليوم ودعوني -- ياشيعتي وشيعوني بالحسرات --- بالدمعات -- -- سيد عدنان الحمامي --------------------------------- =================================== 4 تجليبه ---- يسجان السجن لا لا تسد بابه اجتي امواجهه للكاظم احبابه ------ يسجان السجن فك بابه وتأنه عزيز وغاب لارد كل خبر منه دورنه السجون ابكل كتر عنه مدري بياسجن وينام بترابه -------- مدري ابيا سجن بالبصره لو بغداد وبقيد الحديد وقسوة الجلاد هذا ابن النبي وللناس باب امراد والوادم الداره أتقبل اعتابه --------- ياسجان عدنه امواجهه و ياه غالي الكاظم وبلچن صدگ نلگاه هاي اسنين غاب وما بعد شفناه وصعبه اعله العزيز ايطول اغيابه ------ بلچن نطمئن لو ننظر الوضعه صدگ محروم حتى من ضوه الشمعه ياسجان يشتم الهوه طلعه جبنه افراش اله ويبدل اثيابه ---------- ياسجان خاف ابسجنه يتألم وبساگه الحديد او يجري منها الدم صبر امينن ظل بالكاظم اتهدم ذنبه اشچان خصمه للسجن جابه ------------- ياسجان ذنبه اشچان مترحمه مو هذا الزجيه فاطمه امه حجبته شلون هاي اسنين وتظمه شمسوي ذنب ينحبس وطلابه ---------- شمسوي ذنب كل ذنب ماعنده مو هذا غريب ابغربته وحده بس لتگول بالسم مردَو چبده مو هالدنيه كلها الكاظم اتهابه ------- ------ ------------------------------- 5 ---- المستهل --- وين اهله وين اهله -- هالنعش وين اهله عالجسر محد شيعه -- هالنعش وين اهله ----- تنشد الوادم هالنعش هذا امنين -- وگفت تنظره لايمه من اهله وعليه تبچي العين -- ولالجله عبره وين الهواشم عن ابن جعفر وين -- محد يحضره غايب ومانشدوا عليه صار اسنين -- غيبَوا بدره موسهله موسهله -- فاجعه موسهله الغُربه عليه متجمعه -- هالنعش وين اهله ----- خل تبچي عين النايبه وعين الكون -- والسمه ينعاه هذا الغريب ابغربته ايموت اشلون -- لاأهله وياه عالجسر نعشه الكاظم ايظل مرهون -- من عگب بلواه ابرهبة سجن يختم حياته مسجون -- ودع الدنياه شيحمله شيحمله -- هالامر شيحمله محد حضرله او ودعه -- هالنعش وين اهله ----- محد حضرله شكثر صار اهلاله -- عالامه غايب طاموره ظلمه والمنيه اگباله -- وفوگه النوايب اخمسطعش عام الممتحن دلاله -- يجرع مصايب هذا الذي يرهب الدنيه اخياله -- ابن الاطايب منذهله منذهله -- هالناس منذهله ينشد الطيب مرضعه -- هالنعش وين اهله ------------- راد الرضا ابنه يحضره يمه -- ايعاين الوضعه ابلهفة أبو لاابنه يشبگه ايظمه -- لمن يودعه وقيد الحديد النزف منه دمه -- بيده ينزعه ويشوف چبده اللي يگطعه سمه -- السم اشيجرعه شيوصله شيوصله -- للسجن شيوصله امن السجن خصمه طلعه -- هالنعش وين اهله -------- اربع حماميل ابن جعفر حملوه -- من غفت عينه من عگب بسجون الرهيبه ايغيبوه -- يختم اسنينه وصوت الحزن اهله شعجب ماسمعوه -- برض المدينه وللكاظم بهيبه يجون ايشيعوه -- ليظل رهينه ترسمله ترسمله -- ياصوره ترسمله بالنعش چبده امگطعه -- هالنعش وين اهله ----- ياهو الذي الهذا الغريب ايحضره -- ابن الاماجد امن المصطفى باچر يحصل اجره -- لو أجر رايد هذا الامام الممتحن كل عمره -- زاهد وعابد ابروح الصبر جاهد ابعلمه وصبره -- ابصبره يجاهد ويكمله