انطيني ياحيدر صبركم وأله صبرك ياحسين؟الى واقعة الطف اقول

انطيني ياحيدر صبركم وأله صبرك ياحسين
نزلت ادموعي عل خدي شلون كلب ام البنين
الكلب ينزف دمه..مثل حماي الحمه
&&&
لو شفت ذيج الرزيه وشفت حال القافله
ردت بزينب وحيده يوم تركت كربله
دخلت بقصر السبوه وخاطبت ذاك المله
وسئلت يزيد وزمرته شنهو ذنب العايله

وياك ياابن الدعيه اليوم يكرب موعدي
اليوم احذركم واكولن ياارض انتي اشهدي
وتشهد عليك السمه..مثل حماي الحمه
&&&
عادت الحره لااخوهه من بعد ذاك الرحيل
وياه بس اطفال تبجي والنسه وحزن العليل
تصيح ياكافل خدرنه كوم وانهض يالكفيل
استمع ونت اطفالي والنسه الهم عويل

تسمع اطفالك بجيهم جيت خويه وحدي
جيت ياخويه اخبرك اليوم حزني يبتدي
عيوني صاباهه العمه..مثل حماي الحمه
&&&
خويه عندي احجايه اكلك لورحت لهل المدينه
شلون ياخويه بمصابي لو تلكتني الحنينه
وتسئل اعل حسين ابنه وسئلت اعل الكافلينه
شنهو كلي اجوابي ارده وين ربان السفينه

ولون سئلت بعد خويه اتكول وينه ساعدي
الجان كافل خدر اخته ومايمرهه المعتدي
خله اخته بمعصمه..مثل حماي الحمه
&&&
كلبي خويه وكلب امك استعرن وبيهن جمر
والاشد خويه ارد اكلك كام يحدني الشمر
ردت خويه بلحظه يخلص مني كل هذاالعمر
وبالسياط اتشفه بيه خول والشمر وزجر
وعالهزل مشوني خويه والشمر كام يحدي
ليل ونهار واذيه وخاطبت حتى الجدي
واحملت خويه الضمه..مثل حماي الحمه
&&&
كمت ادور خويه عنك وعل الجفوف مكطعه
رحت صوب النهر خويه ومن شفته المشرعه
بجسمك التربان شفته وشفته بيهن موضعه
جروحك النزفت هنانه والنهر صب مدمعه
وردت يمك كون اصيرن هنانه يمك مرقدي
وي اجفوفك يخويه تصير تجوه ومسندي
حيل خويه مألمه..مثل حماي الحمه
&&&

خادم اهل البيت
ابو علي السعيدي