ويكمله -- للمنهج ايكمله للعدل صبره ايشرعه -- هالنعش وين اهله --- -- - ----------------- 6 القصيده مستهل وابوذيات -------- ----- --- المستهل ---- نصبتله عالزجيه -- للكاظم عزيه ----- سجين وظيم صبره سالمنه وچفوف ام المنايا سالمنه سلسله ومنها دمه سالمنه من ساگه وينازع بالمنيه ------ اريد اعلن حزن گلبي وشيعه غريب ولاهله يمه وشيعه يمسلم گوم للكاظم وشيعيه ليش اعله الجسر نعشه رميه ------ شفاعه ايريد من منكم ويجره على الكاظم يهل دمعه ويجره عليه اشصار ماندري ويجره بسجن اظلم او وناته خفيه ----- رمش عيني يرف اعليك وشراف يااسمى واجل الناس واشراف يبن جعفر دناك الموت وشراف عليك بغربتك هاي المسيه ------- بهل بيت النبي حُبنه ولعنه فدوه كل جهد الهم ولعنه الغدر بالكاظم اجهنم ولعنه على كلمن رضا بهاي الرزيه ----- يبن جعفر دليل هاك نعشه وكتنه صعب بالحسرات نعشه انته العلجسر مطروح نعشه ونته چبد للزهره الزجيه ------ لعد ثغري الدهر مايوم بسام على الغالي وعدوه ارخيص بسام سجين الكاظم وينتچتل بسام وهو باب الحوايج للبريه ------- ----- --- -- ------------------------------------7 المستهل ---- بينه اجروح -- ونه ونوح -- عالكاظم بواچينه ------ يادمع النواظر سيل -- لاتبخل على الكاظم وياجرح الگلب انزف -- واترك لومة اللا يم هذا ابن النبي المختار -- طاح ابولية الظالم من سجن السجن بالقيد -- بتراب السجن نايم ابسجن هارون -- بيه يقسون -- محرومه الوسن عينه -------- نبچي اعله الگضه مسموم -- ابطاموره وسجن مظلم ماغير الهوه ايمر بيه -- ولاينشد عليه مسلم ابمحراب السجن خاشع -- ساجد راكع او مكظم غيضه كاظمه وصابر -- وصبره يرهب المجرم غاب اسنين -- عن العين -- ابطاموره گضه اسنينه --------- گضه اسنينه ابسجن وقيود -- تحت الارض طاموره وهارون بطرب وبكيف -- جواري وخمره بقصوره منه خاف عالسلطان -- وعالكاظم يصب جوره راد ايحجبه عن الناس -- راد ايغيبه النوره اشكبره الهم -- ابسجن مظلم -- ابصبره ايجاهد الدينه --------- ابصبره ايجاهد وصابر -- وقيده ابساگه شيفصمه محد واجهه محد -- ابسجنه ولا اهل يمه ماحضروا واجوا شافوه -- من ساگه جره دمه چان ايضمدوله اصواب -- وعنه خففوا همه ظيمه اچبير -- شلون ايصير -- وحده ولا من ايعينه ------- وحده بالسجن وحده -- ومن فوگه المنيه اتحوم ياهو اللي يخبَر اهله -- ومن طيبه يجوه هاليوم راد ابنه الرضا ايودعه -- ويشوفه شكثر مهموم الكاظم يدري بس هاليل -- وباچر بالسجن مسموم عگب صبره -- ختم عمره -- وين ابنه الرضا وينه -------- وين ابنه الرضا ايحضره -- وللكاظم يجي ايودعه وقيد القَيد الكاظم -- من ايده الرضا اينزعه وبيده ايغمض اعيونه -- ولمصابه يهل دمعه ايغسله ايچفنه وينعاه -- ويحمل نعشه ويشيعه يجي ينعاه -- وكلنه اوياه -- ويظل الحزن بينه ---- سيد عدنان الحمامي 
|
|
05-02-2014, 08:40 PM
|
#2 | |
|
المراقبين
|
السلام على باب الحوائج
قاضي الحاجات باب المراد سيدنا الجليل عطر الله انفاسك و  |
|
|
اللهم صلِّ على محمد وعلى آله الطيبين الطاهرين
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض العادي
|
|
|
|